Hormatly Prezidentimiz Serdar Berdimuhamedowyň adyna Türkmenistanyň diplomatik işgärleriniň güni mynasybetli köp sanly gutlag hatlary hem-de telegrammalar gelip gowuşýar. Döwlet we jemgyýetçilik işgärleri gutlag hatlarynda döwlet Baştutanymyzyň yzygiderli tagallalary netijesinde Garaşsyz, Bitarap Watanymyzyň parahatçylyk hem-de ynanyşmak medeniýetine daýanýan daşary syýasat strategiýasyny durmuşa geçirýändigini, dünýäniň gyzyklanma bildirýän ýurtlary, iri halkara guramalar bilen ikitaraplaýyn we köptaraplaýyn hyzmatdaşlygy barha ösdürýändigini nygtaýarlar. Hormatly Prezidentimiz Serdar Berdimuhamedowyň baştutanlygynda amala aşyrylýan döredijilikli syýasat dünýä bileleşiginiň giň goldawyna eýe bolýar, oňyn başlangyçlar bolsa Türkmenistanyň ýokary halkara abraýyny has-da berkidýär. Gutlag hatlaryny iberenler hormatly Prezidentimizi şanly waka mynasybetli tüýs ýürekden gutlaýarlar we berk jan saglyk, uzak ömür, Watanymyzyň mundan beýläk-de gülläp ösmeginiň bähbidine alyp barýan giň gerimli işlerinde uly üstünlikleri arzuw edýärler.
Diplomatik işgärleriň güni bilen döwlet Baştutanymyzy türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gutlady.
