Döwlet Baştutanymyz Serdar Berdimuhamedowyň adyna 13-nji oktýabrda Gazagystan Respublikasynyň Astana şäherinde geçirilen Aziýada özara gatnaşyklar we ynanyşmak çäreleri boýunça Maslahatyň VI sammitinde hormatly Prezidentimiziň bu Maslahaty ösdürmek işinde ajaýyp hyzmatlary we gymmatly goşandy üçin «Aziýada özara gatnaşyklar we ynanyşmak çäreleri boýunça Maslahatyň 30 ýyllygy» atly birinji derejeli ýubileý medaly bilen sylaglanmagy mynasybetli köp sanly gutlag hatlary we telegrammalar gelip gowuşýar. Döwlet we jemgyýetçilik işgärleri, ministrlikleriň, pudaklaýyn dolandyryş edaralarynyň ýolbaşçylary hormatly Prezidentimiz Serdar Berdimuhamedowy şanly waka bilen tüýs ýürekden we mähirli gutlap, berk jan saglygyny, uzak ömür, Watanymyzyň abadançylygynyň, halkymyzyň bagtyýarlygynyň bähbidine alyp barýan köptaraply işinde uly üstünlikleri arzuw edýärler.
Döwlet Baştutanymyzy ýubileý medaly bilen sylaglanmagy mynasybetli Milli Geňeşiň Halk Maslahatynyň Başlygy Gurbanguly Berdimuhamedow hem-de Milli Geňeşiň Mejlisiniň Başlygy G.Mämmedowa gutladylar.
