Şu gün — 6-njy aprelde Döwlet medeniýet merkeziniň Mukamlar köşgünde «Berkarar döwletiň täze eýýamynyň Galkynyşy: ösüşiň we abadançylygyň ýoly bilen!» atly dabaraly maslahat geçirildi. Oňa medeniýet ulgamynyň ýolbaşçylary, döredijilik işgärleri, köpçülikleýin habar beriş serişdeleriniň wekilleri, talyp ýaşlar gatnaşdylar.
Maýa Kulyýewa adyndaky Türkmen milli konserwatoriýasynyň bagşy-sazandalar toparynyň ýerine ýetiren «Täze eýýamyň Galkynyşy» atly aýdymy bilen açylan bu maslahatda halypa ýazyjy-şahyrlarymyz, medeniýet we sungat ussatlary bilen birlikde ýaş döredijilik işgärleri çykyş etdiler.
