Goýnuna Bütindünýä saglyk gününi alyp gelen apreliň ilkinji şenbesinde Türkmenistanyň futzal we hokkeý ýygyndylary, şeýle-de ýurdumyzyň wise-çempiony «Ahal» futbol topary halkara ýaryşlara gatnaşmak üçin olaryň geçiriljek ýerlerine ugradylar. Türkmen hokkeýçileri dünýä çempionatynyň üçünji diwizionynyň «A» toparçasynda, futzal ýygyndymyz Aziýa kubogy — 2022-niň saýlama tapgyrynda, «Ahal» futbol topary bolsa AFK-nyň Çempionlar ligasynda ýaryşar.
Hokkeý boýunça milli ýygyndymyz dünýä çempionatyna gatnaşmak üçin Maýn boýundaky Frankfurta (Germaniýa) uçdy. Türkmen hokkeýçileri bu ýerden awtobusly ýaryşyň geçiriljek ýerine — Lýuksemburga bardylar.
