Berkarar döwletiň täze eýýamynyň Galkynyşy döwründe ýurdumyzyň halkara abraýy barha artýar. Dünýä döwletleri bilen netijeli hyzmatdaşlyga gönükdirilen gatnaşyklar ýurdumyzyň daşary syýasatynyň esasy ugry bolmak bilen, özara hormat goýmak, ynanyşmak esasynda işjeň ösdürilýär. Şunuň bilen baglylykda, 16-njy dekabrda hormatly Prezidentimiz Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi.
Myhman duşuşmaga döredilen mümkinçilik üçin hoşallygyny beýan etdi.
