Üstünliklere beslenen «Pähim-paýhas ummany Magtymguly Pyragy» ýyly şanly wakalara baý boldy. Gahryman Arkadagymyzyň hem-de Arkadagly Gahryman Serdarymyzyň halkymyza serpaý eden eserleri ruhy we medeni gymmatlygymyza öwrüldi. Bu ajaýyp ylmy-filosofik eserler ýol-ýörelgämizdir. Halkymyzyň şöhratly taryhyny, medeni mirasyny, nusgalyk ýol-ýörelgelerini beýan edýän eserler ýaşlary watançylyk ruhunda terbiýelemekde gymmatly gollanmadyr. Gahryman Arkadagymyzyň, Arkadagly Gahryman Serdarymyzyň jöwher zehininden döreýän dürdäne eserler her birimiz üçin bahasyna ýetip bolmajak baýlykdyr. Gahryman Arkadagymyzyň «Hakyda göwheri» atly täze kitaby hem pähim-paýhasyň nur-şuglasydyr.
Gahryman Arkadagymyzyň türkmen we iňlis dillerinde neşir edilen «Hakyda göwheri» atly kitaby geçmişimize buýsanjy, geljegimize bolan ynamy artdyrýar. Milli Liderimiz taryhy maglumatlary diňe bir öwrenmek bilen çäklenmän, häzirki zaman dünýäsine akyl ýetirmegiň syryny hem salgy berýär. Täze kitabyň «Pähim-paýhas ummany Magtymguly Pyragy» ýylynda neşir edilmegi uly ähmiýete eýedir. Ata-babalarymyzdan miras galan ruhy gymmatlyklarymyz bu günki günde dünýä ýaýylýar. Bu asylly ýörelgeleri, şöhratly taryhymyzy ýaş nesillere öwretmek, wagyz etmek köňüllerde buýsanç döredýär.
