Hormatly Prezidentimiz Serdar Berdimuhamedowyň adyna Halkara Bitaraplyk güni we Türkmenistanyň hemişelik Bitaraplyk hukuk derejesine eýe bolmagynyň 29 ýyllygy mynasybetli köp sanly gutlag hatlary we telegrammalar gelip gowuşýar. Döwlet hem jemgyýetçilik işgärleri, ministrler, diplomatlar, kärhanalaryň, guramalaryň ýolbaşçylary gutlag hatlarynda hormatly Prezidentimiziň alyp barýan parahatçylyk söýüjilikli syýasatynyň, durmuşa geçirilýän giň gerimli özgertmeleriň, möhüm başlangyçlaryň we asylly işleriň Berkarar döwletiň täze eýýamynyň Galkynyşy döwründe täze sepgitlere tarap ynamly barýan Watanymyzyň dünýädäki abraýyny belende göterýändigini belleýärler. Hatlary iberenler döwlet Baştutanymyzy şanly wakalar bilen mähirli gutlap, berk jan saglyk, uzak ömür, türkmen halkynyň bagtyýarlygynyň, tutuş adamzadyň durnukly ösüşiniň bähbidine alyp barýan giň gerimli işlerinde üstünlikleri arzuw edýärler.
Hormatly Prezidentimizi Ministrler Kabinetiniň ýanyndaky Ulag we kommunikasiýalar agentliginiň işgärleriniň adyndan M.Çakyýew, G.Akmämmedow, A.Atamyradow, B.Annaýew, H.Hudaýgulyýew, D.Saburow mähirli gutladylar.
