Düýn — 18-nji noýabrda gözel paýtagtymyzda Özbegistan Respublikasynyň Türkmenistandaky Medeniýet günlerine badalga berildi. Onuň açylyş dabarasy Türkmenistanyň Döwlet medeniýet merkeziniň Mukamlar köşgünde boldy.
Ýüreklere ýakym paýlaýan, halklaryň dostlugyny pugtalandyrýan medeni çäreler adamzady jebisleşdirýär, dünýäni gözelleşdirýär. Muny ýylyň-ýylyna dünýä halklarynyň ata Watanymyzda, türkmen medeniýet we sungat ussatlarynyň gatnaşmagynda bolsa daşary ýurtlarda geçirilýän medeniýet günleri, hepdelikleri-de görkezýär. Olaryň çäklerinde halklaryň milliligi, edebi mirasy, taryhy we ýaşaýyş-durmuşy... giňden şöhlelenip, dünýä jemgyýetçiliginiň bir bitewi maksady, ýagny adamzadyň hemişe gözellige, döredijilige, özgerişe hem-de asuda, abadan durmuşa bolan ymtylmasy açylyp görkezilýär.
