Bereket etrabynyň «ak altynly» meýdanlaryndaky joşgunly zähmet pagtaçy daýhanlaryň üstümizdäki ýyly ýokary zähmet üstünligine beslejekdigine aýdyň şaýatlyk edýär. «Pähim-paýhas ummany Magtymguly Pyragy» ýylynda etrapda 2 müň 650 gektar meýdanda ekilen gowaçadan 3 müň 260 tonna «ak altyn» ýygnap almak göz öňünde tutulýar. Etrabyň daýhan birleşiklerinde şertnamalaýyn borçnamalaryny üstünlikli ýerine ýetirýän pagtaçy kärendeçileriň, daýhan hojalyklarynyň sany barha artýar.
— Etrabymyzyň oba hojalyk işgärleri ekerançylyk meýdanlarynyň netijeli ulanylmagy ugrunda tagallalaryny gaýgyrmaýarlar. Boz toprakly meýdanlarymyzda ýylyň-ýylyna bugdaý, gowaça ýaly gymmatly ekinleri ösdürip ýetişdirmekde netijeli zähmet çekýärler.
