Içýanlar möý şekilliler synpyna degişli jandarlardyr. Bedeniniň uzynlygy 1 santimetrden 18 santimetre ýetýär. Türkmenistanda içýanlaryň 4 görnüşi ýaşaýar, olardan gara we sary içýanlar ýygy duş gelýärler. Içýanlar gury ýerde ýaşaýarlar. Olar Ýer togalagynyň yssy ýerlerini saýlaýarlar.
Olar diňe bir taýýar gaçybatalgalarda gizlenmän, eýsem, özlerine hin hem gazyp bilýärler. Gizlin ýerleriň örän köpsanlysyny gözläp tapýarlar. Öz gaçybatalgasyny terk eden içýan yzyna dolanmaýar we täze gizlin ýer gözleýär. Şonuň üçin gündizine gizlener ýaly onuň çadyra, aýakgaba we beýleki gizlin ýerlere aralaşmagy mümkindir.
