Şanly ýylymyzyň ösüşli menzilleri, gazanylýan üstünlikleri her birimizi täze zähmet ýeňişlerine ruhlandyrýar. Hormatly Prezidentimiziň 3-nji maýda sanly ulgam arkaly geçiren Ministrler Kabinetiniň mejlisinde şu ýylyň dört aýynda ykdysadyýetimiziň pudaklarynda gazanylan netijeler baradaky hasabatlar diňlenildi.
Mejlisde şu ýylyň dört aýynda jemi içerki önümiň ösüş depgini 6,3 göterime, senagat pudagynda 3,7 göterime, ulag we aragatnaşykda 7,2 göterime, hyzmatlar ulgamynda 8 göterime, söwdada 8,2 göterime gurluşykda 5,8 göterime, oba hojalyk pudagynda bolsa 5 göterime deň bolandygy bellenildi. Bu bolsa ýurdumyzy ösdürmek babatynda kabul edilen maksatnamalaryň üstünlikli durmuşa geçirilýändigini görkezýär.
