Mukaddes Garaşsyzlygymyzyň şanly 32 ýyllyk baýramynyň öňüsyrasynda ýurdumyzyň dürli pudaklarynda zähmet çekýän ildeşlerimize döwlet sylaglary gowşuryldy, hormatly atlar dakyldy. Şeýle-de Türkmenistanyň Prezidentiniň yglan eden «Türkmeniň Altyn asyry» baýragyny almak ugrundaky bäsleşigiň ýeňijileri Şa serpaýyna mynasyp boldular. Ýeňijileriň arasynda «Türkmengaz» döwlet konserniniň «Işçi iýmiti üpjünçiligi we hyzmatlar» müdirliginiň Medeni-işewürlik merkeziniň «Galkynyş» folklor toparynyň 2-nji derejeli tans artisti Bäşim Ýolamanow hem bar. Biz Bäşimi gazanan üstünligi bilen gutlap, onuň bilen gürrüňdeş bolduk.
— Bäşim, Şa serpaýyňyz bilen tüýs ýürekden mübärekleýäris. Üstünlikleriňiziň yzy gür bolsun.