Berkarar döwletiň täze eýýamynyň Galkynyşy döwrüniň Arkadag Serdarly bagtyýar ýaşlar ýylynda hormatly Prezidentimiziň tagallalary netijesinde aýdym-saz sungatymyzy ösdürmekde, bu ugurda höwesli, ukyp-başarnykly, täze zehinleri ýüze çykarmakda, milli bagşyçylyk sungatymyzy has-da kämilleşdirmekde giň gerimli işler alnyp barylýar.
Sungaty söýýän halkymyzyň dutar ýasamak senetçiliginiň, dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň görnükli nusgalarynyň sanawyna girizilmegi bizi tüýs ýürekden buýsandyrdy. Toý-baýramlarymyzda bagşy-sazandalarymyz dutardyr gyjagyň şirin owazyna aýdym aýdyp, kalbyňy jadylaýjy sazlary joşgunly ýerine ýetirýärler. Garaşsyz, hemişelik Bitarap döwletimiziň ösüşlerini, Arkadagly Serdarymyzyň alyp barýan döwletli işlerini wasp edýän aýdym-sazlar halkymyzyň watansöýüjilik duýgusyny has-da artdyrýar.
