Türkmenistanyň at gazanan medeniýet işgäri Halow Muhammetgulyýewiň sungat ýoluna ser salyp...
Halow Muhammetgulyýew 1953-nji ýylyň 30-njy awgustynda Ahal welaýatynyň Kaka etrabynyň Ýüzbaşy daýhan birleşiginde dünýä inýär. 1960-njy ýylda Kaka etrabyndaky 14-nji orta mekdebe okuwa barýar. 1963-nji ýylda ýöriteleşdirilen sazçylyk mekdep-internatyna baýan saz guraly boýunça okuwa girýär. Tejribeli mugallymlar Gennadiý Kandelinskiden, Ýewgeniý Nagornowdan baýan çalmagyň tärlerini kemsiz ele alýar. Şol kämillik hem onuň 1969-njy ýylda Daňatar Öwezow adyndaky ýörite sazçylyk mekdebiniň baýan we halk saz gurallary orkestriniň dirižýory hünäri boýunça okuwa girmegine sebäp bolýar. Bu ýerde akkordeon saz guraly boýunça Alekseý Krýukowdan tälim alýar.
