Türkmenistanyň Suratkeşler birleşiginiň welaýat şahamçasynyň sergiler zalynda suratkeşleriň döredijilik duşuşygy öz işine başlady.
Hünär kämilleşdiriş maksady bilen geçirilýän bu çärä Aşgabat şäherinden, Ahal, Mary welaýatlaryndan suratkeşleriň 15-e golaýy gatnaşýar. Döredijilik duşuşygynyň dowamynda suratkeşler portret we natýurmort žanrlarynda eserleriň dördüsini çekerler. Duşuşygyň çäklerinde olaryň Amyderýanyň boýlaryna, şäheriň gözel ýerlerine gezelençleri guralar. Şeýle-de ussatlyk sapaklary geçirilip, ondaky işler sergide ýaýbaňlandyrylar.