Türkmenmetbugat

"Neutral Turkmenistan" newspaper

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neutralturkmenistan-gazeti@online.tm

Gazeti PDF görnüşinde ýükläp almak

Habarlar

Aýdym bilen adyganlar

Gahryman Arkadagymyzyň «Parahatçylyk sazy, dostluk, doganlyk sazy», «Türkmen medeniýeti», «Ile döwlet geler bolsa» atly kitaplary türkmen aýdym-saz sungatyny döwrebap derejede öwrenmäge giň mümkinçilik berýär. Hormatly Prezidentimiz kitaplarynda bu sungatyň halypa-şägirtlik ýoluny hem inçelik bilen yzarlaýar we onuň ähmiýetini nygtaýar. Gahryman Arkadagymyz müň keren mamla. Halypa-şägirtlik ýoly arkaly türkmen aýdym-sazlary halypadan şägirde, atadan ogla, asyrdan asyra geçip gelipdir. Mary welaýatynyň Pendi topragynda ýaşan Akmyrat bagşy, Akmyrat bagşynyň ogullary Gurban, Amansähet öz döwrüniň ussat bagşy-sazandalarydyr. Doganlar Gurban bilen Amansähediň aýdym-saza ezberligi olaryň meşhurlyk örüsini giňeldipdir. Şonuň üçin doganlar Pendi ýaýlasyndan Mary welaýatynyň ähli çäginde tanalyp ugrapdyrlar. Soň-soňlar Ahal sebitlerinde, Balkanda, Daşoguzdyr Lebapda tanalypdyr.

14 Ýanwar 2021

Ýaş zehiniň döredijilik dünýäsi

Çagalar, hormatly Prezidentimiz siziň gowy okap, bilim almagyňyz, şeýle hem okuwdan daşary ukyp-başarnyklaryňyzy artdyrmak üçin birnäçe mümkinçilikleri döredip berýär. Ýurdumyzda ýaş zehinlileri ýüze çykarmak maksady bilen «Iň eýjejik gyzjagaz», «Garaşsyzlygyň merjen däneleri», «Merdana nesil», Gulbaba adyndaky Çagalar baýragy ýaly döredijilik bäsleşikleri ýylyň-ýylyna geçirilýär. Hemme welaýatlaryň etrap merkezlerinde, obalarda we paýtagtymyz Aşgabat şäherinde çagalar çeperçilik we sungat mekdepleri hereket edýär. Olara çagalar mekdepden daşary öz zehinlerini artdyrmak üçin, uly höwes bilen gatnaýarlar. Ýaşlykdan döredijilik, sungat dünýäsine aralaşyp, öz ýoluny tapýan zehinli ýaşlary göreniňde buýsanjyň artýar. Ine, paýtagtymyzda ýerleşýän Türkmenistanyň Gahrymany Gurbansoltan eje adyndaky ýöriteleşdirilen 72-nji orta mekdebiň 8-nji synp okuwçysy Mekan Ataýew hem zehinli ýaşlaryň biri. Täze ýylyň başlanmagy Mekana üstünlik getirdi. Ol Türkmenistanyň Magtymguly adyndaky Ýaşlar guramasynyň Merkezi Geňeşiniň yglan eden Gulbaba adyndaky Çagalar baýragynyň ýeňijisi boldy. Ýeňiji bilen söhbetdeş bolanymyzda, ol ýürek joşgunyny şeýle beýan etdi: — Maşgalamyz aýdym-saz bilen meşgullanýar. Kiçiligimden kakamyň aýdýan aýdymlaryny diňläp, aýdym aýtmagy höwes edýärdim. 2-nji synpda aýdym aýtmaga başladym we mekdeplerde geçirilýän dabaralara yzygiderli gatnaşyp, aýdymlarym bilen ç

14 Ýanwar 2021

Sylaglaryňyz gutly bolsun!

Türkmenistanyň Ýaragly Güýçlerinde 2020-nji ýylyň jemleri boýunça söweşjeň, gumanitar taýýarlykda we harby düzgün-nyzamda has tapawutlanan harby bölümlere göçme nyşan, Hormat hatlary we gymmatbahaly sowgatlaryň gowşurylyş dabarasy geçirildi. Şol dabaranyň dowamynda podpolkownik Geldimyrat Mämmedowyň serkerdelik edýän harby bölüminiň şahsy düzümi hem sylaglandy. Şol mynasybetli harby bölümde dabara geçirilip, onuň dowamynda harby bölümiň 2020-nji okuw ýylynyň jemleri boýunça söweşjeň, gumanitar hem-de harby düzgün-nyzamda has tapawutlanan batalýon we rota sylaglanyldy. Ýagny batalýonlaryň arasynda kapitan Meýlis Çaryýewiň serkerdelik edýän batalýony, rotalaryň arasynda bolsa, uly leýtenant Ýagmyr Çaryýewiň serkerdelik edýän rotasy 1-nji orna mynasyp bolup, göçme nyşan, Hormat haty we gymmatbahaly sowgatlar bilen sylaglandylar. Sylaglaryňyz gutly bolsun, merdana harby gullukçylar!

13 Ýanwar 2021

Ýetilen sepgitler täze maksatlara badalga

Berkarar Watanymyz täze ösüşleriň, özgerişleriň taryhy ýoluna ugur alyp, belent sepgitleri nazarlaýar. Geçen 2020-nji ýyl hem uly ösüşleriň, özgerişleriň, belent sepgitlere ýetilen buýsançly ýyllaryň biri boldy. Türkmenistanyň Goranmak ministrliginiň her ýylda harby we söweşjeň taýýarlygy dürli ugurlar boýunça ýokarlandyrmak maksady bilen bäsleşikleri yglan etmegi merdana harby gullukçylarymyzyň Watan goragyna ygrarlydyklaryny aýdyň subut edýär. «Türkmenistan — Bitaraplygyň mekany» ýylynyň jemleri we şeýle bäsleşikleriň netijeleri hasaba alnyp, maýor Hoşgeldi Muhyýewiň serkerdelik edýän harby bölüminiň Türkmenistanyň Ýaragly Güýçleriniň, şeýle-de Türkmenistanyň Goranmak ministrliginiň Baş dolandyryş bölüminiň Inžener goşunlary müdirliginiň harby bölümleriniň arasynda «Iň gowy harby bölüm» adyna eýe bolmagy merdana Watan goragçylarymyzda uly buýsanç duýgusyny döredip, täze okuw ýylyna batly depginler bilen başlamaga höwes döretdi. Harby bölümde turuwbaşdan belent maksat goýlup, şol maksada ýetmek üçin işler batly depginler bilen ýola goýuldy. Gumanitar we söweşjeň taýýarlygy boýunça okuw sapaklary ýokary guramaçylykly guraldy. Ýaş Watan goragçylary bilen terbiýeçiler, psihologlar tarapyndan yzygiderli işler geçirilip, beden taýdan berk, sagdyn harby gullukçylary taýýarlamakda sport bäsleşikleri, beden taýýarlygy boýunça usuly-amaly sapaklar geçirildi. Hormatly Prezidentimiziň s

13 Ýanwar 2021

Biz — bagtyýar nesiller

Berkarar döwletimiziň bagtyýarlyk döwründe ýurdumyzda ýaş nesilleri täze-täze üstünliklere höweslendirmek, olaryň ukyp-başarnyklaryny açyp görkezmek maksady bilen dürli bäsleşikler geçirilýär, zehini bilen tapawutlananlar ýokary derejeli sylaglara mynasyp bolýarlar. Türkmenistanyň Magtymguly adyndaky Ýaşlar guramasynyň Merkezi Geňeşiniň Gulbaba adyndaky Çagalar baýragy hem şeýle arzyly sylaglaryň biridir. Ýakynda çagalara Gulbaba adyndaky Çagalar baýragyny gowşurmak dabaralary bolup geçdi. Welaýatymyzdan hem birnäçe zehinli çaga bu sylaga eýe boldular. Biz olaryň ýürek buýsançlaryny siziň dykgatyňyza hödürleýäris.

13 Ýanwar 2021

Milli nagyşlaryň teşnesi

Aýgözel bilen tanyşlygym onuň egnindäki nepis nagyşly keteni köýnegine nazarym düşen pursadyndan başlady diýsem hem bolýar. Onuň ýanyna baranymy özüm bilmän galypdyryn. Sebäbi gözüň ýagyny iýip barýan keteni meni jadylapdy. Onuň döwrebap biçüwde tikilmegi bolsa, çeper elleriň ussatlygyndan habar berýärdi. Biz onuň bilen edil öňden tanyş ýaly gürrüňleşip gitdik. Bu gyzyň talyp bolmagy mende buýsançly duýgulary oýardy. Halkara ynsanperwer ylymlary we ösüş uniwersitetiniň žurnalistika hünäriniň talyby Aýgözel Amangeldiýewa kämil ylmyň we bilimiň ak ýoluna gadam basan ilkinji ýylynda öz talyp durmuşynda uly üstünliklere eýe bolmagy netijesinde milli nagyşlar bilenem has içgin gyzyklanýar. Çeper elli gyz rus, türk, iňlis we ispan dillerini suwara bilýär. Onuň şol dillerde çeper kitaplary kynçylyksyz okamagy bolsa, Gahryman Arkadagymyzyň ýaşlaryň köp dili bilmekleri baradaky sargytlaryny, öwüt-ündewlerini talyp durmuşynda ulanýandygynyň aýdyň subutnamasydyr.

13 Ýanwar 2021

Milli medeniýetiň parlak kuýaşy

Türkmenistanyň Prezidenti Gurbanguly BERDIMUHAMEDOW:

13 Ýanwar 2021

«Buz eýýamy»

Gyş paslynyň dowam edýän günlerinde mawy ekranlarda hem bu pasyl bilen bagly filmler ýaýlyma berilýär. Bu, esasan hem, multfilmlerde şeýle. «Walt Disney», «Blue Sky», «Pixar» ýaly animasiýa filmlerini döreden studiýalar gyş pasly bilen bagly birnäçe multfilmleri çagalara hödürleýär. Ynha, şolaryň hatarynda «Blue Sky» studiýasy tarapyndan döredilen «Buz eýýamy» multfilmi hem körpeleriň köňül küýsegine öwrüldi. Mähriban çagalar! «Buz eýýamy» multfilmi size tanyş bolsa gerek. Çünki bu multfilm indi ýigrimi ýyla golaý wagt bäri mawy ekranyň üsti bilen dünýäniň dürli künjegindäki çagalara ýetirilýär. Gülküli wakalary özünde jemleýän bu multfilm 2002-nji ýylyň mart aýynyň 15-ine ilkinji gezek ýaýlyma berilýär. Dowamlylygy 81 minuda barabar bolan bu multfilm ilki iňlis dilinde görkezilýär. Wagtyň geçmegi bilen «Buz eýýamy» multfilmi dürli dillere terjime edilýär. Onuň ilkinji bölümi kino synçylaryň öwgüsine mynasyp bolýar. Bu bolsa, režissýorlarda multfilmiň nobatdaky bölümlerini döretmäge uly hyjuw berýär. «Buz eýýamy» multfilmi kino äleminiň iň abraýly sylaglarynyň biri bolan 75-nji Oskar baýragyna mynasyp bolýar. Mundan başga-da, multfilme birnäçe abraýly baýraklar gowşurylýar. «Buz eýýamy» multfilminiň ilkinji bölümi körpeler tarapyndan gyzgyn garşylanýar. Multfilm 5 bölümden ybaratdyr. Animasiýa döredijileri multfilmiň 6-njy bölümini 2022-nji ýylda körpelere ýetirmegi maksat edi

13 Ýanwar 2021

Buýsanja beslenen dabara

11-nji ýanwarda Döwlet medeniýet merkeziniň Mukamlar köşgünde 2021-nji ýylyň «Türkmenistan — parahatçylygyň we ynanyşmagyň Watany» şygarynyň hormatyna dabaraly maslahat geçirildi. Dabara hökümet agzalary, ministrlikleriň we pudaklaýyn dolandyryş edaralarynyň ýolbaşçylary, medeniýet ulgamynyň we köpçülikleýin habar beriş serişdeleriniň wekilleri, ýokary okuw mekdepleriniň rektorlary, medeniýet we sungat işgärleri gatnaşdylar. Türkmenistanyň Beýik Saparmyrat Türkmenbaşy adyndaky Baş drama teatrynyň we A.S.Puşkin adyndaky döwlet rus drama teatrynyň artistleriniň bilelikdäki «Parahatçylygy we ynanyşmagy dünýä ýaýan Gahryman Arkadag!» atly edebi-sazly çykyşy bu dabaranyň özboluşly başlangyjyna öwrülip, tomaşaçylar tarapyndan gyzgyn garşylandy. Bu kompozisiýa halkymyzyň Gahryman Arkadagymyzyň adyna bolan çuňňur söýgüsiniň we beýik hormatynyň aýdyň beýany bolup ýaňlandy.

13 Ýanwar 2021

Kalplardan çykýan arzuwlar

Hormatly Prezidentimiziň baştutanlygynda, taryhyň sahypalaryna altyn harplar bilen ýazylan, tamamlanan «Türkmenistan — Bitaraplygyň mekany» ýyly uly üstünliklere, şanly senelere beslendi. Tamamlanan ýylda mähriban Arkadagymyzyň taýsyz tagallasy esasynda amala aşyrylan içeri we daşary syýasatda gazanylan ýeňişleri, ýurdumyzda eýe bolnan şanly ösüşleri, beýik üstünlikleri, ýetilen belent sepgitleri ýurdumyzyň ähli pudaklarynda, ugurlarynda görmek bolýar. Beýik maksatlaryň amala aşyrylýan zamanasynda islendik ulgamda zähmet çekýän, okaýan, döredijilikli işleýän ildeşlerimiziň kalplary buýsançdan doly: Gülşat DAŇATAROWA,Balkan welaýatynyň Serdar şäherindäki 3-nji orta mekdebiň mugallymy:

13 Ýanwar 2021

Ylahy ylhamyň nurly mähri dünýäni çoýýar

Ylham Ylahy bolan ýagdaýynda misli belent-belent daglaryň göwsünden joşup çykan bol hem tereň suwly çeşme mysaly. Her kimiň ondan ruhy teşneligini gandyrasy, bedenini kuwwatlandyrasy, has-da manyly, joşgunly, ruhubelent, gözel ýaşamaga bolan höwesini artdyrasy, kalbynda niçeme ýyllardyr jogapsyz galan sowallaryň birin-birin çözgüdini tapasy gelýär. Ylahy ylhamyň ynsan kalbyna edýän oňaýly täsiri onuň gündelik hereketlerinde kemal tapýar. Ynsanperwerlik diýen mukaddes kelam onuň kalbynda ömürlik orun tutýar. Ylahy ylhamyň nurly hem-de yssy mährinden ruhy teşneligini gandyran ynsan kämillige tarap ýene bir ädim gadam basýar. Akyldarlaryň biri kitaby akylly ynsanlaryň döreden bagy-bossanyna deňäpdir. Ol bagyň şirin miwesinden bir dadan adam hemişe şol bagyň arzuwynda gezýär. Ol miwe şirin kelama öwrülip, halklardan halklara, kalplardan kalplara ýol salyp gidip otyr. Ol kelam bolsa göwünleriň isleginden, nesilleriň arzuwyndan gana-gana suw içip, ullakan bir daragta öwrülýär. Ol daragtyň pür-pudagy bolsa dünýä halklarynyň ýaşaýan menzil — mekanyna sary uzap gidip otyr. «Ýürekden çykan söz ýürege ýeter» diýilmeýärmi eýsem?! Gahryman Arkadagymyzyň «Türkmeniň döwletlilik ýörelgesi» atly kitabynda: «Kimde-kim alymlaryň sözüni diňläp, olara hormat edýän bolsa, ol adamyň ýoly açyk bolýar, oňa köp haýyrly işler miýesser edýär» diýip, heniz ýaş wagtlarymyzda ýaşulularyň gürrüň berýändigini

13 Ýanwar 2021

Täsin sowgat

Eýsem-de, asuda, parahat ýurtda agzybir maşgalaň bilen rahatja öýüňde naz-nygmatdan bol saçakly Täze ýyly garşy almakdan uly bagt barmyka?! Täze ýylyň ilkinji günlerinde «ikinji öýüň» hasaplanýan iş ýeriňe gelip, dogan saýýan kärdeşleriň bilen Täze ýyl gutlagyny aýdyşmagyňam aýratyn lezzeti bar. Elbetde, her ýylyň başynda bolşy ýaly, bu ýyl hem ýolbaşçymyz işgärleriň arasynda maslahat geçirip, täze başlanan ýylda ýerine ýetirilmeli işleriň sanawyny berdi. Şeýdibem, täze ýylyň süýji hysyrdylary başlandy. Kimsi öz ýerine ýetirmeli işiniň täze maksatnamasyny düzýär, kimsi döwrebap teklipleri paýlaşýar. Garaz, täze ýylyň ilkinji iş güni-dä!.. Menem iş otagymdaky kompýuteriň başyna geçenimden, el telefonyma jaň geldi. Jaň edýän kärdeşim Esendi.

13 Ýanwar 2021

Täze ýeňişlere täze gadamlar

Hormatly Prezidentimiziň Täze ýyl Gutlagyndan ruhlanan türkmen halkymyz uly şatlyk, dabara bilen ýene bir ajaýyp ýyly — «Türkmenistan — parahatçylygyň we ynanyşmagyň Watany» ýylyny garşy aldy. Mähriban türkmen halkymyz bu ýyl mukaddes Garaşsyzlygymyzyň şanly 30 ýyllygyny uly buýsanç we söýgi bilen täze-täze zähmet ýeňişlerine beslär. Biz geçen, «Türkmenistan — Bitaraplygyň mekany» diýlip atlandyrylan 2020-nji ýylda örän guwandyryjy taryhy wakalaryň, ösüşleriň şaýady bolduk. Geçen ýyl baky Bitaraplygymyzyň 25 ýyllyk toýuny toýladyk. Ýurdumyzda halkara derejesinde birnäçe maslahatlar geçirildi, sergiler guraldy. Halk hojalygynyň dürli pudaklaryndaky görkezijiler hem guwandyryjy boldy. Ykdysadyýetimize sanly ulgamy ornaşdyrmakda hem köp işler edildi. Oba hojalygy, senagat we beýleki pudaklar uly ösüşlere eýe boldy. Aziýanyň merjeni hasaplanýan gözel Aşgabadymyzda ajaýyp binalar, başy asman bilen sepleşýän gat-gat ýaşaýyş jaýlary guruldy. Ýurdumyzyň ykdysadyýeti bilen deň derejede ösýän milli medeniýetimiz we sungatymyz bu gün dünýä doldy.

13 Ýanwar 2021

Bir heýkel bar — dutar

süňňi daşdan bolsa-da, ýürekleri ýumşadýar Men ony her gün-ä diýmäýin, ýöne aýda bir, bolmanda, iki aýdan bir gezeg-ä hökman görýärin. Her gezek görenimde-de, has dogrusy, daşyndan aýlanyp geçenimde, çünki ol uly çatrygyň ortasyndaky tegelekde ýerleşdirilipdir — «Ussaňa berekella!» diýip geçýärin. Sizem şeýlesiňiz-le, ony görmezlik, görübem haýran galmazlyk mümkin däl. Sebäbi ol — dutara dikilen heýkel.

13 Ýanwar 2021

Waspy dillerde dessan

Lebap welaýat Taryhy we ülkäni öwreniş muzeýinde açylan ýylyň ilkinji wagtlaýyn sergisi «Parahatçylyk we ynanyşmak adamzadyň baş gymmatlygydyr, baýlygydyr» diýlip atlandyrylýar. Adyndan hem belli bolşy ýaly, sergi 2021-nji ýylyň ýurdumyzda «Türkmenistan — parahatçylygyň we ynanyşmagyň Watany» diýlip atlandyrylmagyna bagyşlandy. Muzeý bu sergini welaýat ýörite sungat mekdebi bilen bilelikde gurady. Soňky döwürde bu iki medeni ojagyň arasynda bilelikdäki sergileri guramak asylly däbe öwrüldi. Olaryň geçen ýyl hem bilelikdäki sergileriň birnäçesini gurandygyny habar beripdik. Şu gezekki sergi hem şol hyzmatdaşlygyň bir miwesidir.

13 Ýanwar 2021

Magtymgulynyň ruhy beýikligi

Tatar dilinden terjime eden Ahmet MÄMMEDOW. Türkmenistan bilen Tatarystanyň arasyndaky jemgyýetçilik, ykdysady hem medeni baglanyşyklar soňky ýyllarda gitdigiçe ýygjamlaşýar. Prezidentimiz Rustam Minnihanowyň Türkmenistana resmi iş sapary, Türkmenistanyň Prezidenti Gurbanguly Berdimuhamedowyň Kazana resmi sapary, Onuň Tatarystanyň Prezidenti bilen, ilkinji Prezidentimiz Mintimer Şaýmiýew bilen doganlarça duşuşyklary, pikir alyşmalary döwletleriň ikisi üçin-de ýatdan çykmaz taryhy wakalar boldy. Aşgabatda tatar medeniýetiniň günleri geçirildi, Kazanyň Halklar dostlugy köşgünde tatarystanly jemagatyň gatnaşmagynda türkmeniň beýik şahyry Magtymguly Pyraga bagyşlanan ylmy-amaly maslahat bolup geçdi. Bularyň hemmesi iki halkyň gadymdan gelýän ruhy doganlygynyň anyk subutnamasydyr.

12 Ýanwar 2021

Baýry sazanda we Orazgeldi bagşy

«Ussat bagşynyň ýoly» makalalar toplumyndan Gyjakçy bagşynyň diňe bir sazandasy bolman, eýsem, onuň hemdemi, kalbynyň syrdaşy hem bolar eken. Bagşa hemdem bolan ezber sazandalaryň biri-de Bäherden etrabynyň Garagan obasynda ýaşaýan Baýry agadyr. Onuň bilen Orazgeldi Ylýasyň durmuşynda bolup geçen bu wakany garaganly Gylyçdurdy Gojaýew şeýle gürrüň berýär.

12 Ýanwar 2021

Parahatçylygyň, ynanyşmagyň dabaralanmasy

Öňňin Türkmenistanyň Döwlet medeniýet merkeziniň Mukamlar köşgünde mähriban Arkadagymyzyň başlangyjy bilen 2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagy mynasybetli dabaraly maslahat geçirildi. Oňa medeniýet ulgamynyň, köpçülikleýin habar beriş serişdeleriniň wekilleri, ýokary okuw mekdepleriniň rektorlary gatnaşdylar. Bu möhüm çäre, ýylyň adyndan belli bolşy ýaly, dostlugyň, parahatçylygyň we ynanyşmagyň waspyny etmegiň özboluşly beýany boldy. Dabaraly çäre Türkmenistanyň Beýik Saparmyrat Türkmenbaşy adyndaky baş drama teatrynyň hem-de A.S. Puşkin adyndaky döwlet rus drama teatrynyň artistleriniň bilelikde guran «Parahatçylygy we ynanyşmagy dünýä ýaýan Gahryman Arkadag!» atly aýdym-sazly kompozision sahnasy bilen açyldy. Tomaşaçylar tarapyndan gyzgyn garşylanan bu sahnada Gahryman Arkadagymyza halkymyzyň çuňňur söýgüsi we egsilmez hormaty öz beýanyny tapdy.

12 Ýanwar 2021

Milli medeniýet – kämil terbiýäniň gözbaşy

Berkarar döwletimiziň bagtyýarlyk döwründe şu günüň wajyp talaplarynyň birine öwrülen gaýragoýulmasyz wezipeleriň biri bilimli, päk ahlakly, watançy ýaşlary terbiýelemek wezipesidir. Çünki şahsyýetiň kämilligi päk terbiýeden gözbaş alýar. Ylmy nazaryýetiň, tejribäniň şu günki gazananlarynyň talaplary esasynda geljegimiz bolan ýaşlary milli ruhda terbiýelemek belent sepgitleriň girewidir. Gahryman Arkadagymyz ýaş nesli ýokary ahlak, halallyk, watansöýüjilik, zähmetsöýerlik, kanagatlylyk, ynsanperwerlik ruhunda terbiýelemekde pederlerimizden galan asylly däp-dessurlaryň, milli-medeni mirasyň aýratyn orun tutmalydygyny hemişe nygtaýar. Diýarymyzyň şöhratyna şöhrat goşjak, mukaddes ata Watany, ene topragy jany-teni bilen söýýän, giň gözýetimli, syýasy taýdan düşünjeli kämil nesli terbiýeläp ýetişdirmek beýik ösüşi üpjün etmek üçin saýlanylyp alnan takyk we dogry ýol bolup durýar. Milli medeniýet halklary bir-birinden tapawutlandyrýan ruhy gymmatlykdyr. Türkmen halkynyň milli medeniýeti halkyň däp-dessurlaryndan, milli ýörelgelerinden gözbaş alyp, ýaşlary terbiýelemekde bahasyna ýetip bolmajak ähmiýete eýedir. Medeniýetiň gelip çykyşy, ösüşi, many-mazmuny baradaky düşünjeler hemişe akyldarlaryň, alymlaryň, edebiýat we sungat işgärleriniň ünsüni özüne çekip gelýär. Medeniýet ynsanyň ýüregindäki, aňyndaky ösüşlerden, özgerişlerden hem-de gözellikden gözbaş alýar. Şonuň üçin me

12 Ýanwar 2021

Kitaphana — ylym ojagy

Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň taýsyz tagallasy netijesinde, türkmen medeniýeti döwrebap derejede ösdürilip, kämilleşdirilýär we bütin dünýä ýaýylýar. Medeniýet — döwrüň hem jemgyýetiň ruhy sütüni. Halkyň durmuşy, ýeten derejesi onuň medeniýetinde aýdyň ýüze çykýar. Häzirki wagtda hormatly Prezidentimiziň bimöçber uly tagallasy bilen gülleýän medeniýetimizde Garaşsyz, hemişelik Bitarap Türkmenistan döwletimiziň parahatçylygy, abadançylygy, halkymyzyň bagtyýarlygy öz beýanyny tapýar.

12 Ýanwar 2021

‹
1
2
...
264
265
266
267
268
269
270
271
272
›