Türkmen ruhunyň howalasy
Ýyllary ýyndam atyň toýnagyna deňän şahyr mamla. Minutlar-sagatlar, günler-aýlar, ýyllar-asyrlar, asyl, heňňamyň özi-de bedew tizligi bilen öňe barýar. Geçmişden geljege barýan, «döwür» diýip atlandyrýan wagt giňişligimizde jilt-jilt seneler — taryh ýazylýar. Döwletleriň, halklaryň, beýik wakalaryň, dünýä akymyny özgerden şahsyýetleriň... taryhy. Taryh arkaly geçmişe gaýybana syýahat edýäris, düýnümizi öwrenýäris, şu günümize düşünmäge, geljegiň ýoluny dogry ugra gönükdirmäge çalyşýarys. Gatbar-gatbar sahypalary agdaryp oturyşyňa, bir ajaýyp gudrata gözüň düşýär: ol türkmeniň asyrlardan-asyrlara aşyran, bakyp-bejerip, şaý-esbabyny sünnäläp kemala getiren ynsan gylykly dal bedewi. Bedew — taryh. Bedew — türkmen ruhunyň howalasy. Bedew — goç ýigidiň gardaşy. Bedew — Garaşsyz türkmen döwletiniň ösüşleriniň nyşany. Hut şonuň üçin-de, ýurdumyzda her ýylyň aprel aýynyň soňky ýekşenbesinde Türkmen bedewiniň milli baýramy uludan bellenilip geçilýär. Bedew — taryh. Milli Liderimiziň «Ahalteke bedewi — biziň buýsanjymyz we şöhratymyz», «Gadamy batly bedew», «Atda wepa-da bar, sapa-da» atly gymmatly kitaplary hem-de beýleki ylmy, edebi, medeni çeşmeler arkaly bedewleriň taryhyny yzarlanyňda, bir ýagdaý haýrana goýýar: at türkmen durmuşynda wajyp orny eýeläpdir, türkmen dünýä sahnasyna bedew aty bilen çykypdyr. Bir mysal. Hormatly Arkadagymyzyň «Ahalteke bedewi — biziň
