Ýaşyl daragtlar — zeminiň görki

Berkarar döwletimiziň bagtyýarlyk döwründe Gahryman Arkadagymyzyň ýolbaşçylygynda ýurdumyz günsaýyn ösýär, özgerýär, gözelleşýär. Ata Watanymyzda ähli ulgamlar bilen birlikde daşky gurşawy goramak, tebigatymyzyň baýlygyny we gözelligini goramak meselesine aýratyn üns berilýär. Bu babatynda eziz Diýarymyzyň tebigatyny gorap saklamaga, ösümlik we haýwanat dünýäsini baýlaşdyrmaga, ýurdumyzy bagy-bossanlyga öwürmäge giň mümkinçilikler döredilýär. Daşky gurşawy gorap saklamaga, ekologiýa abadançylygyny üpjün etmege gönükdirilen meseleleriň durmuşa geçirilmegi halkymyzyň ýaşaýyş-durmuş derejesini has-da gowulandyrmaga itergi berýär.