Siz güýz günlerinde Jeýhunyň ýakasyndaky jeňňelliklerde bolup gördüňizmi? Olaryň goýnuna bir siňseň, kalbyň müň bir duýga gaplanar. Baglaryň tylla teňňelerini döküşi, tomusky howruny azaldan Günüň olaryň depesinden jyklaýşy, häli-şindi görnüp gidýän dürli haýwanlar... Ine, tebigatyň täsin sazlaşygy! Gaýtalanmajak bu gözelligi diňe Jeýhunyň ýakasyndaky Amyderýa döwlet tebigy goraghanasynda synlap bolýar.