«Duýgular ummany» hekaýatlar toplumyndan

Ýene-de ilerde bir ýerlerde gykuwlaşýan durnalaryň sesi mawy asmany dilýär. Ak sähralara ümsümlik aralaşypdyr. Alma baglarynda ýene-de gyzýaňak almalaryň baly goýalyşypdyr. Durnalaryň sesi kalbyňa birhili gussamy, buýsançmy, ýatlamalaryň galpyldysymy, bir täsin duýgulary salýar. Kalbyň gyýym-gyýym bolýar. Sanýetmez duýgular ýene-de kalbyňa dolýar.