Ol iş eşiginde — ak köýnekde, boýunbagly halda ýazuw stoluna geçip, kämil eserlerini döredipdir. Elbetde, bu ýagdaý şahyrana zehiniň çeper döredijilige iň aňrybaş derejede jogapkärçilikli çemeleşendigine, özüne juda talapkär bolandygyna güwä geçýär.

Döredijilik adamynyň, ylaýta-da, ýazyjy-şahyryň ene süýdüni emen ýeri, gözüni açyp gören täsin durmuşy onuň zandyna, döredijiliginiň hamyrmaýasyna siňip gidýän bolmaly. Bu hakykaty Giçgeldi Aşyrowyň kitaplaryny ele alanyňda, magat bilip bolýar.