Kitaplar bilen asyrlaryň jümmüşine aralaşdygyňça, ynsan kalbyny buýsandyran bahasyna ýetip bolmajak paýhas ummanynda gulaçlap ýüzýärsiň. Adamy özüne maýyl edýän dürdäneler hazynasy — kitaplar türkmeniň geçmişinden, şu gününden habar berýär.

Ir döwürlerden bäri kitaplar halk hakydasynda ýaşap, häzirki bagtyýarlyk günlerimizde hormatly Prezidentimiziň taýsyz tagallalary bilen durmuşymyza şamçyrag bolup şöhle saçýar. Döwlet Baştutanymyzyň tagallasy bilen neşir edilen «Paýhas çeşmesi» atly kitap düre deňelýär. Onda nakyllardyr atalar sözi özüniň beýanyny tapýar.