Golaýda Hazar şäherçesiniň 4-nji sport mekdebiniň guramagynda 2007-nji ýylda doglan we ondan kiçi ýaşly mekdep okuwçylarynyň arasynda woleýbol boýunça ýaryş geçirildi. Ýaryşa şäherçäniň orta mekdepleriniň okuwçylary gatnaşdylar. Çekeleşikli häsiýete eýe bolan bäsleşikde 33-nji orta mekdebiň topary 1-nji orna mynasyp boldy. 35-nji orta mekdebiň topary 2-nji, 36-njy orta mekdebiň okuwçylary bolsa 3-nji orny eýelediler. Ýaryşyň ýeňijilerine Hormat hatlary we kubok gowşuryldy.

Baýramtäç HALLYÝEWA,