Türkmenabat şäherindäki 1-nji sport mekdebinde 2008 ― 2009-njy ýyllarda doglan oglanlaryň we gyzlaryň arasynda gandbol boýunça welaýat birinjiliginiň ikinji tapgyry geçirildi. Oglanlaryň arasyndaky ýaryşa 6 (82 türgen), gyzlaryň arasyndaky ýaryşa bolsa 4 (56 türgen) topar gatnaşdy.

Iki ýaryşda hem Türkmenabat şäheriniň birinji toparyna taý tapylmady. Oglanlaryň arasyndaky ýaryşda Dänew etrabynyň ikinji topary we Köýtendag etrabyndan gelen gandbolçylar öňdäki üçlüge giren bolsa, gyzlaryň arasyndaky ýaryşda Dänew etrabynyň birinji we welaýat merkeziniň ikinji toparlary özara ikinji we üçünji orunlary paýlaşdylar.