"Diýar" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-56, 39-95-30, 39-95-23
Email: diyar-zurnaly@sanly.tm

Gazeti PDF görnüşinde ýükläp almak

Habarlar

Bilim bermegiň döwrebap usullary

Ýurdumyzda ýaş nesil hakyndaky alada Gahryman Arkadagymyzyň taýsyz tagallalarynyň netijesinde döwlet syýasatynyň ileri tutulýan ugruna öwrüldi. Ýaşlaryň beden we ruhy taýdan sagdyn bolmagy, edep-terbiýeli, ata Watana, merdana pederlerimiziň ýol-ýörelgelerine wepaly adamlar bolup ýetişmegi üçin giň möçberli işler amala aşyrylýar. Döwlet Baştutanymyz tarapyndan çuňňur ylmy esasda işlenip düzülen we tassyklanan Milli maksatnamalaryň çäginde giň gerimli geçirilýän durmuş-ykdysady özgertmeler halkymyzyň bagtyýarlyk döwrüne bolan buýsanjyny artdyrdy, ynamyny, agzybirligini has-da pugtalandyrdy. Hormatly Prezidentimiziň ýurdumyzyň bilim, ylym ulgamyny döwrebaplaşdyrmak we ony has-da kämilleşdirmek boýunça amala aşyrýan giň möçberli özgertmeleriniň çäginde bilim ulgamynyň maddy-enjamlaýyn binýadyny berkitmek işine aýratyn ähmiýet berilýär. Bu ugurda gysga wagtyň içinde düýpli işleriň geçirilmegi bilim ulgamynyň işgärlerini has-da buýsandyrýar.

30 Mart 2021

Bilim

Türkmen paýhasynyň beýany

Berkarar döwletimiziň bagtyýarlyk döwründe geljegimiz bolan ýaşlary milli ruhda, ata-babalarymyzyň ynsanperwer ýörelgelerini dowam edýän watanperwer ynsanlar edip terbiýeläp ýetişdirmek terbiýeçilik işleriniň esasy ugry bolup durýar. Nesil terbiýesi jemgyýetiň, döwletiň, mekdebiň, maşgalanyň üns-aladasynda durýan esasy işleriň biridir. Terbiýeçilik işlerinde Gahryman Arkadagymyzyň eserleri örän ähmiýetlidir. Hormatly Prezidentimiziň «Türkmeniň döwletlilik ýörelgesi» atly kitabynda paýhasly jümleler çuňňur many-mazmun bilen beýan edilýär. Türkmen halkynyň ajaýyp däp-dessurlaryny, myhmansöýerligini, her bir işe parasatlylyk bilen çemeleşýändigini doly açyp görkezýän bu eser halkymyzyň parahatçylyk söýüjilik ýörelgeleriniň has gadymy döwürlerden gözbaş alýandygyny beýan edýär.

30 Mart 2021

Bilim

Utgaşdyrylan sapaklaryň ähmiýeti

Mekdebiň başlangyç synp okuwçylary üçin ene dili sapagynyň ähmiýeti örän uly. Şonuň üçinem bu sapak boýunça geçýän temalarymyň okuwçylara düşnükli, täsirli bolmagy ugrunda gerekli esbaplaryň we mysallaryň üstünde aýratyn işleýärin. Okadýan başlangyç synpymda çagalar edebiýatynyň görnükli wekili «Gurban Çöliýewiň ömri, döredijiligi we onuň tebigat, çagalar dünýäsi bilen baglanyşykly döreden eserleri» atly temany geçenimde, dürli usullardan peýdalandym. Şahyryň döredijiliginde Watan gözelligi, tebigat täsinlikleri, güneşli Diýarymyzyň ösümlik we haýwanat dünýäsi baradaky goşgulary uly orny eýeleýär. Şahyryň eserleriniň liriki gahrymanynyň ilkinji gezek açylan güli görende, gök gürläp, ýagyş ýaganda, gyşyň ak gary sepelände, dürli jandarlara, mör-möjeklere nazary düşende çaga kalbynyň begenişini, tolgunyşyny hiç zat bilen deňär ýaly däl. Bu ajaýyp pursatlara diňe çaganyň gözi bilen seredip, çaga gözi bilen beýan etmek mümkin. Onuň her bir goşgynyň gyzykly bolmagyna täsiri bar. Ine, bahar gelende alaňlarda dürterip çykan göm-gök ýylaklara, depe-düzleri ýapan gök otlara nazary düşen şahyryň liriki gahrymany şeýle seslenýär: Bilýärmiň näme,Bu göm-gök nagyş.Ýerden ot bolup,Çykdy ak ýagyş...

30 Mart 2021

Bilim

Milli terbiýäniň möhüm ugry

Berkarar döwletimiziň bagtyýarlyk döwründe hormatly Prezidentimiziň parasatly baştutanlygynda gözbaşyny taryhyň örän çuňluklaryndan alyp gaýdýan milli medeniýetimiz has-da ösdürilýär. Milli medeniýetimiziň süňňüni emele getirýän, müňýyllyklaryň dowamynda halkymyzyň ýaşaýyş-durmuşynda taplanyp gelen ruhy-ahlak gymmatlyklarymyzyň ýaş nesilleri terbiýelemekdäki ähmiýeti örän uludyr. Dana pederlerimiz nesil terbiýesine aýratyn üns beripdirler. Bu babatda halkymyz ençeme rowaýatlary, nakyllary, mizemez gymmatlyklary döredipdirler. Halk döredijilik eserleriniň haýsy birine ýüzleneniňde-de, umumadamzat gymmatlyklarynyň hatarynda mynasyp orun alan eposdyr, dessanlarymyzda-da adamzada bagyş edilen ynsanperwerlik, agzybirlik, watansöýüjilik, myhmanparazlyk, ynsan mertebesini ýokarda goýmak, ene-ata hormat goýmak ýaly milli ýörelgelerimiziň eriş-argaç bolup geçýändigini görmek bolýar. Şeýle gymmatlyklarymyzyň ählisi-de ýaş nesillerde watansöýüjiligi kalbyna, aňyna guýmak, zähmetsöýer, ylymly-bilimli edip ýetişdirmek ýaly ýörelgelerden ugur alýar. Hormatly Prezidentimiz: «Ýaşlar eziz Watanymyzyň güýç-kuwwatyny we beýik geljegini özünde jemleýär. Şoňa görä-de, jemgyýetçilik guramalarynyň, aýratynda, Ýaşlar guramasynyň tagallalary ýaşlaryň hukuk we durmuş goraglylygyny üpjün etmäge, olaryň arasynda ruhy-ahlak we medeni gymmatlyklarymyzy, milli däp-dessurlarymyzy wagyz etmäge gönükdirilmelid

30 Mart 2021

Bilim

Kämilligiň berk binýady

«Türkmenistan — parahatçylygyň we ynanyşmagyň Watany» ýylymyzyň her bir güni hormatly Prezidentimiziň parasatly baştutanlygynda ata Watanymyzyň at-abraýyny dünýä dolduryp, asyrlara ýaň salýan beýik işlere, il-gün, umumadamzat ähmiýetli döwletli tutumlara beslenýär. Hormatly Prezidentimiz Garaşsyz Watanymyzyň mundan beýläk-de gülläp ösmegini gazanmakda, ykdysady kuwwatyny has-da ösdürmekde beýik işleri durmuşa geçirýär. Häzirki wagtda halk hojalygynyň ähli pudaklarynda örän uly döwrebap özgertmeler amala aşyryldy. Bitirilen ägirt uly işler, gazanylan ösüşler halkymyzy täze zähmet üstünliklerine ruhlandyrýar. Ýurdumyzda amala aşyrylýan her bir möhüm ähmiýetli işler Gahryman Arkadagymyzyň «Döwlet adam üçindir!» diýen baş ýörelgesinden ugur alýar. Hormatly

30 Mart 2021

Bilim

Döwrümiziň buýsanjy hem daýanjy

Arkadag Prezidentimiz ýaşlara uly ynam bildirýär we «Geljegimize ynamlylygymyz watançy, akylly-başly oýlanyp bilýän ýaşlarymyza baglydyr» diýip nygtaýar. Olaryň döredijilik mümkinçilikleriniň açylyp, beden taýdan sagdyn ösmegi, ruhy-ahlak taýdan kämilleşmegi, döwrebap bilim-terbiýe almagy, jemgyýetçilik durmuşyna işjeň gatnaşmagy üçin ähli şertleri döredip berýär. «Türkmenistan — parahatçylygyň we ynanyşmagyň Watany» ýylynyň 8-nji ýanwarynda milli Liderimiziň sanly wideoaragatnaşyk arkaly geçiren Ministrler Kabinetiniň mejlisinde «Türkmenistanda ýaşlar barada döwlet syýasatynyň 2021 — 2025-nji ýyllar üçin Döwlet maksatnamasyny» hem-de şol maksatnamany amala aşyrmak boýunça ýerine ýetirilmeli çäreleriň Meýilnamasyny tassyklamagy ýurdumyzyň bagtyýar ýaşlary hakynda edýän aladasynyň bimöçberdigini görkezdi. Ýaşlara hemmetaraplaýyn goldaw bermäge, olaryň hukuk we durmuş goraglylygyny üpjün etmäge, sazlaşykly ösmegi hem-de döwrebap bilim almagy we iş bilen üpjün edilmegi üçin oňaýly şertleri döretmäge gönükdirilen bu maksatnama ýaşlaryň ata Watanymyzyň mynasyp raýatlary bolup ýetişmeklerinde uly ähmiýete eýedir.

29 Mart 2021

Bilim

Bagtyýarlygyň gözbaşy

Hormatly Prezidentimiziň taýsyz tagallasy bilen Berkarar döwletimiziň bagtyýarlyk döwründe ýaşlaryň ylym-bilimli, edep-terbiýeli adamlar bolup ýetişmekleri üçin ähli şertler döredilýär. Ösüşiň täze belentliklerine tarap okgunly öňe barýan ýurdumyzda zähmetsöýer, ruhubelent ýaşlarymyz ylymda, bilimde, sungatda we sportda tapawutlanyp, Diýarymyzyň at-abraýyny belende galdyrýarlar. Biz hem hormatly Prezidentimiziň öňümizde goýýan wezipelerinden ugur alyp, edara-kärhanalarda zähmet çekýän hünärmenleriň, şeýle-de mekdep okuwçylarynyň arasynda ýaşlaryň sagdyn durmuş ýörelgesine eýermeklerini, bedenterbiýe we sport bilen meşgullanmaklaryny gazanmak maksady bilen yzygiderli wagyz-nesihat çärelerini geçirip durýarys. Ýaşlary sporta höweslendirmek maksady bilen, sportuň dürli görnüşleri boýunça ýaryşlary gurap, ýeňijilere Hormat hatlaryny hem-de ýadygärlik sowgatlary gowşurýarys. Ýurdumyzyň röwşen geljeginiň eýeleri bolan ýaşlar özleriniň ruhy taýdan sagdyn, berk bedenli bolup ýetişmekleri üçin taýsyz tagallalary edýän Arkadag Prezidentimize alkyş sözlerini aýdýarlar.

29 Mart 2021

Bilim

Watana wepaly, zähmetsöýer nesiller

Berkarar döwletimiziň bagtyýarlyk döwründe çuň bilimli, tutanýerli we giň dünýägaraýyşly nesilleriň terbiýelenip ýetişdirilmegine aýratyn ähmiýet berilýär. Gursagy hyjuwly, kalby höwesli ýaş nesilleriň döwrebap bilim almaga bolan islegleri bu günki günde hasyl bolýar. Berkarar döwletimizde ýaş nesillerimiziň eşretli, abadan durmuşda ýaşamagy, ylymly-bilimli, watansöýüji, il-güne peýdaly adamlar bolup ýetişmegi üçin ähli zerur şertler döredilýär. Eziz Arkadagymyzyň parasatly baştutanlygynda ata Watanymyzyň ýagty geljegi bolan ýaş nesliň dynç almagy, saglyklaryny berkitmegi, sport bilen meşgullanmagy üçin hem ähli mümkinçilikler bar. Diýarymyzyň ähli künjeklerinde aň-bilim taýdan ösen, beden taýdan sagdyn, eziz Watanymyzyň at-abraýyny, şan-şöhratyny has-da artdyrjak bagtyýar nesil üçin iň häzirki zaman enjamlary, multimediýa we okuw-tehniki serişdeleri bilen üpjün edilen çagalar baglarynyň, mekdepleriň, sport toplumlarynyň, sagaldyş we dynç alyş merkezleriniň gurlup, ulanylmaga berilmegi munuň subutnamalarydyr.  Mähriban çagalar! Eziz Arkadagymyz: «Siz, gadyrly çagalar, ajaýyp mekdepleriň gapysyndan Watana, il-güne wepaly, zähmetsöýer, ahlakly nesiller bolup çykmalysyňyz» diýip, ýaş nesillere uly ynam bildirýär. Ata Watanymyz arzuwlaryň amala aşýan ýurdudyr. Siziň sowatly, ylymly-bilimli, beden we ruhy taýdan sagdyn, giň dünýägaraýyşly bolup ýetişmegiňiz ugrunda eziz Arkada

29 Mart 2021

Bilim

Geljege ynamly ýaşlar

«Türkmenistan — parahatçylygyň we ynanyşmagyň Watany» şygary astynda geçýän üstümizdäki ýylda hem Garaşsyz, hemişelik Bitarap döwletimiz ynamly gadamlar bilen öňe barýar. Gahryman Arkadagymyzyň il bähbitli, döwlet ähmiýetli işleriniň hatarynda ösüp barýan ýaş nesilleri ylymly-bilimli, giň dünýägaraýyşly adamlar edip ýetişdirmek babatyndaky işler hem mynasyp orny eýeleýär. Ýaşlaryň höwes edýän ugurlaryna laýyklykda, hünär saýlap almaklary, şol ugurlar boýunça ukyp-başarnyklaryny ösdürmekleri üçin hem döwlet derejesinde uly aladalar edilýär. Biziň ähli şert-mümkinçilikler döredilen döwrebap orta mekdeplerde okap ýören häzirki günlerimizden geljekki hünärlerimizi saýlap almaklygymyz üçin döredilýän oňaýly şertlerden ýerlikli peýdalanmagymyz, bu babatda mugallymlarymyz bilen maslahatlaşyp durmagymyz zerurdyr. Sebäbi mekdep durmuşyndan durmuş mekdebine gadam basanymyzda, özümize, öz geljegimize doly derejede ynamymyz bolmalydyr. Bagtyýarlyk döwrüniň ýaşlarynda şeýle ynamyň bardygyny hem buýsanç bilen aýdyp bileris.

29 Mart 2021

Bilim

Diller dünýä nur çaýýar

Türkmenistan parahatçylyksöýüjilikli we hoşniýetli goňşuçylyk syýasatyny durmuşa geçirýär. Halkara guramalary we dünýä döwletleri tarapyndan ykrar edilen demokratik ýol bilen öňe barýan ýurdumyzyň merdana halky agzybirlik we ynanyşmak arkaly ösüşiň täze belentliklerine sary aýgytly gadam urýar. Hormatly Prezidentimiziň alyp barýan parasatly syýasatynyň netijesinde ýurdumyzda uly özgertmeler amala aşyrylýar. Bu bilim ulgamynda hem şeýledir. Soňky ýyllarda durmuşa geçirilen özgertmeler ösüp gelýän ýaş nesle döwrüň talabyna laýyk gelýän bilim we terbiýe bermäge giň ýol açdy. Daşary ýurt dillerini öwretmegiň kämilleşdirilmegi bolsa ýaşlara orta mekdebi tamamlandan soň beýleki ýurtlaryň okuw mekdeplerinde bilim almaga, dünýäniň gazananlaryndan peýdalanmaga, halkara ders we taslama bäsleşiklerine gatnaşmaga mümkinçilik döretdi. «Türkmenistanda daşary ýurt dillerini okatmagy kämilleşdirmegiň Konsepsiýasynyň» kabul edilmegi bilen dil öwretmeklik has ýokary derejelere çykaryldy. Ýurdumyzyň bilim ojaklarynda daşary ýurt dillerini okatmagyň döwrebap usullary ulanylyp, daşary ýurtlaryň innowasion tejribesine laýyklykda okadylýar. Bu özüniň oňyn netijelerini hem berýär. Ene dilinden daşary hem birnäçe dil bilýän ýaşlaryň sany barha artýar.

29 Mart 2021

Bilim

Sanly bilim portaly bilim ulgamyndaky rowaçlykdan nyşan

Gahryman Arkadagymyzyň parasatly baştutanlygynda ýurdumyzyň bilim ulgamy yzygiderli kämilleşdirilýär. Hut şu nukdaýnazardan, milli Liderimiziň başlangyçlary esasynda 2017-nji ýylyň 15-nji sentýabrynda kabul edilen «Türkmenistanda sanly bilim ulgamyny ösdürmegiň Konsepsiýasynyň» birinji tapgyryny durmuşa geçirmegiň çäklerinde ýurdumyzyň orta we ýokary okuw mekdeplerine sanly bilim portaly ornaşdyrylýar. Bu konsepsiýanyň esasy maksady ýurdumyzyň innowasion ösüşine laýyklykda bilim bermegiň ähli basgançaklaryny ýokary hilli elektron bilim maglumatlary bilen üpjün etmekden, bilim edaralarynda berilýän bilimiň mazmunyny baýlaşdyrmakdan, hilini ýokarlandyrmakdan we okatmagyň usulyýetini kämilleşdirmekden ybaratdyr. Iki tapgyrda amala aşyrmak meýilleşdirilen bu konsepsiýanyň birinji tapgyrynyň häzirki wagtda üstünlikli durmuşa geçirilýändigini bellemelidiris.

29 Mart 2021

Bilim

Beýik işleriň ak ýolunda

Berkarar döwletimiziň bagtyýarlyk döwründe ýaşlar baradaky döwlet syýasaty çuňňur many-mazmuna eýe bolýar. Onuň hukuk binýadynyň barha pugtalandyrylmagy ýaşlarymyzyň ýaşaýyş-durmuş we zähmet şertlerini kepillendirip, zehinlerini açyp görkezmäge, yhlasly zähmet çekmäge, bilim, hünär almaga bolan isleglerini doly höweslendirýär. Muny hormatly Prezidentimiziň üstümizdäki ýylyň başynda gol çeken «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasyny» hem-de ony amala aşyrmak boýunça ýerine ýetirilmeli çäreleriň Meýilnamasyny tassyklamak hakynda Karary hem doly tassyklaýar. Häzirki wagtda bu resminama laýyklykda, Türkmenistanyň Magtymguly adyndaky Ýaşlar guramasynyň Merkezi Geňeşi, welaýat, etrap we şäher Ýaşlar guramalary degişli işleri alyp barýarlar. Türkmen ýaşlarynyň nurana geljegine gönükdirilen köptaraply tutumlaryň mundan beýläk-de rowaçlyklara beslenmeginiň binýadyny pugtalandyrmakda aýratyn ähmiýete eýe bolan işleriň çäklerinde ýaşlary ylma, döredijilige höweslendirmek, ýaş maşgalalary durmuş taýdan goldamak, zehinli ýaşlary ýüze çykarmak ýaly möhüm wezipeler bar. Her ýylda mekdep okuwçylarynyň we talyp ýaşlaryň arasynda geçirilýän ylmy, ylmy-taslama, döredijilik bäsleşikleri bu babatdaky anyk maksatly işlerdir.

29 Mart 2021

Bilim

Bagtyýar nesil ýetişýär

Türkmenistan — parahatçylygyň we ynanyşmagyň Watany ýylymyzda ýaşlara bilim-terbiýe bermek, olary giň dünýägaraýyşly edip ýetişdirmek bilim ulgamynyň baş maksadydyr. Hormatly Prezidentimiz ösüp gelýän ýaş nesliň milli ruhda terbiýelenmegine aýratyn uly üns berýär. Hormatly Prezidentimiz “Türkmeniň döwletlilik ýörelgesi” atly ajaýyp kitabynda hem bu babatda giňişleýin beýan edýär. Munuň özi halkymyzyň ylym-bilime nähili garaýandygyny görkezýän aýdyň hakykatdyr. Ajap eýýamymyzyň mynasyp neslini terbiýeläp kemala getirmekde, biz — çagalar bakja-bagynyň terbiýeçileriniň paýyna-da uly jogapkärçilik düşýär.

29 Mart 2021

Bilim

Nesil terbiýesi

Berkarar döwletimiziň bagtyýarlyk döwründe ýurdumyzda ylym-bilimi kämilleşdirmäge, ýaş nesliň bilim almaga bolan höwesini artdyrmaga ähli şertler döredilýär. Ýurdumyzdaky çagalar baglary, orta we ýokary okuw mekdepleri häzirki zaman ülňülerine laýyk gelýän tehnologiýalar bilen üpjün edilýär. Ýaş nesli milli ruhda terbiýelemekde kitaplaryň ähmiýeti-de örän uludyr. Körpelerde kitap okamaga höwesiň döredilmegi we ösdürilmegi olaryň kämil dünýägaraýyşly bolmagyna itergi berýär. Çaga dünýäsine we onuň aň-düşünjesine täsir edýän halk döredijilik eserleriniň bir görnüşi bolan ertekiler çagalarda gowy häsiýetleri oýarmaga ýardam berýär. Körpeler ertekileriň üsti bilen pikirlenmegi, çeper sözlemegi öwrenýärler. Ertekiler çagalaryň pikirlenişini ösdürmekde hem iň ygtybarly serişdedir.

28 Mart 2021

Bilim

Ukyp-başarnygyň netijesi

Mary şäheriniň 51-nji çagalar bagynda geçirilen “Ýylyň terbiýeçisi — 2021” atly bäsleşigiň welaýat tapgyryna terbiýeçileriň 13-si gatnaşdy. Olar öz iş tejribelerini açyp görkezmek bilen okuw-terbiýeçilik we synp sagatlaryny guradylar. Emin agzalarynyň gelen netijelerine görä, Türkmengala etrabyndaky 8-nji çagalar bagynyň terbiýeçisi Akgözel Durdyýewa ýeňiji boldy we bäsleşigiň döwlet tapgyryna gatnaşmaga hukuk gazandy.

28 Mart 2021

Bilim

Tejribeli terbiýeçileriň üstünligi

Daşoguz şäheriniň “Bagtyýar zaman” obasyndaky 9-njy çagalar bagynda “Ýylyň terbiýeçisi — 2021” atly bäsleşigiň welaýat tapgyry boldy. Oňa bäsleşigiň deslapky tapgyrlarynda ýeňiş gazanan terbiýeçiler gatnaşdylar. Bäsleşigiň şertine laýyklykda, terbiýeçiler okuw-terbiýeçilik we synp sagatlaryny geçip görkezdiler. Eminler toparynyň gelen netijelerine görä, Daşoguz welaýatynyň S.A.Nyýazow adyndaky etrabynyň 9-njy çagalar bagynyň terbiýeçisi Ogulgül Begmyradowa ýeňiji bolup, bäsleşigiň jemleýji tapgyryna gatnaşmaga hukuk gazandy.

28 Mart 2021

Bilim

Zehinliler ýeňiji boldy

Balkanabat şäheriniň 20-nji çagalar bagynda «Ýylyň terbiýeçisi — 2021» bäsleşigiň welaýat tapgyry geçirildi. Oňa terbiýeçileriň 11-si gatnaşyp, olar öz iş usullaryny döredijilikli beýan etdiler. Iş tejribesi, sapak geçiş usuly boýunça aýratyn tapawutlanan terbiýeçiler öňe saýlandylar. Netijede, Türkmenbaşy şäherindäki 32-nji çagalar bakja-bagynyň terbiýeçisi Gunça Gylyçtaganowa 1-nji orna mynasyp boldy. Ýeňiji bäsleşigiň döwlet tapgyryna gatnaşmaga hukuk gazandy.

28 Mart 2021

Bilim

Çagalarda zähmet endiklerini kemala getirmek

Körpede zähmet endiklerini kemala getirmek mekdebe çenli çagalar edaralaryndan başlanýar. Guralýan sapaklarda olaryň zähmet endikleri bilen tanyş bolmagy üçin şertleri terbiýeçiniň döredip bermegi zerurdyr. Çagalara sapaklarda reňkli kagyzlardan, agaç we beýleki tebigy materiallardan, mata böleklerinden dürli zatlary ýasamagy, tikmegi öwretmek bolar. Mysal üçin, zähmet sapagynda körpelere bägül şekiljiklerini, ösümlikleri, miweleri, ýönekeýje geometrik şekiljikleri ýasamagy tabşyrmak bilen, olaryň özbaşdak işlemeklerini we pikirlenmeklerini taplap bolar. Çagalar ýasan oýnawaçlaryny dürli oýunlarda höwes bilen oýnaýarlar, olaryň käbirini öz gowy görýän adamlaryna sowgat berýärler.

28 Mart 2021

Bilim

Körpelerde sungata bolan söýgini döretmek

Ýurdumyzda ýaş nesil hakyndaky alada döwlet syýasatynyň möhüm ugurlarynyň biri bolup durýar. Bu ugurda hormatly Prezidentimiz bimöçber aladalar edip, çagalaryň bilimli, ylymly, kämil şahsyýetler bolup ýetişmekleri üçin dünýä ülňülerine laýyk gelýän bilim ojaklaryny ulanmaga berýär. Şolaryň hatarynda çagalar baglarynda terbiýelenýän körpeler üçin hem bilim, terbiýe almakda birnäçe mümkinçilikler döredilýär. Häzirki wagtda ähli bilim edaralarynda bolşy ýaly, biziň çagalar bagymyzda hem körpeleriň wagtlaryny gowy geçirmegi, ilkinji bilimlerini almagy, milli ruhda terbiýelenmegi üçin okatmagyň interaktiw usulyndan ýerlikli peýdalanylýar. Körpeler bu ýerde diňe bilim, terbiýe alman, eýsem, sungatyň, döredijiligiň ilkinji düşünjelerini hem öwrenýärler. Çagalar baglarynda terbiýelenýän körpeler eýýäm şol wagtdan özleriniň ukyp-başarnyklaryny açyp ugraýarlar. Olar surat çekmäge ýa-da aýdym aýtmaga höwesli bolýarlar.

28 Mart 2021

Bilim

Ýaşlara döwrebap bilim bermegiň ähmiýeti

Ýurdumyzda Gahryman Arkadagymyzyň tagallasy bilen beýleki pudaklar bilen bir hatarda ylma, bilime, Watanymyzyň geljegi bolan talyp ýaşlaryň has-da kämil, tutanýerli, erjel bolup ýetişmeklerine uly üns berilýär. Milli Liderimiz “Berkarar döwletimiziň bagtyýarlyk döwründe biziň öňde goýýan esasy wezipämiz bilimiň hilini has-da ýokarlandyrmakdan ybaratdyr” diýip belleýär. Hut şonuň üçin hem kämil tehnologiýalaryň ösen döwründe bilim ulgamyndaky edilýän tagallalar barha artýar. Munuň aýdyň mysaly hökmünde sanly ulgamyň mümkinçiliklerini görkezmek bolar. Häzirki wagtda ýurdumyzyň ýokary okuw mekdeplerinde sanly bilim portaly pedagog-mugallymlaryň we talyp ýaşlaryň bilim işini ýerine ýetirmeginde uly ähmiýete eýedir. Sanly ulgamyň mümkinçiliginde döredilen bu bilim portaly ýokary okuw mekdebiniň çäginde talyplaryň özbaşdak bilim derejesini artdyrmagyna uly ýardam edýär. Hormatly Prezidentimiziň alyp barýan adyl syýasatynyň esasynda bilimiň hilini ýokarlandyrmak, ösüp gelýän ýaş nesli kämil terbiýeli, ýokary ahlakly şahsyýetler edip ýetişdirmek her bir bilim işgäriniň mukaddes borjudyr. Hut şonuň üçin hem pedagog-mugallym sapagyň guralyşyny we alnyp barlyşyny has-da baýlaşdyrmaly. Häzirki wagtda ýokary okuw mekdeplerinde okuw sapaklary umumy okuw, amaly okuw we tejribe sapaklary görnüşinde alnyp barylýar. Umumy okuw sapaklary döwrebap bilim berişiň esasy özeni bolup durýar. Umumy oku

28 Mart 2021

Bilim