"Diýar" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-56, 39-95-30, 39-95-23
Email: diyar-zurnaly@sanly.tm

Gazeti PDF görnüşinde ýükläp almak

Habarlar

Çakyryk

Hazyna deňelýän Garagum sährasynda çakyryk diýen täsin guş ýaşaýar. Oba ýerlerinde alaja togan diýip bir guş bardyr, serçedenem kiçiräk uçup-ylgap siňek, çybyn-çirkeý, ary ýaly mör-möjekleri çöpläp ýörendir. Guýrugy uzynja çalymtyl, kellesi gara, ganaty keseligine ak-çalymtyl guşjagaz. Çakyrygam şoňa meňzeşiräk çopan goşunyň töwereginde sazakdyr gandymyň, çerkezdir sözeniň düýbünde gatyrak ýerden çukur gazyp höwürtgeleýär. Adamy penalap ýaşaýanynyň sebäbi, onuň ýumurtgasydyr gyzyletenelerine ýylanam, zemzenem, gyrgydyr çaýçaňňalagam, syçançydyr göwenegem hyrydar. Çopan goşunynyň töweregine bolsa, ýaňky ady agzalanlar gelip bilmeýär. Geläýse-de, çopanyň gazabyna duçar bolýar. Çakyrygam öz gezeginde çopanyň ýagşylygyny gaýtarmak üçin, gündiz ýatyp gijelerine-de sakyrtga, möý-içýan, çekirtge ýaly zatlary iýip, çopany goraýar. Eger ary ketegi duş gelse çakyryk hezil edip ukuda ýatan arylary çöpleýär. Gyzyl aryň ketegini dagy iş edinip köwläp-köwläp alýar. Çölde duýdansyz öňüňizde aýagy, çüňki uzynja, gözüniň daşy gara-ak, halkaly, arkasy, ganaty, döşi çäge pisint — melewşe-saryrak guş çyksa, tanap goýuň, ol çakyrykdyr. Çölde daňdan ilki bilen torgaý saýraýar. Ana şol wagt çakyryk çopan goşunyň töweregindäki suwdan ganyp, ganatyny jüýjeleriniň üstüne saýa edip, uka gidip, uzyn gün ýatýar.

17 Ýanwar 2021

Oba hojalyk

Barlaghananyň mümkinçilikleri

Hormatly Prezidentimiz ýurdumyzda azyk howpsuzlygyny üpjün etmekde uly ähmiýete eýe bolan oba hojalygyny, şol sanda maldarçylyk pudagyny hem ylmy esasda ösdürmekde uly tagalla edýär. «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda» hem ilatyň maldarçylyk önümlerine bolan isleglerini kanagatlandyrmak maksady bilen, mallaryň baş sanyny artdyrmak, olaryň tohumçylyk-seçgi işlerini alyp barmak, önümliligini ýokarlandyrmak we ot-iýmlik binýadyny berkitmek babatynda degişli işleri geçirmek boýunça anyk wezipeler goýuldy. Şu wezipelerden ugur alyp, häzirki wagtda maldarçylyk pudagynda hem uly özgertmeler amala aşyrylýar. Dowardarçylyk Türkmenistanda maldarçylygyň kämilleşen, esasy pudaklarynyň biridir. Ýurdumyzyň özboluşly tebigy we howa şertleri bu pudagyň üstünlikli ýaýbaňlanmagy üçin örän amatlydyr.

17 Ýanwar 2021

Oba hojalyk

Halal zähmetiň höziri

Gözellik öz-özünden döränok. Ol gözellige teşne adamlaryň yhlasly, irginsiz zähmeti bilen döreýär. Babadaýhan etrabynyň Hasyl obasynyň ýaşaýjysy Annaoraz Berdiýew hem gözellik döredýän adamlaryň biri. Tüweleme, onuň mellek ýerindäki baglary göreniňde göwnüň göterilýär. Howlynyň içine saýaly daragtlar bezeg berse, mellegi dürli görnüşli miweli baglar tutup otyr. Olaryň arasynda üzüm, alma, aýwa, armyt, injir, nar ýaly miweli baglaryň ýüzden gowrak düýbi bar. Onuň bilen ýakyndan söhbetdeş bolanymyzda, ol ýetişdiren baglary barada täsirli gürrüň berdi: —Miweli we saýaly baglaryň gadyryny bilen adama olaryň miwesi-de, saýasy-da saglyk üçin tenekar, melhem bolup durýar. Kakama Sapar Berdiýew diýerdiler, ol uruş weteranydy. Bütin ömrüne diýen ýaly daýhan birleşigimizde sürüji bolup işledi. Işden ýadap gelendigine garamazdan, eline pilini, üzüm gaýçysyny alyp mellege girerdi. «Şu baglaryň içine girsem, ýadawlygymdan nam-nyşan galanok, birhili ýigdelen ýaly bolaýýan!» diýerdi. Bizi hem öz ýanyndan aýyrmazdy. Ol öwretmekden hiç ýaltanmazdy.

14 Ýanwar 2021

Oba hojalyk

Aralyk ekinler

Diýarymyzyň toprak-howa şertleri mukaddes ene topragymyzda datly miwedir ir-iýmişleriň, gök önümdir bakja ekinleriniň dürli görnüşlerini ýetişdirmäge, bir ýerden iki hasyl almaga, hatda gyşda gyşlaýan ýorunja, güýzlük arpadyr bugdaý ýaly ekinleri ekip, üçünji hasylyň düýbüni tutmaga doly mümkinçilik berýär. Ekin dolanyşygynyň aýlawyna laýyklykda, bir ýerden iki hasyl almak üçin güýzlük bugdaýdan soň gyşlaýan ekinlerden ýorunja, gant we gyzyl şugundyr, ot-iýmlik şugundyr, käşir, güýzlük kelem, işdäaçar otlar, düme we ýarym düme bakja ekinleri gowy netije berýär.

14 Ýanwar 2021

Oba hojalyk

Täze hasylyň aladalary

Meýdan işleri gyzyşýar Ak bugdaý etrabynda ýerleri gowaça ekişine taýýarlamak işine jogapkärli çemeleşilýär. Şu günler gowaça ekişi üçin niýetlenen meýdanlarda sürüm işleri talabalaýyk alnyp barylýar.

14 Ýanwar 2021

Oba hojalyk

Belent maksatlar, aýdyň menziller

Gahryman Arkadagymyzyň baştutanlygynda Garaşsyz, hemişelik Bitarap Türkmenistan ýurdumyzda amala aşyrylýan özgertmeler beýleki ugurlar bilen bir hatarda, oba hojalyk pudagyny hem gurşap aldy. Berkarar döwletiň bagtyýarlyk döwründe hormatly Prezidentimiziň içgin alada etmegi bilen, bu pudakda alnyp barylýan işleriň kämilleşdirilmegine, netijeliliginiň ýokarlandyrylmagyna gönükdirilen birnäçe maksatnamalar, kararlar kabul edildi. Olarda oba hojalygyny özgertmek, öndürilýän önümleriň görnüşlerini, möçberlerini artdyrmak ilatyň hal-ýagdaýlaryny gowulandyrmagyň esasy ugurlarynyň biri hökmünde esasy wezipe edilip goýulýar.

13 Ýanwar 2021

Oba hojalyk

Ylymly nesiller — döwletimiziň altyn geljegi

Berkarar döwletimiziň bagtyýarlyk döwründe ýurdumyzda hormatly Prezidentimiziň parasatly baştutanlygynda türkmen ýaşlarynyň bagtyýar durmuşda ýaşamagy, ylym-bilim almagy, zähmet çekmegi üçin ähli mümkinçilikler döredilýär. Muňa «Türkmenistan — parahatçylygyň we ynanyşmagyň Watany» ýylynda döwlet Baştutanymyzyň başda durmagynda türkmen ýaşlaryny watansöýüjiligiň belent ruhunda terbiýelemek hem-de kämil hünärmenler edip ýetişdirmek babatda durmuşa geçirilýän täze başlangyçlar aýdyň şaýatlyk edýär. Türkmen ýaşlary — Garaşsyz, baky Bitarap Watanymyzyň geljegi. Ýaşlaryň ruhy we beden sagdynlygy, hünär taýýarlygynyň kämilligi, döredijilik ukyby we pikirlenmek başarnygy jemgyýetimiziň kämilleşmegine hem-de döwletimiziň ösüşine uly itergi beriji güýçdir. Häzirki wagtda Türkmenistanyň kanunçylygy jemgyýetimizde şeýle uly orun eýeleýän ýaşlaryň durmuş-ykdysady we syýasy hukuklaryny doly kepillendirýär. Olaryň hukuklaryny üpjün etmek babatdaky zerur şertleriň döredilmegi ýörite kanunlarda we maksatnamalarda öz beýanyny tapýar.

13 Ýanwar 2021

Oba hojalyk

Watanymyzy beýgeldýän pudak

Berkarar döwletimiziň bagtyýarlyk döwründe Gahryman Arkadagymyzyň parasatly ýolbaşçylygynda Türkmenistan döwletimiz senagatda, medeniýetde, saglygy goraýyş ulgamynda, bilimde, sportda we beýleki ugurlarda uly ösüşleri başdan geçirýär. Şol sanda oba hojalyk pudagynda hem geçen ýyllarda bellenilmäge mynasyp işler alnyp baryldy. Hormatly Prezidentimiziň 2018-nji ýylyň sentýabrynda geçiren Türkmenistanyň Halk Maslahatynyň birinji mejlisinde öňe süren başlangyçlary hem daýhanlary önüm öndürmeklige has-da höweslendirdi. Ýurdumyzda daýhanlara halal zähmet çekip, toprakdan bol hasyl almaga, bolelin durmuşda ýaşamaga ähli mümkinçilikler döredilýär. Şeýle hem daýhanyň ýakyn ýardamçysy bolan kuwwatly, ýokary iş öndürijilikli tehnikalar daşary ýurtlardan yzygiderli satyn alynýar. Ol toprakdan bol hasyl almaga we ýetişdirilen önümleri wagtynda ýygnamaga kömek berýär. Umuman, beýleki pudaklar bilen bir hatarda oba hojalyk ulgamy hem Watanymyzy ösdürmekde möhüm ähmiýete eýedir. Oba hojalyk önümlerini öndüriji zähmetkeşlere döwletimiz tarapyndan hemmetaraplaýyn ýeňillikleriň berilmegi bu pudagyň ösdürilmeginiň girewidir. Bu günki günde gursagy hyjuwly daýhanlaryň her bir tutan maksatlary rowaç alýar. Olar ýurdumyzda bellenilýän toýdur-baýramlara, şanly senelere zähmet sowgatlary bilen barýarlar. Türkmenistan — parahatçylygyň we ynanyşmagyň Watany ýylynda hem nesip bolsa daýhanlarymyza üstünli

13 Ýanwar 2021

Oba hojalyk

Belent sepgitlere ruhlanyp

Häzirki wagtda oba hojalyk önümçiligini bazar gatnaşyklaryna geçirmek, ýeriň hakyky eýesini tapmak, pudaga hususy eýeçiligi giňden çekmek boýunça zerur işler amala aşyrylýar. Hormatly Prezidentimiziň taýsyz tagallasy netijesinde, daýhanlaryň netijeli zähmeti üçin amatly şertler üpjün edildi. Bu ugurda alnyp barylýan işler «Döwlet adam üçindir!» diýen baş ýörelgede öz beýanyny tapýar. Amala aşyrylýan işleriň netejesinde, oba ilatynyň ýaşaýyş-durmuş derejesi has-da ýokarlanýar. Oba hojalyk pudagyny mundan beýläk-de ösdürmek üçin ägirt uly mümkinçilikler döredilýär. Eziz Watanymyzyň gülläp ösmegine, halkymyzyň abadan, bolelin, eşretli durmuşyna gönükdirilen beýik işleriň üstünlikli amala aşyrylmagyna hususy ulgamyň wekilleri-de saldamly goşant goşýarlar. Şonuň bilen birlikde, Türkmenistany durmuş-ykdysady taýdan ösdürmekde, ykdysadyýetiň hususy böleginiň ornuny ýokarlandyrmakda, telekeçilige ýardam bermekde uly üstünlikler gazanylýar. Döwlet tarapyndan yzygiderli goldaw berilmegi netijesinde, Türkmenistanyň Senagatçylar we telekeçiler birleşmesiniň agzalaryna degişli oba hojalygynyň iri kärhanalary, tutuş senagat zolaklary, döwrebap ýyladyşhana toplumlary, önümçiligiň we gaýtadan işlemegiň bitewi ulgamyny öz içine alýan guş toplumlary, maldarçylyk we balykçylyk hojalyklary, miweli baglar döredildi.

12 Ýanwar 2021

Oba hojalyk

Sazlaşykly tagallalar

2021-nji ýyl — «Türkmenistan — parahatçylygyň we ynanyşmagyň Watany» ýylynyň häzirki günlerinde meýdan işleriniň depginini güýçlendirmek babatda yhlasly zähmet çekýän Kaka etrabynyň oba zähmetkeşleri ýaz ekişine aýratyn jogapkärli çemeleşýärler. Olar şu günler gowaça hasylyndan boşan gektarlarda sürüm işlerini alyp barmak bilen, işiň hiline uly üns gönükdirýärler. Etrap boýunça sürüm geçiriji tehnikalaryň 60-sy bu işe gatnaşýar. Etrabyň Tehniki hyzmat ediş kärhanasynyň mehanizatorlary özlerine berkidilen sürüm geçiriji traktorlaryň saz işlemegini gazanýarlar. Olaryň gündelik sürüm geçirilýän meýdanlarynyň hatarynyň barha artmagy bu möhüm çäräniň irki möhletlerde tamamlanmagyna şert döredýär.

12 Ýanwar 2021

Oba hojalyk

Alyn der — altyn zer

«Dürden gymmat deri bilen dünýäni daýhan ekleýär». Söz ussadynyň şu setirleriniň döremegine ene ýere bagry badaşan, halal zähmeti bilen başgalara görelde bolmagy başarýan babadaýhanyň sebäp bolandygy öz-özünden düşnükli. Dogrudanam datly nygmatlar desterhan-saçaga ýetýänçä toprak goýnuna daýhanyň alyn deri, azap-yhlasy siňmeli. Şeýle işleri amal edip, bütin düýrmegi-durky bilen topraga hyzmat edýän daýhana duşsaň, şahyryň ýokarky setirleri biygtyýar ýada düşýär. Halallygy hemra edinip, päk zähmetden bagtyny tapan, ene topraga ykbalyny baglan daýhanlarymyzyň bitirýän işleri kämil goşgy-gazallara, aýdym-mukamlara mynasyp. Ene ýer gözbaşy egsilmeýän bereket arygy. Şol çeşmäniň mydama dolup-daşyp, desterhan-saçaklara rysgal-berekediň akyp durmagy daýhan zähmetine baglydyr. Ýurdumyzyň dürli ýerlerinde ýaşaýan, zähmet çekýän daýhanlaryň gazanýan zähmet üstünliklerini eşideniňde buýsanjyň artýar.

12 Ýanwar 2021

Oba hojalyk

Oba hojalyk habarlary

Taýýarlyk işleri ýokary depginde Geçen ýyl döwlete «ak altyn» tabşyrmakda welaýatymyzda ilkinjileriň hatarynda meýilnamany üstünlikli berjaý eden Boldumsaz etrabynyň «Guýanagyz» daýhan birleşiginiň kärendeçi daýhanlarynyň şu ýyly hem zähmet üstünliklerine beslemek baş maksady bolup durýar. Bu ýerde şu günler ýerleri ýaz ekişine taýýarlamak işleri geçirilýär. Hojalykda 200 gektardan gowrak meýdanda şüdügär sürümi, 160 gektar ýerde tekizleme işleri geçirildi. Daýhan birleşiginiň Saparberdi Begjanowyň, Döwran Allabaýewiň ýolbaşçylyk edýän 1,2-nji kärendeçiler toparlarynda bu işler doly geçirilip gutaryldy.

12 Ýanwar 2021

Oba hojalyk

Toprak — bereket çeşmesi

— Ekerançylykda özüne ussat diýdirmegi başarýan, eýeçiligindäki ýere siňdiren alyn derinden bereket tapýan daýhanlar hojalygymyzda az däl. Şolaryň biri hem zähmetsöýer daýhan, «Watana bolan söýgüsi üçin» medalynyň eýesi Döwran Täçmyradowdyr — diýip, Serdar etrabynyň «Paraw» daýhan birleşiginiň başlygy Aşyr Geldinazarow ýaşyl maýsaly meýdanyň gyrasyndan egnine pilini atyp, dogumly ýöräp gelýän ýaş ýigide tarap garap durşuna buýsançly gürledi. — Geçen ýylyň galla oragy möwsüminde daýhan birleşigimiz boýunça 2152 tonna guşgursak dänäni Watan harmanyna tabşyryp, uly üstünligiň eýesi bolduk. Şeýle ajaýyp netijäni gazanmagymyzda 5 gektar kärende ýeriniň her gektaryndan 42 sentner hasyl alan şu ussat kärendeçi gallaçynyň hem goşandy az bolmady — diýip, sözüniň üstüni ýetirdi. Hawa, kärendeçi daýhan Döwran Täçmyradow halal zähmet çekip, rysgal-döwletiň, berekediň eýesi boldy. Ol — halal baýamaklygyň ýoluny daýhançylykdan tapanlaryň biri. Arly ýyllar çekilen irginsiz zähmet, ene topraga siňdirilen yhlas kiçigöwünli, pespäl ynsana şan-şöhrat getirdi. Örküni topraga baglap, daýhançylyk kesbini ýetginjeklikden dowam edip gelýän ýigidiň päk yhlasyny onuň ýetişdirýän boldumly hasylynyň mukdarynda-da, ýokary hilinde-de aýdyň görmek bolýar. «Azapsyz ýeriň ady ýok» diýleni. Daýhan ýigidiň aýdyşy ýaly, ýere yhlas bilen ýapyşsaň, ondan bol hasyl alyp bolýar.

12 Ýanwar 2021

Oba hojalyk

Daýhanyň ygtybarly daýanjy

Berkarar döwletimiziň bagtyýarlyk döwründe Gahryman Arkadagymyzyň parasatly ýolbaşçylygynda Türkmenistan döwletimizde oba hojalyk pudagy belent sepgitleri eýeledi. Daýhana zähmet çekip toprakdan bol hasyl almak üçin giň mümkinçilikler döredilýär. Şolaryň hatarynda hormatly Prezidentimiziň ýolbaşçylygynda daýhanyň ygtybarly daýanjy hasaplanýan tehnikalaryň birnäçe tapgyrlary ýurdumyza getirilýär. Olar kuwwatly, ýokary iş öndürijilikli bolup, daýhanyň ýakyn ýardamçysyna öwrülýärler. Şu günler hem ýerlerde ak ekini iýmitlendirmek, täze ekilmeli hasyl üçin sürüm, tekizleşik işleri giň gerimde ýaýbaňlandyrylýar. Bu işleri ýerine ýetirmekde tehniki hyzmat ediş kärhanalarynyň tehnikalary hem giňden ulanylýar.

11 Ýanwar 2021

Oba hojalyk

Tehnikalar taýýarlyk hatarynda

Ýurt Garaşsyzlygy ýyllarynda ykdysadyýetiň beýleki pudaklary bilen birlikde oba hojalyk pudagynda hem düýpli özgerişlikler bolup geçdi. Pudaga ýolbaşçylyk edilişiniň kämilleşdirilmegi, daýhan birleşikleriniň giňden goldanylmagy, ýer eýeleriniň ýokary öndürijilikli zähmet çekmekleri üçin giň mümkinçilikleriň döredilmegi netijesinde ene toprakdan alynýan önümleriň möçberleri düýpli artdyryldy. Şonuň netijesinde ýurdumyzda ilaty zerur azyk önümleri bilen üpjün etmek wezipesi üstünlikli çözülýär. Hormatly Prezidentimiz pudagyň meselelerine uly döwlet syýasatynda ilkinji derejeli üns bermek bilen, möhüm çözgütleri kabul edýär. Oba hojalyk önümlerini öndürijilere tehnikalary we iş gurallaryny satyn almak üçin banklardan ýeňillikli, uzak möhletli karz serişdeleri uly möçberlerde berilýär. Şonuň netijesinde oba hojalygyna tehniki taýdan hyzmat edýän kärhanalaryň we daýhan birleşikleriniň tehnika parky düýpli täzelenýär. Bu bolsa kuwwatly tehnikalaryň daýhanlaryň hakyky daýanjyna öwrülmegini şertlendirdi. Hut biziň welaýatymyzyň ekerançylyk meýdanlarynda hem ABŞ-nyň, Germaniýanyň, Gollandiýanyň, Türkiýäniň we dünýäniň senagat taýdan ösen beýleki döwletleriniň meşhur kompaniýalarynda öndürilen ygtybarly we ýokary öndürijilikli tehnikalaryň güýjünden giňden peýdalanylýar. Ýeri gelende olara wagtly-wagtynda tehniki hyzmat etmek, abatlamak işleriniň üstünlikli ýola goýulýandygyny bellemek

11 Ýanwar 2021

Oba hojalyk

Limonyň bereketli hasyly

Türkmen topragynda açyk asmanyň astynda, şeýle-de ýyladyşhana şertlerinde miweli baglaryň dürli görnüşleri yzygiderli ekilip, olardan bol hasylyň alynmagyna aýratyn üns gönükdirilýär. Bu ugurda welaýatymyzyň hojalyklarynda alnyp barylýan işler has-da guwandyrýar. Ak bugdaý etrabynyň Türkmenistanyň Gahrymany M.Sopyýew adyndaky oba hojalyk paýdarlar jemgyýetiniň zähmetsöýer bagbanlary hem saçagymyzyň bereket-bolçulygyna özleriniň saldamly goşantlaryny goşýarlar. Olar miweli baglaryň beýleki görnüşleri bilen bir hatarda, indi ençeme ýyllardan bäri ýyladyşhana şertlerinde limon baglaryny hem ýetişdirýärler.

10 Ýanwar 2021

Oba hojalyk

Sahawatly topragyň nygmaty

Mukaddes Garaşsyzlygymyzyň şanly 30 ýyllyk toýuna barýan ýurdumyzda Gahryman Arkadagymyzyň oba hojalygyny düýpli özgertmek baradaky strategiýasy bilen baglylykda, Türkmenistanda oba senagat toplumyny diwersifikasiýa ýoly bilen ösdürmek we önümçilik kuwwatlyklaryny artdyrmak, pudagyň ähli ulgamlaryna iň döwrebap tehnikalary giňden ornaşdyrmak, gyzyklanma bildirýän daşary ýurtly hyzmatdaşlaryň ählisi bilen özara bähbitli hyzmatdaşlygy işjeňleşdirmek boýunça yzygiderli çäreler görülýär. Döwlet Baştutanymyzyň Kararyna laýyklykda, oba senagat toplumynyň tehniki binýadyny täzelemäge uly möçberde maliýe serişdeleri gönükdirilýär. Häzirki wagtda bu toplumyň üsti dünýäniň meşhur önüm öndürijileriniň döwrebap traktorlary, kombaýnlary, beýleki tehnikalary we enjamlary bilen ýetirilýär. Obasenagat toplumyny tehnika we tehnologiýa taýdan döwrebaplaşdyrmak pudagyň bäsdeşlige ukyplylygyny ýokarlandyrmaga, azyk howpsuzlygyny berkitmäge, ýokary hilli önümleri çykarmaga gönükdirilen giň möçberli özgertmeleriň esasy ugurlarynyň biri bolup durýar. Häzirki döwürde bu wezipeler Türkmenistanda sanly ykdysadyýeti ösdürmegiň Konsepsiýasy esasynda, hil taýdan täzeçil usulda ýerine ýetirilýär.

10 Ýanwar 2021

Oba hojalyk

Üstünlik yhlasa bagly

Gyş paslynyň dowam edýän şu günlerinde Babadaýhan etrabynyň ekin meýdanlarynda hem gyşky meýdan işleri gyzgalaňly dowam edýär. Häzir etrabyň bugdaý meýdanlarynda ýaşajyk maýsalary mineral dökünler bilen iýmitlendirmek işleri giň gerimde alnyp barylýar. Bu işde etrapda öňdebaryjy hojalyklaryň biri bolan «Täze ýol» daýhan birleşiginiň zähmetsöýer gallaçy kärendeçileri has-da işjeňlik görkezýärler. Şu ýylyň galla hasyly üçin daýhan birleşigi boýunça jemi 4200 gektar meýdanda ekilen bugdaýyň ýaşajyk maýsaly atyzlaryna hojalyk boýunça däneçilik toparynyň 25-sinde ideg edilýär. Ideg işlerinde daýhan birleşiginiň Saparaly Annamyradow, Baýramsähet Narow, Orazmyrat Akorazow, Jeýhun Çaryýew, Orazmämmet Baýramgeldiýew, Daňatar Öwezow dagy tarapyndan ýolbaşçylyk edilýän toparlaryň zähmetsöýer gallaçy kärendeçileri has-da tapawutlanmagy başarýarlar. Üstünligiň yhlasa baglydygyna oňat düşünýän daýhan birleşiginiň zähmetsöýer gallaçy daýhanlary uly ösüşlere beslenip geçen 2020-nji ýyly hem zähmet üstünlikleri bilen jemlediler. Olar Watanymyzyň bereketli harmanyna guşgursak ak bugdaýyň 8565 tonnasyny tabşyryp, bu baradaky döwlet tabşyrygyny artygy bilen ýerine ýetirdiler. — Şu ýylyň hasyly üçin ak bugdaýyň «Batko», «Bagrat» we «Kalim» diýen görnüşlerini ekdik. Haýsy ekin bolsa bolsun, tapawudy ýok, ondan bereketli hasyl almak üçin turuwbaşdan oňat ideg etmeli, her bir agrotehniki çäräniň öz wa

10 Ýanwar 2021

Oba hojalyk

Mallar dok we ýyly gyşladylýar

Mälim bolşy ýaly, gyş pasly janypkeş maldarlar üçin jogapkärli synag döwri hasaplanýar. Munuň şeýledigine oňat düşünýän lebaply dowardarlar bu möhüm möwsüme hemmetaraplaýyn ykjam taýýarlykly geldiler. «Oty köpüň — maly dok» diýen pähimden ugur alyp, welaýatyň maldarçylyk hojalyklarynyň agzybir işgärleri, çopandyr çoluklary dowarlar üçin ot-iýmleri taýýarlamakda bar bolan kaşarlarda we agyllarda göwnejaý abatlamak işlerini ýerine ýetirdiler. Ýerlerdäki guramaçylykly amala aşyrylýan işleriň netijesinde şu güne çenli welaýat boýunça bar bolan 8 sany maldarçylyk hojalyklarynda dürli görnüşli otlaryň 14 müňden gowrak tonnasy taýýarlandy. Bu bolsa borçnamalaýyn tabşyrygyň artygy bilen ýerine ýetirilendigini aňladýar. Taýýarlanylan şonça otuň 105 tonnasy ýorunja bedesi, 3267 tonnasy meýdan otlaryň bedesi, 10101 tonnadan gowragy iri baldakly otlar, 1337 tonnadan gowragy bolsa samanlardyr. Mundan başga-da, mallar üçin möhüm iýmit bolan arpanyň 59 tonnasy taýýar edildi. Welaýat oba hojalyk önümçilik birleşmesiniň maldarçylyk boýunça hünärmenleriniň aýtmaklaryna görä, taýýarlanan ot-iým gory maldarçylyk hojalyklarynda ideg edilýän 222,5 müňden gowrak dowary dok we ýyly gyşlatmaga mümkinçilik berýär. Şeýle hem gyş döwründe mallary abat, ýitgisiz we ýyly saklamak üçin welaýat boýunça ýyly kaşarlaryň 370-den gowragy, agyllaryň hem 113-si gözden geçirildi.

10 Ýanwar 2021

Oba hojalyk

«Pendiniň» limony

Oba hojalygynyň girdejili pudaga öwrülmegi üçin işleri täzeçe gurap, diňe bir pagtaçylykdan, gallaçylykdan däl, eýsem, beýleki ekinlerden hem bol hasyl almagyň zerurdygyna Garaşsyzlygyň ilkinji ýyllarynda ymykly göz ýetiren Tagtabazar etrabynyň «Pendi» daýhan birleşiginiň ýolbaşçylary 1996-njy ýylda öňki ekýän ekinleriniň ýany bilen ýyladyşhana şertlerinde limon ýetişdirmäge hem synanyşyp görmegi ileri tutýan ugurlarynyň hataryna goşdular. Bölünip berlen ýerde limon ýetişdirmäge bolsa, daýhan birleşiginde iň bir zähmetsöýerleriň biri hökmünde özüni tanadan Gurbangeldi Jumagylyjow we onuň maşgala agzalary döwtalap boldular. Limonyň iň hasylly, geçginli sortundan saýlanyp, seçilip alnan 110 düýp nahala gowy garaşyk edilensoň, gününi sanap ösdi. Basym hasyla durdy.

10 Ýanwar 2021

Oba hojalyk