Türkmenmetbugat

"Diýar" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-56, 39-95-30, 39-95-23
Email: diyar-zurnaly@sanly.tm

Gazeti PDF görnüşinde ýükläp almak

Habarlar

Göwrelilik döwründe geçirilýän barlaglar

Göwrelilik döwri zenanyň ýagdaýyny we göwredäki çaganyň ösüşini anyklamak üçin meýilnamalaýyn barlaglardan geçirilmegi hökmanydyr. Ine, şeýle barlaglaryň biri-de göwrelileriň ultrasesli barlag (USB) skriningidir.  Skrining birnäçe saglygy goraýyş barlaglarynyň toplumy bolup, ol enäniň göwresindäki çaganyň fiziki ösüşini anyklamaga, hromosom keselleriniň we doga kemisligiň howply toparyny irki döwürde ýüze çykarmaga niýetlenendir. Skrining barlagyny ähli göwreli zenanlaryň geçmegi hökmandyr. Sebäbi ol enäniň göwresindäki çaganyň genetiki kesellerini, doga kemisligi, göwreliligiň dowamynda ýüze çykýan käbir meseleleri we gaýra üzülmeleri irki döwürde anyklap, bejergi almagyna ýardam edýär. Göwreliligiň tutuş dowamynda skrining barlagy 3 gezek geçirilýär (göwreliligiň her üç aýlygynda).

19 Fewral 2021

Möwsümleýin kesellerden goranalyň!

Gyş hem ýaz aýlary ýiti respirator ýokanç keselleriniň dowam edýän döwri hasaplanylýar. Pasyl çalşygynda döreýän sowuklama kesellerinden nädip maşgalany we çagalary goramaly? Nädip öňüni almaly? Şular dogrusynda habarçymyza Ahal welaýat Enäniň we çaganyň saglygyny goraýyş merkeziniň lukmany Maýagül JUMAÝEWA şeýle gürrüň berdi. Çagalar ýylyň sowuk we pasyl çalşygy döwründe ýygy keselleýärler. Ýiti respirator keselleri bilen 2-3 ýaşly çaga 6 ýaşlylara garanda has köp keselleýär. Çagalar ulaldygyça kesele garşy göreşijilik ukybynyň ýokarlanýandygy sebäpli az dümewleýärler. Şonuň üçin öňüni alyş çärelerini dogry we doly ýerine ýetirmek bilen çagany islendik ýaşda kesellerden gorap bolýar.

19 Fewral 2021

Göwreliligi meýilleşdirmek

Çaganyň dünýä inmegi her bir maşgala üçin uly bagtdyr. Her bir ene-ata çaga dünýä inenden soň oňa talabalaýyk gözegçilik etmäge, mähir-alada bilen gurşamaga taýýar bolmalydyr. Onuň üçin maşgala agzalary göwreliligiň kadaly geçişini ýola goýup, sagdyn çaganyň dünýä inmegi üçin howp salýan alamatlary wagtynda ýüze çykarmagy başarmalydyrlar. Ene-ata çagasynyň saglygyna kiçilikden ünsli bolmaly, sebäbi nesil öndürmek ukyby çagalykdan kemala gelýär. Kiçi ýaşly gyzjagazlarda gurçuk keselleri, dürli ulgamlaryň sowuklama, ýygy dümewleme keselleri, iç gatama, böwrek we bagyr sowuklamalary geljekde aýbaşynyň bozulmalaryna, önelgesizlige getirip bilýär. Uly gyzlarda sowuklama keselleri, aýbaşynyň wagtynda gelmezligi (14-15 ýaşdan giç), yzygiderliliginiň bozulmagy, aýbaşynyň uzak wagtlap ýa-da köp möçberde bolmagy geljekde ganazlyga, önelgesizlige ýa-da boljak göwreliligiň agyrlaşmagyna getirip bilýär. Oglanjyklarda hapgyrtma keseli, jyns agzalarynyň şikesleri dürli kesellere getirip, önelgesizligiň sebäbi bolup bilýär. Göwreliligi meýilleşdirmekden öň geljekki ene-atanyň oňa taýýar bolmagy zerurdyr. Şonda göwreliligiň kadaly geçmeginiň, dogrumyň agyrlaşman, çaganyň sagdyn dünýä inmegine mümkinçilik has-da artýar. Şeýle mümkinçiligi berjaý etmek üçin är-aýalyň sagdyn durmuş ýörelgesiniň kadalaryny berjaý etmegi zerurdyr.

19 Fewral 2021

Türkmenistanyň derman senagatynyň önümleri

Buýan köküniň esasynda taýýarlanýan bu derman serişdeleri immuniteti pugtalandyryjy, çişi gaýtaryjy, gakylygy gopduryjy, gysylmany aýryjy (spazmolitiki), ýarany bitiriji täsire eýe bolup, aşgazan-içege we dem alyş ýollarynyň kesellerinde, meselem, bronhitde, bronhopnewmoniýada, bronhoektazda ulanmak üçin niýetlenendir. Buýan köküniň şerbedini süýjüli diabetde ulanmak maslahat berilmeýär. Buýan kökünden taýýarlanan derman serişdelerini lukmanyň maslahaty esasynda kabul etmeli.  Arassalanan buýan köki

19 Fewral 2021

Hereket saglykdyr

Her bir ynsan ýaşyna garamazdan hereketde bolmalydyr. Hereketliligiň adam bedeniniň taplanmagynda, berkemeginde ähmiýeti uludyr. Onuň hataryna beden maşklary, pyýada ýöremek, suwda ýüzmek, ylgamak, welosiped sürmek, gimnastika, aerobika bilen meşgullanmak ýaly görnüşler girýär. Gündelik hereketde bolmak sagdynlygy, işe ukyplylygy, adamyň kesellere garşy göreşijilik ukybyny berkidýär. Fiziki maşklar bedene diňe bir syrdamlylyk bermek bilen çäklenmän, eýsem, işden, okuw sapaklaryndan soňky ýadawlygy aýryp, saglygy berkidýär, dem alyş ulgamyny kadalaşdyrýar. Şeýle-de bedeniň çeýeligini, el-aýak myşsalarynyň işjeňligini, gan aýlanyşygyny sazlaýar. Kesellerden goranmagy daşary çykylanda agyz-burun örtüklerini dakynmak, arassaçylyk düzgünlerini berjaý etmek, iki metr howpsuz aralygy saklamak bilen utgaşdyryň! Eger-de nähoşlugyň ilkinji alamatlaryny duýsaňyz, hökman, maşgala lukmanyna ýüz tutuň!

19 Fewral 2021

Saglyk üçin maslahatlar

Ýurdumyzda raýatlarymyzyň saglygyny goramak, dürli ýokanç keselleriň öňüni almak maksady bilen, degişli döwlet derejesindäki çäreleri talaplara laýyk geçirilýär. Ýüze çykyp biläýjek möwsümleýin ýiti respirator ýokanç keselleriniň öňüni almak üçin, pasyllara görä gün tertibini dogry alyp barmak zerur bolup durýar. Şol maksat bilen her birimiz:

18 Fewral 2021

Mämişi melhem

Mundan 4 müň ýyl ozal ýaşap geçen ata-babalarymyz üçin käşiriň benewşe reňkli, ajy tagamly ösümlik bolandygyndan köpleriň habary-da ýokdur. Ol döwürler bu önümi diňe ýakymly ysly tohumy üçin ösdürip ýetişdiripdirler. Bize belli bolan mämişi reňkli käşir bolsa XVII asyrda Gollandiýada peýda bolup, diňe ýaňy-ýakynda ylym onuň adamyň saglygyna oňyn täsirini resmi taýdan tassyklady. Käşiriň ýiti mämişi reňki onuň düzüminde beta-karotiniň uly möçberiniň bardygyna şaýatlyk edýär. Bary-ýogy iki käşir iýmek bilen bedeniň şu witamine bolan bir günlük talabynyň ýerini dolup bolýandygyny lukmanlar tassyklaýarlar.

18 Fewral 2021

Türkmenistanyň dermanlyk ösümlikleri

RADDENIŇ KEPPEGÖWENI

18 Fewral 2021

Saglyk hakda alada

Dünýädäki epidemiologik ýagdaýy nazara alyp, howply ýokanç keselleriň ýurdumyzyň çägine aralaşmagynyň öňüni almak boýunça toplumlaýyn işler amala aşyrylýar. Köpçülikleýin habar beriş serişdelerinde möwsümleýin ýiti respirator ýokanç keselleriniň öňüni almak, arassaçylyk tertip-düzgüni barada giň gerimli düşündiriş işleri alnyp barylýar.Maslahatlar çap edilýär, ilat arasynda ýokanç keselleriň öňüni alyş işleri barada yzygiderli wagyz-nesihat işleri geçirilýär. Maşgala lukmanlary tarapyndan ilat arasynda ýiti respirator kesellerine garşy sanjym edilýär. Çagalar bagyna gatnaýan çagalaryň we olaryň ene-atalarynyň, talyplaryň hem-de mekdep okuwçylarynyň arasynda ýokanç keselleriň öňüni almak boýunça geçirilýän wagyz-nesihat işleri has-da güýçlendirilýär we berk gözegçilige alynýar. Saglygy goraýyş edaralarynda ýokanç keseller barada amaly-okuw maslahatlary guralýar. Baş dermanhana birleşigi we «Lukmançylyk enjamlary» önümçilik birleşigi tarapyndan ähli zerur bolan dermanlar we saglyk maksatly enjamlar bilen üpjün etmek işleri doly amala aşyrylýar.

18 Fewral 2021

Sagdynlyk — ruhubelentlik

Halkyň saglygyny goramakda döwletimizde uly işler durmuşa geçirilýär. Ýurdumyzda birnäçe saglyk merkezleri, köpugurly hassahanalar, saglyk öýleri, enäniň we çaganyň saglygyny goraýyş merkezleri, tiz kömek merkezleri gurlup, ulanylmaga berildi. Olar dünýäniň ösen döwletleriniň ygtybarly enjamlary bilen üpjün edilip, her bir raýatynyň saglygyny berkitmekde gije-gündiz hyzmat edýär. Ýurdumyzda ýiti ýokanç kesele garşy dünýäniň häzirki epidemiologik ýagdaýy nazara alnyp, öňüni alyş çäreleriniň talaplaryny berjaý etmek boýunça hem birnäçe wagyz-nesihat işleri yzygiderli geçirilýär. Halkyň saglygynyň goralmagynda lukmanlardyr jemgyýetçilik guramalarynyň wekilleri bilen bir hatarda, hukuk goraýjy edaralaryň işgärleri hem çetde durmaýarlar. Howa şertleriniň adam bedenine ýetirýän oňaýsyz täsirleriniň öňüni almak maksady bilen, lukmançylyk agyz-burun örtüklerini ulanmak barada giňişleýin düşündirişler dowamly alnyp barylýar. Örtük ir döwürden bäri hem lukmançylykda ulanylypdyr. Ýokanç keselleriň öňüni almak üçin nähilidir bir goragyň gerekligi bilen bagly zerurlyk onuň döremeginiň esasy sebäbi bolupdyr.

18 Fewral 2021

Sagdyn jemgyýet — kuwwatly döwlet

Şeýle at bilen Kaka etrabynyň Medeniýet öýüniň kiçi mejlisler jaýynda wagyz-nesihat maslahaty geçirildi. Türkmenistanyň Demokratik partiýasynyň etrap komitetiniň etrabyň beýleki jemgyýetçilik guramalary bilen bilelikde guramagynda bolan duşuşyga bilim, medeniýet, sport, saglygy goraýyş ulgamlarynyň işgärleri gatnaşdylar. Maslahatda Berkarar döwletimiziň bagtyýarlyk döwründe hormatly Prezidentimiziň belent başlangyçlary bilen sportuň her bir türkmenistanlynyň ýakyn hemrasyna öwrülýändigi, ýurdumyzda ynsan bähbitlerini nazarlaýan işleriň durmuşa geçirilýändigi barada gürrüň edildi. Bellenilişi ýaly, jemgyýetimizde sagdyn durmuş ýörelgesini pugtalandyrmagyň özeninde hormatly Prezidentimiziň il-günimiziň bagtyýarlygy we abadançylygy, beden we ruhy sagdynlygy babatdaky tagallalary durandyr.

18 Fewral 2021

Lukmanyň maslahaty

Saglyk — gymmatly baýlyk. Bu baýlygy aýap saklamak üçin sagdyn durmuş ýörelgesini berjaý etmek zerur. — Dogry iýmitleniň! Witaminlere baý gök önümleri we miweleri köpräk iýiň! Olary iýmezden ozal, gowy edip ýuwmagy ýatdan çykarmaň! Tagamlary talabalaýyk we dogry taýýarlaň!

18 Fewral 2021

Saglyk — bahasyz baýlyk

•Egin-eşikleriňiz rahat hem-de ýyly bolmaly. Gyş günleri ýüňden tikilen eşikleri geýmek has gowy. •Gök önümleri we miweleri iýmezden ozal, gyzgyn suw bilen gowy edip ýuwmaly.

17 Fewral 2021

Halkymyzyň saglygy – ýurdumyzyň baýlygy

Ýakynda ýurdumyzyň Saglygy goraýyş ulgamynda teleköpri arkaly saglygy goraýyş boýunça IX türkmen-german forumy geçirildi. Foruma Germaniýanyň Mýunhen uniwersitetiniň Grosshadern klinikasynyň alym-professorlary, ýurdumyzyň döwlet düzümleriniň, ylmy-kliniki merkezleriniň, Myrat Garryýew adyndaky Türkmenistanyň Döwlet lukmançylyk uniwersitetiniň, saglygy goraýyş ulgamynyň welaýatlardaky we paýtagtymyzdaky düzümleriniň ýolbaşçylarydyr wekilleri gatnaşdylar. Bu duşuşykda urologiýa we ginekologiýa, çagalar urologiýasy we ginekologiýasy meselelerine üns berildi. Forumyň dowamynda eneleriň we çagalaryň saglygyny goramakda gazanylan üstünlikler ara alnyp maslahatlaşyldy, keselleriň öňüni alyş, anyklaýyş, bejeriş usullary beýan edildi.

17 Fewral 2021

Ýurdumyzyň baş gymmatlygy

15-nji fewralda wideoaragatnaşyk görnüşinde BMG-niň Çagalar gaznasynyň (ÝUNISEF) wekilhanasy Bütindünýä saglygy goraýyş guramasynyň ýurdumyzdaky edarasy bilen bilelikde, habar beriş serişdeleri üçin onlaýn duşuşygyny geçirdi. Onda ýiti ýokanç kesellere garşy durmaga we täsir etmäge taýýarlygy üpjün etmegiň meýilnamasyny amala aşyrmakda Türkmenistanyň gazananlary ara alnyp maslahatlaşyldy. Ýokanç keselleriň öňüni almak boýunça habarlary taýýarlamak babatda žurnalistleriň bilimini ýokarlandyrmaga gönükdirilen çärä köpçülikleýin habar beriş serişdeleriniň, şol sanda elektron serişdeleriniň wekilleri gatnaşdylar. Çärede ÝUNISEF-niň Türkmenistandaky wekili hanym Kristina Weýgand çykyş edip, duşuşygyň hormatly Prezidentimiz tarapyndan tassyklanan we halkara ölçeglere kybap gelýän meýilnamanyň diňe amala aşyrylmagyny seljermäge däl-de, eýsem, ony geljekde üstünlikli amala aşyrmak, öňüni alyş çärelerini netijeli wagyz etmek üçin bar bolan serişdeleri jemlemäge mümkinçilik döredýändigini belledi.

17 Fewral 2021

Barlaghana alakalarynyň eksperimental aterosklerozynda türkmen arçasynyň gaýnatmasynyň bagyr dokumasyna täsiri

Şu günki günde ateroskleroz we onuň bilen baglanyşykly keseller dünýäniň aglaba ýurtlarynyň halkynyň maýypçylygynyň we ýokary ölümçiliginiň esasy sebäpleri bolup durýar [2]. Aterosklerozyň etiologik faktorlarynyň biri dislipidemiýa bolup, ol damar endoteliýasynyň proaterogen işjeňleşmegine we disfunksional ýagdaýynyň inisiasiýasyna alyp barýar. Soňabaka endoteliýanyň zeperlenmegi beýleki wazotoksik komponentleriň täsirleri bilen bilelikde aterosklerotik hadysanyň möwjemegine getirýär [4]. Ýokarda aýdylanlar aterosklerozyň we onuň gaýraüzülmeleriniň öňüni almak we bejermek çärelerini gözläp tapmagyň, işläp düzmegiň, ornaşdyrmagyň we kämilleşdirmegiň zerurdygyny esaslandyrýar. Aterosklerozyň bejergisinde we öňüniň alynmagynda ulanylýan derman serişdeleri lipoproteinleriň aterogen fraksiýalarynyň derejesini kadalaşdyrmak, antiaterogen holesteriniň mukdaryny ýokarlandyrmak, lipidleriň erkin radikal okislenmesiniň intensiwligini peseltmek, antioksidant güýçleri işjeňleşdirmek, organizmiň immun ýagdaýyny we gaýnaglama hadysalaryny sazlaşdyrmak, aterotrombozyň ösmegine päsgel bermek ýaly talaplara laýyk gelmelidir [1]. Işiň maksady – barlaghana alakalarynyň eksperimental aterosklerozynda bagyr dokumasyna türkmen arçasynyň miwesiniň gaýnatmasynyň täsirini öwrenmek.

17 Fewral 2021

Hemmämiz üçin, saglygymyz üçin

■ Jemgyýetçilik we köpçülik ýerlerinde 2 metr howpsuz araçägi saklaň! ■ Daşary çykanyňyzda, agyz-burun örtüklerini dakynmagy ýatdan çykarmaň!

17 Fewral 2021

Ýygy keselleýän çagalarda buýan köküniň demlemesiniň ulanylyşynyň netijeliligi

Ýiti respirator ýokançlar (ÝRÝ) bilen ýygy keselleýän çagalar (ÝKÇ) pediatriýanyň wajyp lukmançylyk we sosial meselesidir. ÝKÇ 7 ýaşa çenli çagalaryň keselleýjiliginiň umumy sanynyň 25%-ni düzýär we çagalarda hasaba alnan ÝRÝ hemmesiniň 70-85% olaryň paýyna düşýär. Olar dünýäde kesellemegiň düzüminde öňde barýan orunlaryň birini eýeleýär. ÝRÝ düýpli gaýraüzülmeleriň emele gelmek howpuny ýokarlandyrýar, ösüp gelýän bedeniň saglyk ýagdaýyna ýaramaz täsir edýär hem-de bäbekleriň we çagalaryň ep-esli böleginiň ölümine sebäp bolýar [2, 6-8]. Ýygy keselleýän çagalarda respirator ýokançlaryň (RÝ) bejerilişinde we öňüniň alnyşynda bejeriş serişdeleriniň içinde fitobejergi, esasan, buýan köküniň ulanylmagy möhüm orny eýeleýär [6].

17 Fewral 2021

Keratitleri bejermekde plazmoterapiýa bilen bandaž linzasynyň utgaşykly ulanylmagynyň kliniki netijeleri

Amaly oftalmologiýada gözüň alawlama keselleri, şol sanda keratitler uly sosial meseleleriň biri bolup durýar, sebäbi bu kesel wagtlaýyn işe ukypsyzlyga (80%) we 10-30% ýagdaýda körlüge getirýär [2, 3]. Dermanlar bilen bejergi keratitleriň has giň ýaýran usuly bolmak bilen, köplenç ýagdaýda oňaýly netije berýär. Keratitlerden soň buýnuz perdäniň epitelizasiýasynyň bozulmagy agressiw bolýar hem-de uzak wagta çekýär, şeýlelikde, antibakterial, alawlama garşy we reparatiw bejergini öz içine alýan standart usullar netije bermeýär. Konserwatiw bejerginiň netijesizliginde, keseliň geçişiniň beterlemesinde, buýnuz perdäniň deşilmek howpunda, awtorlaryň birnäçesiniň bellemegine görä hirurgik bejerginiň patogenetik esaslandyrylan we netijeli usuly bolup durýar, emma bu usulyň amaly taýdan ulanylmagy köp ýagdaýlarda guramaçylyk sebäplere görä mümkin bolmadyk usul bolmaklygyna galýar [1, 2].

17 Fewral 2021

Sagdyn iýmitlenmek — saglygyň girewi

Gyş paslynda bedene witaminleriň we minerallaryň ýetmezçiligi sebäpli immunitetiň peselmek hadysasy ýüze çykyp bilýär, bu bolsa ýiti respirator keselleri bilen kesellemek howpuny hem artdyrýar. Gowy immun ulgamy diňe bir ýokanç we beýleki ýiti respirator keselleriň öňüni almaga kömek etmän, eýsem, howply täze döremäniň hem öňüni alýar. Immun düzümi kesel döredýän mikroorganizmlere we çiş öýjüklerine garşy göreşýän dürli hili öýjüklerden durýar. Germaniýanyň iýmit guramalarynyň hünärmenleriniň bellemegine görä, immuniteti berkitmek üçin sink, demir, selen we A, C, D, E witaminleri bedende ýeterlik mukdarda hökman bolmaly. Bu witaminler we mikroelementler gök önümlerde, miwelerde emele gelýär. Ondan başga-da, miwelerde we gök önümlerde saklanýan fitohimiki maddalar bolan karotinoidlar we flawonoidler immun ulgamyna oňyn täsir edýär. Olar immun öýjükleriniň emele gelşini güýçlendirýär. Beden üçin bu gymmatly maddalar esasan ter miwelerde we gök önümlerde saklanýar, köp mikroelementler gyzgynyň, kislorodyň, ýagtylygyň täsirinde zaýalanýar, şol sebäpli uzak wagtlap saklanylýan önümlerde witaminler we mikroelementler ýitýär ýa-da güýjüni ýitirýär. Esasan-da, C witamini bu bellenen täsirlere has-da duýgurdyr. C witamini gyzgynyň täsirinde örän çalt peýdaly häsiýetini ýitirýär. Şunda kelem bu ýetmezçiligiň çözgüdi bolup durýar. Ol düzüminde askorbin turşusy bolan askorbigeni saklaýar,

17 Fewral 2021

‹
1
2
...
375
376
377
378
379
380
381
...
397
398
›