"Diýar" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-56, 39-95-30, 39-95-23
Email: diyar-zurnaly@sanly.tm

Gazeti PDF görnüşinde ýükläp almak

Habarlar

Ökdeler öňe saýlandy

Ak bugdaý etrabyndaky ýöriteleşdirilen 46-njy orta mekdepde «Türkmenistan» Ýaşlar bedenterbiýe-sport guramasynyň welaýat bölüminiň, etrabyň bilim bölüminiň hem-de ylym we bilim işgärleriniň Kärdeşler arkalaşygynyň etrap Geňeşiniň bilelikde guramagynda küşt ýaryşy geçirildi. Okuwçy ýaşlaryň arasyndaky ýaryşa mekdepleriň aglabasyndan ýaş küştçi oglan-gyzlar gatnaşdy. Akyl-paýhas oýny boýunça ökdeleri ýüze çykarmakda we höweslendirmekde, şeýle-de okuwçy ýaşlaryň sport ussatlygyny ýokarlandyrmakda uly ähmiýete eýe bolan ýaryş çekeleşikli geçdi. Duşuşyklaryň netijesinde okuwçy gyzlaryň arasynda 14-nji orta mekdepden Gülşirin, Oguljan Annaýewalar, ýöriteleşdirilen 45-nji orta mekdepden Leýla Seýitmyradowa degişlilikde baýrakly birinji, ikinji, üçünji orunlara mynasyp boldular.

17 Dekabr 2024

Sport

Sport baýramçylygyna öwrüldi

Ak bugdaý etrabyndaky 2-nji orta mekdepde mekdep sport festiwaly geçirildi. Ýaş nesli bedenterbiýe we sport bilen yzygiderli meşgullanmaga çekmek, olaryň berk bedenli, sagdyn ruhly bolup ýetişmegini gazanmak maksady bilen geçirilen çäre “Türkmenistan” Ýaşlar bedenterbiýe-sport guramasynyň welaýat bölümi, etrap bilim bölümi hem-de Türkmenistanyň Magtymguly adyndaky Ýaşlar guramasynyň etrap Geňeşi tarapyndan guraldy. Mekdep sport festiwalynyň barşynda oňa gatnaşmaga gelen okuwçy ýaşlar tanap çekmekde, woleýbolda, ýaglyga towusmakda, stol üstündäki tennisde özara bäsleşdiler, Okuwçy ýaşlaryň sporta höwesiniň we sport ussatlygynyň ýokarlanmagynda uly ähmiýete eýe bolan çäre hemmelerde ýakymly duýgulary döretdi. Bu çärä işjeň gatnaşan çagalara hormat hatlary gowşuryldy.

16 Dekabr 2024

Sport

Mekdep sport festiwaly

“Pähim-paýhas ummany Magtymguly Pyragy” ýylynyň şatlykly günlerinde Kaka etrabyndaky 14-nji orta mekdepde okuwçy ýaşlaryň arasynda geçirilen mekdep sport festiwaly täsirliligi bilen tapawutlandy. “Türkmenistan” Ýaşlar bedenterbiýe-sport guramasynyň welaýat bölümi, etrap bilim bölümi hem-de jemgyýetçilik guramalary tarapyndan guralan sport şüweleňi çagalary bedenterbiýä we sporta çekmekde, olaryň berk bedenli, sagdyn ruhly bolup ýetişmegini gazanmakda ähmiýetli bildy.  Dabaraly ýagdaýda açylan mekdep sport festiwalyna ýaş nesliň işjeňligi ýokary boldy. Bu hakykat olaryň ýaglyga towusmak, woleýbol, tanap çekmek, stol üstündäki tennis boýunça özara bäsleşiklerinde aýdyň duýuldy. mekdep sport festiwalynda tapawutlanan ýaşlar “Türkmenistan” Ýaşlar bedenterbiýe-sport guramasynyň welaýat bölüminiň hormat hatlary bilen sylaglandy.

16 Dekabr 2024

Sport

Spartakiadanyň etrap tapgyrynda

«Türkmenistan — ruhubelentligiň we sagdynlygyň ýurdy» atly XIV spartakiadanyň çägindäki türkmen milli göreşi boýunça ýaryşyň Bäherden etrap tapgyry etrapdaky 4-nji orta mekdepde geçirildi. «Türkmenistan» Ýaşlar bedenterbiýe-sport guramasynyň welaýat bölümi, etrabyň bedenterbiýe we sport bölümi, etrap bilim bölümi hem-de jemgyýetçilik guramalary tarapyndan guralan ýaryşa mekdeplerden okuwçy oglanlar gatnaşyp, 40; 45; 57; 62; 68; 74 kilogram agram derejelerinde güýç synanyşdylar. Ýaryş çekeleşikli tutluşyklary bilen uly gyzyklanma döretdi. Şol tutluşyklar her agram derejesi boýunça güýçli pälwanlary öňe saýlady. Ýeňijiler toparlaýyn kesgitlenip, ýer eýeleri bolan 4-nji orta mekdebiň okuwçylary birinji orny eýelediler. Ikinji orna 27-nji, üçünji orna 1-nji orta mekdebiň topary mynasyp boldy.

16 Dekabr 2024

Sport

Dünýä çempionatyndaky üstünlik

Mongoliýanyň paýtagty Ulan-Batorda sportuň kuraş görnüşi boýunça ýaşlaryň we ýetginjekleriň arasynda geçirilen dünýä çempionatynda ýurdumyzyň ýygyndy topary üstünlikli çykyş edip, baýrakly orunlara mynasyp boldy. 34 döwletden 140-dan gowrak türgeniň gatnaşan çempionatynda ýaş kuraşçylarymyz 1 altyn, 1 kümüş, 5 sany bürünç, umumylykda 7 medal gazandylar. Ýurdumyzyň ýygyndy toparyna degişli bolan altyn medaly paýtagtymyzdaky Ýaş olimpiýaçylary taýýarlaýyş mekdebiniň 10-njy synp okuwçysy Ýazmyrat Artykow gazandy. Ol 14-15 ýaşly ýetginjekleriň arasynda 42 kilogram agramda geçirilen ýaryşlarda ähli garşydaşlaryndan üstün çykyp, hormat münberiniň iň ýokary basgançagynda orun almagy başardy. Şeýle hem bu ýaş derejesinde Lebap welaýatynyň Farap etrabyndaky 64-nji orta mekdebiň 10-njy synp okuwçysy Orazmuhammet Orazow 55 kilogram agramda, Türkmenabat şäherindäki 29-njy orta mekdebiň 10-njy synp okuwçysy Serdar Kabulow bolsa 60 kilogramda dünýä çempionatynyň bürünç medallaryna eýe boldular. Ýetginjek gyzlaryň arasynda geçirilen ýaryşlarda 57 kilogram agram derejesinde çykyş eden Türkmenabat şäherindäki 21-nji orta mekdebiň 10-njy synp okuwçysy Nurana Mergenowa hem üçünji orna mynasyp boldy.

16 Dekabr 2024

Sport

Woleýbol boýunça erkekleriň arasynda Ahal welaýatynyň çempionaty geçirildi

Ýakynda Ahal welaýatynyň sport we ýaşlar syýasaty müdirliginiň ýyllyk meýilnamasyna laýyklykda, woleýbol boýunça erkekleriň arasynda Ahal welaýatynyň çempionaty, Tejen we Gökdepe şäherlerinde sebit ýaryşlary geçirildi. Sebit ýaryşlaryna welaýatyň şäher we etraplaryndan 8 sany topar öz aralarynda bäsleşdiler we her sebit böleginde 1-2-nji orny eýelän toparlar jemleýji ýaryşa gatnaşmaga hukuk gazandylar. Ýaryşyň dowam edýän döwürlerinde Änew şäherindäki sport mekdebinde woleýbol boýunça Ahal welaýatynyň çempionatynyň jemleýji tapgyry geçirildi. Sebitden 1-2-nji orny eýelän toparlar ýarym final duşuşyklaryna gatnaşdylar. Netijede, Tejen etrabynyň topary 3-2 hasabynda Bäherden etrabynyň toparyny, Babadaýhan etrabynyň topary hem 3-1 hasabynda Gökdepe etrabynyň toparyny ýeňip, final duşuşygyna çykdylar.

15 Dekabr 2024

Sport

«FORMULA-1»: ÝYLYŇ IŇ KÖP HAK ALAN SÜRÜJILERI YGLAN EDILDI

«Forbes» neşiriniň ýazmagyna görä, «Red Bull» toparynyň sürüjisi Maks Ferstappen «Formula-1» sport görnüşinde ýylyň iň köp hak alan türgeni boldy. Ýeri gelende onuň şu ýyl «Formula-1» möwsüminiň hem çempiony bolandygyny bellemek gerek. «Forbesiň» iň köp hak alan sürüjileriniň sanawynyň ilkinji bäşligi aşakdaky türgenlerden ybarat:

15 Dekabr 2024

Sport

TÜRKMEN TÜRGENI DÜNÝÄ ÇEMPIONATYNDA KÜMÜŞ MEDALA MYNASYP BOLDY

Türkmen türgeni Bunýad Raşidow Bahreýniň paýtagty Manama şäherinde geçirilen agyr atletika boýunça dünýä çempionatynda ştangany silteräp götermekde kiçi kümüş medalyň eýesi boldy. Ol şeýle üstünligi 73 kilograma çenli derejesinde medal ugrunda göreşen 26 türgeniň arasynda gazanmagy başardy. Bunýad Raşidow silterläp götermekde 154 kilogram netije görkezip, kiçi kümüş medala mynasyp boldy. Emma ol itekläp götermekde 163 kilogram agyrlygy eýgerip, 16-njy ýeri eýeledi. Şeýlelikde, ildeşimiz iki görnüşiň jemi boýunça 321 kilogram netije bilen 15-nji basgançakdan ýer aldy.

15 Dekabr 2024

Sport

ÝÇL: «LIWERPUL» 1/8 FINALYŇ ÝOLLANMASYNA WAGTYNDAN ÖŇ EÝE ÇYKDY

Geçen hepde Ýewropanyň çempionlar ligasynyň 6-njy tapgyrynyň oýunlary geçirildi. Tapgyrda turnir tablisasynyň lideri «Liwerpul» myhmançylykda «Žironany» 1:0 hasabynda ýeňlişe sezewar etdi. Şeýle-de «Real» myhmançylykda «Atalantadan», «Barselona» bolsa «Borussiýadan» (Dortmund) birmeňzeş 3:2 hasabynda üstün çykdy. «Inter» bolsa «Baýeriň» myhmany bolup, ÝÇL-iň şu möwsümindäki ilkinji ýeňlişine sezewar boldy. Oýun 1:0 hasabynda «Baýeriň» peýdasyna tamamlandy. Mundan başga-da, tapgyryň ýene bir merkezi oýnunda «Ýuwentus» «Mançester Sitini» myhman aldy. Oýun 2:0 hasabynda «Ýuwentusyň» ýeňşi bilen gutardy. 6-njy tapgyrdan soňra «Liwerpul» 18 utuk bilen turnir tablisasynda birinji orny eýeläp dur. Şunlukda, «Liwerpul» wagtyndan öň 1/8 final tapgyryna ýollanma alan ilkinji topar boldy. Ikinji ýerdäki «Barselonanyň» hasabynda 15, üçünji ýerdäki «Arsenalyň» hasabynda bolsa 13 utuk bar.

15 Dekabr 2024

Sport

765 MILLION AMERIKAN DOLLARLYK ŞERTNAMA

Dominikanly beýsbolçy Huan Soto dünýä sportunyň taryhyndaky iň gymmat şertnama gol çekişdi. Has takygy, ol «Nýu-Ýork Mets» topary bilen umumy bahasy 765 million amerikan dollaryna deň bolan 15 ýyla niýetlenilen şertnama baglaşdy. Şeýlelikde, Huan Soto geçen ýyl «Los-Anjeles Dodjers» beýsbol topary bilen umumy bahasy 700 million amerikan dollaryna deň şertnama gol çekişen ýaponiýaly Seheý Otaniniň bu ugurdaky rekordyny täzeledi. Maglumat üçin, Huan Soto häzirki wagtda 26 ýaşynda. Ol ABŞ-nyň Milli beýsbol ligasynda 2018-nji ýyldan bäri çykyş edip gelýär.

15 Dekabr 2024

Sport

«TURAN-TOWUZ» DÜNÝÄ REÝTINGINIŇ 500-LIGINE GIRDI

Türkmen tälimçisi azerbaýjan toparyny dünýäniň iň güýçli klublarynyň 500-ligine girizdi. Has takygy, Halkara futbol taryhy we statistika federasiýasy (IFFHS) tarapyndan noýabr aýynyň jemleri boýunça yglan edilen klublaryň arasyndaky dünýä reýtinginde Gurban Berdiýewden tälim alýan Azerbaýjanyň «Turan-Towuz» topary 53,75 utuk bilen 496-njy basgançakdan ýer aldy. Ýeri gelende bellesek, «Turan-Towuz» häzirki wagtda Azerbaýjanyň çempionatynda 3-nji ýerde barýar. Maglumat üçin, klublaryň arasyndaky täzelenen dünýä reýtinginde «Real» 388 utuk bilen liderlik edýär. Şeýle-de ilkinji üçlükde «Atalantanyň» (377 utuk) hem-de «Baýeriň» (370 utuk) ady bar.

15 Dekabr 2024

Sport

«MANÇESTER SITI» REKORD MUKDARDA GIRDEJI GAZANDY

«Mançester Siti» Angliýanyň premýer-ligasynyň 2023/24-nji ýylky möwsüminde 715 million ýewro girdeji gazanandygyny mälim etdi. Bu rekord görkezijidir. «BBC» neşiriniň ýazmagyna görä, klubuň girdejisi geçen möwsüm bilen deňeşdirilende, 2,2 million ýewro ýokarlanypdyr.

15 Dekabr 2024

Sport

18 ÝAŞYNDA DÜNÝÄ ÇEMPIONY BOLDY

Hindistanly Gukeş Dommaraju küşt boýunça taryhda iň ýaş dünýä çempiony hökmünde rekord goýdy. Ol küşt täji üçin Singapurda geçen oýunlarda hytaýly Din Lijeni 7,5-6,5 hasabynda ýeňlişe sezewar etdi. Hindistanly ýaş küştçiniň aýgytlaýjy döwdäki ýeňşini gara mallar bilen oýnap gazanandygyny bellemek gerek. Şeýlelikde, Gukeş Dommaraju 18 ýaşynda küşt täjiniň eýesine öwrülip, bu ugurda 1985-nji ýylda 22 ýaşynda küşt boýunça dünýä çempiony bolan Garri Kasparowyň rekordyny täzeledi.

15 Dekabr 2024

Sport

RESMI: FUTBOL BOÝUNÇA 2034-NJI ÝYLKY DÜNÝÄ ÇEMPIONATY ÝENE AZIÝADA GEÇIRILER

11-nji dekabrda Halkara futbol federasiýasynyň (FIFA) kongresi geçirildi. Onda 2030-njy we 2034-nji ýyllarda futbol boýunça dünýä çempionatlarynyň geçiriljek ýurtlary resmi taýdan yglan edildi. Resmi çözgüde laýyklykda, garaşylyşy ýaly 2030-njy ýylda dünýä çempionaty bir wagtyň özünde birnäçe ýurtda – Marokkoda, Portugaliýada we Ispaniýada geçiriler. Şeýle-de ýaryşyň 100 ýyllyk ýubileýi mynasybetli ýene üç oýun Urugwaýda, Paragwaýda we Argentinada oýnalar.

15 Dekabr 2024

Sport

Fi­ji­tal we ki­bers­port gör­nüş­le­ri boýunça ge­çi­ri­len ýa­ryş­la­r

«7/24.tm»: №51 (238) 16.12.2024 Hal­ka­ra Bi­ta­rap­lyk gü­ni my­na­sy­bet­li Türk­me­nis­ta­nyň ýo­ka­ry okuw mek­dep­le­ri­niň ta­lyp ýaş­la­ry­nyň ara­syn­da spor­tuň in­no­wa­si­on ugur­ly fi­ji­tal we ki­bers­port gör­nüş­le­rin­den ge­çi­ri­len ýa­ryş­la­ryň je­mi jem­le­ni­lip, ýe­ňi­ji­le­ri sy­lag­la­mak da­ba­ra­sy ge­çi­ril­di.

15 Dekabr 2024

Sport

Sport. Dostluk. Bagtyýarlyk

«7/24.tm»: №51 (238) 16.12.2024 Ata Wa­ta­ny­my­zyň he­mi­şe­lik Bi­ta­rap­ly­gy­nyň 29 ýyl­ly­gy my­na­sy­bet­li we­la­ýa­ty­my­zyň çä­gin­de aý­dym-saz­ly çä­re­ler, da­ba­ra­ly mas­la­hat­lar­dyr dö­re­di­ji­lik bäs­le­şik­le­ri yzygi­der­li ge­çi­rilýär. Şeý­le çä­re­ler Baý­ra­ma­ly şä­he­rin­de hem giň­den ýaý­baň­lan­dy­ryl­ýar.

15 Dekabr 2024

Sport

Innowasion sport

«7/24.tm»: №51 (238) 16.12.2024 Türk­me­nis­tan­da spor­tuň äh­li gör­nüş­le­ri­ni ös­dür­mek we us­sat tür­gen­le­ri ýo­ka­ry de­re­je­de taý­ýar­la­mak ba­ra­da beril­ýän tab­şy­ryk­la­r­dan ugur alyp, yur­du­my­zyň ýo­ka­ry okuw mek­dep­le­rin­de spor­tuň in­no­wa­si­on ugur­ly gör­nüş­le­ri he­re­ket ed­ýär. Hä­zir­ki za­man ýaş­la­ry­nyň gy­zyk­lan­ma­la­ry­na do­ly ga­bat gel­ýän şeý­le sport gör­nüş­le­ri sport ul­ga­myn­da in­no­wa­si­on teh­no­lo­gi­ýa­la­ryň we eme­li aňyň ne­ti­je­li ula­ny­ly­şy­ny ýo­la goý­mak­da mö­hüm or­ny eýe­le­ýär. Hä­zir­ki za­man dün­ýä­sin­de sport ul­ga­my­na san­ly teh­no­lo­gi­ýa­la­ryň giň­den or­naş­dy­ryl­ma­gy, tür­gen­le­ri taý­ýar­la­mak iş­le­ri­niň yl­my esas­da al­nyp ba­ryl­ma­gy, tür­gen­le­şik­ler­de mag­lu­mat ul­gam­la­ry­na we teh­no­lo­gi­ýa­la­ry­na giň orun be­ril­me­gi, ýaş­la­ryň ara­syn­da spor­tuň in­no­wa­si­on gör­nüş­le­rin­den peý­da­lan­ma­gyň meş­hur­ly­gy­nyň has-da art­ma­gy, spor­tuň san­ly teh­no­lo­gi­ýa­lar bi­len bag­ly ugur­la­ry­nyň dün­ýä­de uly meş­hur­ly­ga eýe bol­ma­gy bi­len hä­zir­ki za­man sport ylym­la­ry ösüş­le­re bes­len­ýär.

15 Dekabr 2024

Sport

Sport täzelikleri

«7/24.tm»: №51 (238) 16.12.2024 Iň gowy 25 futbolçy

15 Dekabr 2024

Sport

«Ral­ly-reýd» bo­ýun­ça Türk­me­nis­ta­nyň çem­pio­na­ty

«7/24.tm»: №51 (238) 16.12.2024 Türk­me­nis­tan­da Hal­ka­ra Bi­ta­rap­lyk gü­ni my­na­sy­bet­li de­kab­ryň ba­şyn­da Ga­ra­gum säh­ra­sy­nyň çäk­le­rin­de aw­to­mo­bil spor­tu­nyň «Ral­ly-reýd» gör­nü­şi bo­ýun­ça Türk­me­nis­ta­nyň çem­pio­na­ty ge­çi­ril­di.

15 Dekabr 2024

Sport

«Ashgabat Open 2024»: ýaş tennisçileriň baýramçylygy

Sportuň iň meşhur görnüşleriniň biri bolan tennis bilen ýurdumyzda dürli ýaşdaky adamlar meşgullanýarlar. Çagalaryň we ýetginjekleriň arasynda-da tennise gyzyklanma örän uludyr. Ýakynda paýtagtymyz Aşgabatda tennis boýunça 14 ýaşa çenli oglan-gyzlaryň arasynda geçirilen «Ashgabat Open 2024» atly halkara ýaryşa ýurdumyzdan ýaş türgenleriň 42-siniň gatnaşmagy hem munuň aýdyň mysalydyr. Beýik Britaniýa, Hindistan, Eýran, Iordaniýa, Gazagystan, Malaýziýa, Birleşen Arap Emirlikleri, Pakistan, Täjigistan, Türkiýe, Özbegistan ýaly ýurtlardan zehinli türgenleriň gatnaşmagynda geçirilen ýaş tennisçileriň ýaryşy dost-doganlygyň baýramçylygyna öwrüldi. 11-nji noýabrda paýtagtymyzdaky Olimpiýa şäherçesiniň Tennis toplumynda 14 ýaşa çenli ýetginjekleriň arasyndaky «Ashgabat Open 2024» halkara ýaryşynyň açylyş dabarasy boldy. Dabarada ýerine ýetirilen aýdym-sazlar türgenleriň sportuň dürli görnüşleri boýunça görkezme çykyşlary bilen utgaşyp, baýramçylyk ruhuny emele getirdi. Ýaryşa gatnaşýan wekiliýetleriň tanyşdyrylyşy tomaşaçylaryň şowhunly el çarpyşmalary bilen garşylanyldy. Açylyş dabarasynyň yzysüre halkara ýaryşyň ilkinji duşuşyklaryna badalga berildi.

14 Dekabr 2024

Sport