"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Öňdebaryjy ýaşlar sylaglanyldy

Arkadag Serdarly bagtyýar ýaşlar ýylynda islendik ugurda ýaşlara bildirilen ynam artdy, netijede bolsa, ýaşlaryň dünýä derejesindäki üstünlikleri has ýokarlandy. Ýaşlar ýylynyň jemleri mynasybetli 27-nji dekabrda Türkmenistanyň Söwda-senagat edarasynda halkara ylmy-amaly maslahaty we sergisi öz işine başlady. Onuň çäklerinde Arkadag Serdarly bagtyýar ýaşlar ýylynda zähmetde we döredijilikde aýratyn tapawutlanan ýaşlara döwlet sylaglarynyň gowşurylyş dabarasy bolup geçdi. Bu ajaýyp çärede ýurdumyzda hem-de daşary ýurtlarda geçirilen halkara sport ýaryşlarynda, mekdep okuwçylarynyň olimpiadalarynda, talyp ýaşlaryň bäsleşiklerinde ýeňiji bolanlaryň, şeýle hem ykdysadyýetiň dürli ugurlarynda zähmet çekip, ýurdumyzyň ösüşine mynasyp goşant goşan ýaşlaryň gazanan üstünlikleriniň jemleri jemlenildi. Ýylyň dowamynda ýokary zähmet üstünliklerini gaznan käbir ýaşlar Türkmenistanyň «Watana bolan söýgüsi üçin» medaly bilen sylaglandy. Halkara ylmy-amaly maslahatda Magtymguly Pyragynyň doglan gününiň 300 ýyllygy mynasybetli Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde döredijilik bilen meşgullanýan ýaşlaryň arasynda yglan edilen «Pähim-paýhas ummany Magtymguly Pyragy» atly döredijilik bäsleşiginiň ýeňijilerini sylaglamak dabarasy bolup geçdi. Magtymguly Pyragynyň baý edebi mirasyny dünýä ýaýmak, ýaşlaryň döredijilik ýoluny kämille

27 Dekabr 2023

Medeniýet

Ajaýyp baýramçylyk sowgady

Täze ýyl baýramynyň ýokary ruhubelentlikde, şatlyk-şowhun bilen garşylanýan häzirki günlerinde, Diýarymyzyň çar künjünde bolşy ýaly, welaýatymyzda hem dürli mazmunly baýramçylyk çäreleri biri-birine ulaşýar. Welaýat döwlet drama teatrynyň baýramçylyk öwüşginleri bilen sazlaşýan ajaýyp sahnasynda iki günläp dowam eden «Gülki sowgady» atly degişme oýny, welaýatymyzyň medeniýet we sungat ussatlarynyň, welaýat ýörite sungat mekdebiniň talyplarynyň ýerine ýetiren aýdym-sazlary, tanslary şeýle çäreleriň üstüni ýetirip, tomaşaçylaryň baýramçylyk ruhuny has-da belende göterdi. Teatryň artistleri Arslan Mämmetgulyýewiň, Rusdam Arazmämmedowyň, Berdi Berdiýewiň, Bäşim Ataýewiň, Arslan Hojagurbanowyň ýerine ýetiren degişme sahnalary tomaşaçylara ýatdan çykmajak pursatlary peşgeş berdi. Arkadag Serdarly bagtyýar ýaşlar ýylyny, ösüşlere beslenýän döwrümizi, Gahryman Arkadagymyzyň, Arkadagly Gahryman Serdarymyzyň dünýäde uly goldawa eýe bolýan beýik tutumlaryny, Täze ýyly wasp edýän joşgunly aýdym-sazlar tomaşaçylara ajaýyp baýramçylyk sowgady boldy. «Bagtyýarlyk» hem-de «Dehistan» aýdym-tans we folklor etnografiýa toparlarynyň ýerine ýetiren milli tanslary şowhunly el çarpyşmalar bilen garşylandy. Aýazbabadyr Garpamygyň gatnaşmagynda geçirilen baýramçylyk çäresinde çykyş eden medeniýet we sungat ussatlary türkmen medeniýetini, sungatyny ösdürmekde, adamlaryň medeniýetli dynç almaklary üçin ä

27 Dekabr 2023

Medeniýet

Uly çille – synag döwri

Dünýäniň iň gadymy halklarynyň biri hasaplanýan türkmen halky öz ýaşap gelýän bäş müňýyllyk döwrüniň içinde özboluşly milli ýörelgeleri, däp-dessurlary, edim-gylymlary, hasap-hesipleri bilen beýleki milletlerden we halkyýetlerden düýpli tapawutlanypdyr. Halkymyzyň Aý—Gün senenamasy bilen baglanyşykly ýöredýän hasap-hesibi munuň aýdyň subutnamasydyr. Köp ýyllaryň dowamynda özleriniň öte synçylygy netijesinde toplan tejribesine salgylanyp, ata-babalarymyz ýylyň möwsümlerini Nowruz, Ülker, Aralyk, Üçýyldyz, Ýaldyrak, Mizan, Akrap, Garagyş, Uly çille, Kiçi çille, Çarwa nowruzy diýen ýaly döwürlere bölüp atlandyrypdyrlar. Çünki bu döwürleriň her birinde tebigatda bolup geçýän üýtgeşmeler ekerançylaryň, maldarlaryň, bagbanlaryň, ýaşaýjylaryň, mahlasy, her bir adamyň häsiýetli aýratynlyklaryny nazara alyp, bolup biläýjek kynçylyklary belli bir derejede ýeňilleşdirmek bilen, ýüze çykaýmagy ähtimal säwlikleriň, nogsanlyklaryň öňüni almaga ýakyndan ýardam edipdir. Şonuň üçin Aý-Gün senenamasy (kähalatlarda Ýyldyz senenamasy) asyrdan asyra, nesilden nesle geçip, biziň günlerimize gelip ýetipdir. Şeýle bolansoň, häzirki döwürde hem ähmiýeti kiçi-girim bolmadyk bu senenamanyň dowam edip duran Uly çille döwri bilen baglanyşykly öz bilýänlerini gazetiň okyjylaryna aýdyp bermegi haýyş edip, Mary şäheriniň ýaşaýjysy, mirasgär Çerkez Allajykowa ýüz tutduk. Şonda ol bize şeýle gürrüň berdi: — Uly

26 Dekabr 2023

Medeniýet

Arkadag şäherinde täze ýyl

Ähli zatda «ilkinjiler» ýatda galyjy bolýar. Arkadag Serdarly bagtyýar ýaşlar ýylynyň 29-njy iýunynda ilkinji tapgyry açylyp ulanmaga berlen sebitde ilkinji «akylly» şäher Arkadagyň şatlyk-şowhunly dabaralarynyň ýakymly täsirleri entek-entekler ýatdan çykar öýdemizok. Türkmen halkynyň Milli Lideri, Halk Maslahatynyň Başlygy Gahryman Arkadagymyzyň başlangyjy bilen gurluşygy ýaýbaňlandyrylan we häzirki döwürde hormatly Prezidentimiziň baştutanlygynda ikinji tapgyrynyň gurluşygy üstünlikli dowam edýän döwrebap şäherde ilkinji gezek geçirilen futbol ýaryşyny, ilkinji gezek görkezilen sahna we sirk oýunlaryny, ilkinji gezek geçirilen «Arkadagyň säheri» atly halkara kinowestiwalyny, ilkinji gezek geçirilen «Ýylyň parlak ýyldyzy» bäsleşiginiň jemleýji tapgyryny... bu şäheriň bagtyýar ýaşaýjylarydyr myhmanlary hiç mahal unutmasalar gerek. 15-nji dekabrda, ýagny «Älem» medeni-dynç alyş merkeziniň öňündäki giň meýdançada ýurdumyzyň Baş arçasynyň yşyklarynyň şugla saçan güni döwrebap innowasiýalar bilen enjamlaşdyrylyp gurlan Arkadagly ýaşaýjylar hem şäheriň baýramçylyk meýdançasyndaky baş arçanyň birinji gezek nurana öwüşginde ýalkym saçyşynyň ilkinji şaýatlary boldular.

26 Dekabr 2023

Medeniýet

Täze ýyla badalga

Arkadag Serdarly bagtyýar ýaşlar ýyly ösüşdir özgertmeleri bilen halkymyza ruhy galkynyşy bagyş edip, günleri taryhy pursatlara besläp, tamamlanyp barýar. Bu ýyl, turuwbaşdan, kämillik ýoluna gadam goýan türkmenistanly ýaşlaryň dürli ugurlardan ukyp-başarnyklaryny açan, olaryň dünýä jemgyýetçiligi tarapyndan ykrar edilen senesi boldy. Çünki ata Watany söýmekde we oňa ak ýürekden hyzmat etmekde Arkadagly Gahryman Serdarymyzy nusgalyk göreldesine öwren ýaşlar türkmen halkynyň Milli Lideri Gahryman Arkadagymyzy Baş halypasy hasaplaýarlar. Bildirilýän ynamy zähmet üstünlikleri, dürli ugurlar boýunça halkara, sebitara we dünýä derejesinde geçirilýän ýokary derejeli bäsleşiklerde, olimpiadalarda, ýaryşlarda gazanýan ýeňişleri bilen ödeýän ýaşlaryň kalbyny bu ýyl ýakymly ýatlamalaryna gurşady. Şu ýylyň dowamynda sebitde ilkinji döwrebap «akylly» şäheriň birinji tapgyrynyň gurlup tamamlanmagyna işjeň gatnaşan ýaşlar ony ýaşlygyň mekany hökmünde dünýä äşgär etdiler.

26 Dekabr 2023

Medeniýet

Täze ýyl arzuwlary

* Täze ýylyňyz gutly bolsun! Goý geljek 2024-nji ýyl iň ýagty durmuşyň, iň uly üstünlikleriň, iň belent mertebeleriň gapysyny açsyn! * Her ýyl bize ýagşy ýatlamalardyr durmuş tejribesini bagyş edýär. Balyk ýyly hem sizi ykbalyňyzda ýatdan çykmajak bagtly pursatlaryň ummanynda ýüzdürsin!

26 Dekabr 2023

Medeniýet

Baýram bazardan başlanýar

Il içinde: «Baýram bazardan başlanýar» diýen bir ajaýyp aýtgy bar. Ildeşlerimiziň köpüsi bu aýtgyny her ýola eşidenlerinde, ilki bilen, indiki ýylyň bereketli geljekdigine ynamy döredýän Täze ýyl baýramçylygynyň bazarlarynyň göz öňünde janlanýandyklaryny aýdýarlar. Adaty günlerde hem göwnüň islän zadyny tapyp bolýan ýurdumyzyň söwda-dynç alyş merkezleriniň, dükanlarynyň, ak bazarlarynyň hem-de olaryň öňünde hatar guralan göçme söwda nokatlarynyň deňesinden Täze ýyl baýramçylygyna golaý günlerde geçeniňde olara müň keren mamla diýeniňi-de duýmarsyň. Baýramçylyk ruhy kalbyňa dolansoň, olara sowulman, geçip-de bilmersiň. Baýramçylyk bezegleri, amatly, elýeterli bahalaryň göge galýan şatlykly söwda gowry özüne imrindirip durandyr. Bir ýanyndan giren badyňa hem bulduraşýan datly miwedir bakja hasyllarynda, olaryň gaplamalarynda, üwmeçlerinde, şire suwlarynda, täze we köp görnüşli çörek, balyk, et, süýt, konditer önümlerinde, biri-birinden ýakymly, göze gelüwli lybaslarynda, täze ýyl arçasynyň bezeg oýnawaçlarynda, hojalyk harytlarynda gözüňi gyrpman, kalbyňy galdyryp, ählisinden-de alasyň geler. Bakyşyňdan meýliňi aňýan satyjylar hoşamaýlyk bilen harytlaryny mazamlap başlarlar welin, asyl deňesinde nähili sägineniňi-de duýmarsyň. Şol pursat hem olaryň atlaryna, haryt nyşanlaryna we «Türkmenistanda öndürildi» diýen ýazgylaryna nazaryň düşer. Kalbyňdaky begenç hem-de guwanç duýgulary

26 Dekabr 2023

Medeniýet

Täze ýylyň täsin däpleri

Gelejek nähili geljek?! Finlýandiýada Täze ýylda eredilen galaýyny sowuk suwly bedrä guýmak däbi ýörgünli. Bu däbiň esasy maksady geljekki ýylda nähili günleriň garaşýandygyny bilmekden ybarat. Has takygy, galaýy gatanda emele gelen şekillerden ugur alyp, geljek ýylda garaşýan wakalary çaklaýarlar.

26 Dekabr 2023

Medeniýet

Baý­ram­çy­lyk dabaralary

Şu gün­ler ýur­du­myz toý-da­ba­ra­la­ry­na bes­len­ýär, il­deş­le­ri­miz Tä­ze ýyl baý­ram­çy­ly­gy­na ru­hu­be­le­net­lik bi­len bar­ýar­lar. Şo­nuň üçin hem ýur­du­myz­da goň­şy döw­let­le­riň est­ra­da ýyl­dyz­la­ry­nyň baý­ram­çy­lyk şü­we­le­ňi ge­çi­ril­ýär. Paý­tag­ty­myz­da­ky Gyş­ky oýun­lar sport top­lu­myn­daky şüweleň da­şa­ry ýurt­ly sun­gat us­sat­la­ry örän gys­ga wagt­da on mil­lion­lar­ça yn­san­la­ryň sö­ýüp diň­le­ýän est­ra­da ýyl­dyz­la­ry­na öw­rü­len tür­ki­ýe­li aý­dym­çy­lar Bu­rak Bu­lu­dyň we Kur­tu­luş Ku­şuň kon­ser­ti bi­len has-da tä­sir­li bol­dy. Di­ňe bir Tür­ki­ýe­de däl, eý­sem, bü­tin dün­ýä­de, il­deş­le­ri­mi­ziň ara­syn­da hem meş­hur­lyk ga­za­nan ýaş aý­dym­çy­lar türk­me­nis­tan­ly muş­dak­la­ry­ny yn­san öm­rü­niň ju­wan­lyk ýyl­la­ry­nyň duý­gy-dü­şün­je­le­ri­ni be­ýan ed­ýän aý­dym­la­ry bi­len be­gen­dir­di­ler. Sun­gat­da­ky dö­re­di­ji­lik ýol­la­ry­ny bi­rik­di­ren­le­ri­ne köp wagt geç­me­dik Bu­rak Bu­lu­dyň we Kur­tu­luş Ku­şuň bi­le­lik­dä­ki kö­pö­wüş­gin­li aý­dym­la­ry meş­hur­ly­ga eýe bol­dy. Ola­ryň dur­muş te­ma­syn­da­ky öz­bo­luş­ly duý­gy-dü­şün­je­le­re gap­la­nan aý­dym­la­ry ýaş­lar bi­len bir ha­tar­da, uly ýaş­ly­la­ryň-da ün­sü­ni özü­ne çek­ýär. Bi­ri-bi­ri­ne sep­leş­ýän du­et gör­nü­şin­dä­ki aý­dym­lar to­ma­şa­çy­la­ry haý­ra­na goý­ýar. Uly meş­hur­ly­ga eýe bo­lan aý­dym­çy ýi­git­ler Tä­ze ýy­lyň b

26 Dekabr 2023

Medeniýet

Kämillikden gözbaş alan milli ýörelgeler

Häzirki ajaýyp döwrümizde gadymdan gelýän milli ýörelgelerimize aýratyn üns berilýär. Şeýle ýörelgeleriň biri hem milli terbiýedir. Türkmen halky terbiýäni çagadan başlaýar. Şunda öwüt-ündew etmek, nesihat bermek, görelde görkezmek ýaly ugurlar maşgala ojagyndan gözbaş alýar. Şu nukdaýnazardan her birimiz mukaddes hasaplaýan maşgala dessurlary, nesil terbiýesi ýaly durmuş kadalarymyzda kämil durmuş ýaşaýşymyzyň ornunyň uludygyny nygtasymyz gelýär. Gözbaşyny kämillikden alyp gaýdýan durmuşymyz milli däplerimizi berk dowam edip, nesilleri terbiýelemekde örän berk hem kämil dowamlylygymyzy saklamaga borçlandyrýar. Hormatly Prezidentimiziň baştutanlygynda ýurdumyzda ýaş nesillere ylym, bilim öwretmekde, olarda ahlak sypatlaryny kemala getirmekde möhüm işler durmuşa geçirilýär. Geljegimiz bolan ýaşlaryň döwrebap bilim, terbiýe almaklary, merdana pederlerimiziň ýol-ýörelgelerine wepaly adamlar bolup ýetişmekleri üçin durmuşa geçirilýän özgertmeler halkymyzy buýsandyrýar. Halkymyzda gadymy döwürlerden bäri terbiýeçilik işine möhüm ähmiýet berlipdir. Şunda ýaşuly nesilleriň öwütdir ündewleri ýaşlar üçin bahasyz baýlyk bolupdyr. Halkymyzyň milli terbiýeçilik mekdebi bolan “Kowusnama”, “Oguznama” ýaly eserlerinde “Görogly” şadessanynda hem beýan edilýän öwüt-ündewler nesil terbiýesinde giňden ulanylypdyr.

26 Dekabr 2023

Medeniýet

Türk estradasynyň goşa ýyldyzy

Düýn paýtagtymyzdaky Gyşky oýunlar sport toplumynda daşary ýurtly sungat ussatlarynyň Täze ýylyň öňüsyrasynda geçirilýän baýramçylyk şüweleňi örän gysga wagtda on millionlarça ynsanlaryň söýüp diňleýän estrada ýyldyzlaryna öwrülen türkiýeli aýdymçylar Burak Buludyň we Kurtuluş Kuşuň konserti bilen dowam etdi. Diňe bir Türkiýede däl, eýsem, bütin dünýäde, ildeşlerimiziň arasynda hem meşhurlyk gazanan ýaş aýdymçylar Arkadag Serdarly bagtyýar ýaşlar ýylynyň tamamlanyp barýan günlerinde türkmenistanly muşdaklaryny ynsan ömrüniň juwanlyk ýyllarynyň duýgy-düşünjelerini beýan edýän aýdymlary bilen begendirdiler. Tanyşlyk açyp, sungatdaky döredijilik ýollaryny birikdirenlerine köp wagt geçmedik bolsa-da, 27 ýaşly Burak Buludyň we 26 ýaşly Kurtuluş Kuşuň bilelikdäki köpöwüşginli aýdymlary meşhurlyga eýe boldy. Olaryň durmuş, söýgi temasyndaky özboluşly duýgy-düşünjelere gaplanan bu aýdymlary ýaşlar bilen bir hatarda uly ýaşlylaryň-da ünsüni özüne çekýär. Biri-birine sepleşýän duet görnüşindäki aýdymlar tomaşaçylary haýrana goýýar. Buragyň agraslygy, Kurtuluşyň hyjuwlylygy biri-biriniň üstüni ýetirip, gaýtalanmajak ajaýyp sazlaşygy döredýär. Janly sesde ýerine ýetirijiligiň diňleýjileriň köňül taryndan gopmagy, «Manolýa», «Leýli we Mejnun», «Bu söýgini terk eden kim?», «Söýmedim diýme», «Hemme bildi», «Sebäpsiz gidenlere» ýaly şekilli aýdymlaryň ilkinji görkezilişine sosia

26 Dekabr 2023

Medeniýet

Sungat ýürekleri birleşdirýär

Eýranly türkmen aýdymçysy Emin Rasen paýtagtymyzda konsert berdi Emin bilen söhbetdeşlikden ozal, onuň öňden özümde bar bolan aýdymlaryny bir ýola diňläp çykdym. Iş-alada bilen täzeliklerden bihabar bolaýmaýyn diýip, täze ýazan aýdymlaryny diňlemek üçin internete «girdim». Internet sahypalarynda, ilki bilen, onuň ezýaka köýnekli, ak telpekli düşen suratlary ünsüňi çekýär. Hut ýüzbe-ýüz duşuşanymyzda hem, ol bize şol ýadymyzda galan keşbinde sataşdy. Köp sanly sungat muşdaklarynyň söýgüsini gazanan eýranly türkmen aýdymçysy Emin Rasen bilen duşuşygymyza onuň ata Watany Türkmenistana ýörite konsert bermek üçin ilkinji gezek gelmegi gowy mümkinçilik döretdi. Meşhur aýdymçynyň 24-nji dekabrda paýtagtymyz Aşgabatdaky Gyşky oýunlar sport toplumynda ýetip gelýän Täze ýyl mynasybetli beren konserti örän uly şatlyk-şowhuna beslenip, watandaşlarymyzyň baýramçylyk şatlygyny has-da artdyrdy. Biz konsertiň öň ýanynda aýdymçy bilen söhbetdeş bolup, oňa sungat ýoly baradaky özümizi gyzyklandyrýan käbir sowallary berdik.

26 Dekabr 2023

Medeniýet

Aýdymlar çemeninden sowgat

Täze ýyly garşylaýan gözel Aşgabatda daşary ýurtly sungat ussatlarynyň konsertleriniň geçirilmegi baýramçylygyň şowhunyny has-da artdyrýar. Paýtagtymyzdaky Gyşky oýunlar sport toplumynda guralmagy asylly däbe öwrülen daşary ýurt ýyldyzlarynyň konsertlerinde bu gezek meşhur rus estrada ýyldyzlary Nýuşa Şuroçkina we Olga Şultaýs, eýranly sungat ussady Emin Rasen, türkiýeli aýdymçylar Burak Bulut bilen Kurtuluş Kuş çykyş edýär. Geliň, olar bilen ýakyndan tanşalyň! Emin Rasen

25 Dekabr 2023

Medeniýet

Owazly dünýäniň bahary

Ýurdumyzda her Täze ýyl baýramynyň öňüsyrasynda ýaş estrada aýdymçylaryň arasynda «Ýylyň parlak ýyldyzy» atly bäsleşigi geçirmek asylly däbe öwrüldi. Arkadag şäher Söwda toplumynyň «Arzuw» toý mekanynda geçirilen bäsleşigiň jemleýji tapgyrynda ýaş aýdymçy Bahar Annaýewa «Ýylyň parlak ýyldyzy» atly bäsleşigiň baş baýragyna, göçme kuboga mynasyp bolmagy başardy. Biz Bahary gazanan üstünligi bilen gutlap, onuň bilen söhbetdeş bolanymyzda, bäsleşigiň ýeňijisi buýsanjyny şeýle beýan etdi. — Şu ýyl maňa ýurdumyzyň ýaş estrada aýdymçylarynyň arasynda geçirilýän «Ýylyň parlak ýyldyzy» atly bäsleşigiň baş baýragyna mynasyp bolmak bagty miýesser etdi.

25 Dekabr 2023

Medeniýet

Monjugatdylar – türkmen gelin-gyzlarynyň şahyrana dünýäsi

Halk döredijiliginiň ynsan kalbyny joşdurýan, terbiýeçilik ähmiýetli, milli ruhly şahyrana dünýäsi jemgyýetçilik durmuşynyň dürli pursatlary, türkmeniň çeper döredijiligi, taryhy, milli ýörelgesi, däbi we dessury barada gymmatly maglumatlara baýdyr. Şolaryň arasynda monjugatdy oýny hem möhüm orun eýeleýär. Monjugatdylar gözbaşyny gadym döwürlerden alyp gaýdýar. Ýaşaýşyň haýsy döwründe, haçan dörändigi anyk bolmasa-da olaryň mazmuny ýaşlaryň arzuw-islegi, durmuşy, ýaşaýan döwrüniň dürli meseleleri bilen baglydyr. Monjugatdylar gelin-gyzlaryň öz bagtlaryny synamak üçin oýnaýan sanawaçly oýny bolupdyr. Oňa köpçülik bolnup gatnaşylýar. Monjugatdylary aýtmak, oýnamak bilen gelin-gyzlar öz ykbalyny aňşyrmak isläpdir. Ýaşlyk ynsanyň iň joşgunly döwri. Bu döwürde ýaşlarda bilesigelijilik islegi güýçli ýüze çykýar. Monjugatdy bentleriniň üsti bilen ýaş gyzlar durmuşda nähili oglana duşjakdyklaryny bilmäge synanyşypdyrlar. Özleriniň arzuw-isleglerini şol bentlerden gözläpdirler. Monjugatdy oýnunda her kime tötänleýin dürli mazmundaky monjugatdy bendi düşýär. Monjugatdy oýnuny oýnaýan gelin-gyzlar bolsa, kime haýsy monjugatdy bendi düşse şol bent şonuň adyndan aýdylan diýip hasap edýärler. Bu oýnuň gyzgalaňyny has hem artdyrýar. Çünki, monjugatdy bentleriniň arasynda dürli mazmundaky bentler bolup, kimiň maňlaýyndan nähili bendiň çykjagy belli bolmaýar. Monjugatdylaryň dili

25 Dekabr 2023

Medeniýet

2024-nji ýyl: medeni baýramçylyklar, ylmy öňegidişlikler

Her ýylyň möhüm wakalary taryhyň sahypalaryna ýazylyp, geljekki nesiller üçin miras galýar. Maglumat-aragatnaşyk tehnologiýalarynyň ösmegi diňe bir geçmişi ýatlaman, eýsem, geljege nazar aýlamaga-da mümkinçilik berýär. 2024-nji ýylda garaşylýan wakalar bilen tanşanyňda, onuň taryha medeniýetiň, sungatyň we ylmy ösüşleriň ýyly hökmünde ýazyljakdygyna ynamyň artýar. Geljek ýyl eziz Diýarymyzda beýik akyldarymyz Magtymguly Pyragynyň doglan gününiň 300 ýyllygy dabaralandyrylýan bolsa, Russiýada dünýä edebiýatynda öçmejek yz goýan tanymal ýazyjy Maksim Gorkiniň 150 ýyllyk ýubileýi belleniler. Şeýle hem 2024-nji ýylda bütin dünýäde sungatyň dürli ugurlary boýunça festiwallaryň we bäsleşikleriň guralmagyna, taryhy şahsyýetleriň ýubileýleriniň bellenilip geçilmegine garaşylýar.

22 Dekabr 2023

Medeniýet

Çyn-maçyndan myhman geldi

Düýn Türkmenistanyň Döwlet medeniýet merkeziniň Mukamlar köşgünde Hytaý Halk Respublikasynyň Türkmenistandaky Medeniýet ýylynyň çäklerinde «Long Ýunun» söweş sungaty toparynyň ýerine ýetirmeginde Kung Fu boýunça çykyşlar görkezildi. Toparyň ýerine ýetirmegindäki çykyşlarda söweş sungatynyň gadymy görnüşleri balet, häzirki zaman tansy we dramanyň üsti bilen tomaşaçylara ýetirildi. Çykyşlaryň maksady tomaşaçylara «Kung Fu» söweşiniň diňe bir özüňi goramagyň usuly bolman, eýsem, özboluşly sungatdygyny hem görkezmekden ybarat boldy. Myhmanlar ýurdumyzda ilkinji gezek bolýandygyny aýdyp, gözel paýtagtymyzyň özlerinde üýtgeşik täsir galdyrandygyny gürrüň berdiler. Saparyň çäklerinde olar Türkmenistanyň Döwlet muzeýine, Türkmen halysynyň milli muzeýine, gadymy Nusaý galasyna baryp görüpdirler.

22 Dekabr 2023

Medeniýet

Çagalyk arzuwlarynyň yzy bilen (Biziň neslimiz)

Berkarar döwletiň täze eýýamynyň Galkynyşy döwründe türkmen medeniýetimiz, sungatymyz dünýä ýüzünde dabaralanýar. «Medeniýet halkyň kalbydyr» diýýän Gahryman Arkadagymyzyň parasatly başlangyçlary hormatly Prezidentimiz tarapyndan üstünlikli dowam etdirilýär. Bu günki günde milli teatr sungatymyzyň wekilleri halkara festiwallarda diňe bir çykyş etmek bilen çäklenmän, emin agzalyk hem edýärler. Megerem, okyjylarymyz biziň bu jümlämizden söhbetdeşimiziň kimdigini aňan bolsalar gerek. Gazetimiziň bu sanynda Türkmenistanyň halk artisti Gülälek Akmyradowa bilen söhbetdeş bolmagy makul bildik. Gülälek biziň neslimiziň aktrisasy. — Gülälek, ýetip gelýän Täze ýylyňyz gutly bolsun! Bu baýramçylyk siziň üçin nämeleri alamatlandyrýar?

22 Dekabr 2023

Medeniýet

Halkyň söýen şahyry

Dana şahyrymyz Magtymguly Pyragynyň doglan gününiň 300 ýyllygyna bagyşlap, çagalar bagymyzda baýramçylyk çäresini geçirdik. Oňa terbiýeçiler, jemgyýetçilik guramalarynyň wekilleri we ene-atalar gatnaşdylar. Çärede körpeler akyldar şahyrymyzyň şygyrlaryny labyzly okadylar, göçgünli tanslary ýerine ýetirdiler. Şeýle-de olar daşary ýurt dillerindäki aýdymlary, türkmen halk ertekileri esasynda sahnalaşdyran gysgajyk oýunlary bilen çärä gatnaşyjylaryň göwünlerini awladylar. Baýramçylyk çykyşlarynda ajaýyp zamanamyz, bagtyýar çagalyk belentden wasp edildi.

22 Dekabr 2023

Medeniýet

Ýatlap Pyragynyň şygyrlaryny

Mekdebimizde Magtymguly Pyragynyň doglan gününiň 300 ýyllygy mynasybetli dürli çäreleri öz içine alýan hepdelik geçirildi. Hepdeligiň dowamynda guralan göreldeli okuw sapaklarynda şahyryň döredijilik dünýäsiniň aýratynlygy beýan edildi. Şahyryň goşgularynyň çeper okaýyşlary has täsirli boldy. Şeýle-de Gahryman Arkadagymyzyň Magtymguly Pyragy baradaky eserlerinden, şeýle hem şahyryň ömrüni we döredijiligini ylmy taýdan öwrenen alymlaryň kitaplaryndan giňişleýin peýdalanyldy. Hepdeligiň dowamynda zehinli okuwçylar şahyryň edebi mirasyna degişli ylmy maglumatlary toplamaga işjeň gatnaşdylar. Çäräniň jemleýji gününde mekdebiň çeper höwesjeňleri Magtymguly Pyragynyň goşgularyna döredilen aýdymlar bilen çykyş etdiler.

22 Dekabr 2023

Medeniýet