Türkmenmetbugat

"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Oba hojalygy

Yhlasly zähmetiň netijesi Hormatly Prezidentimiziň ak patasy bilen welaýatymyzda «Pähim-paýhas ummany Magtymguly Pyragy» ýylynyň gowaça ekiş möwsümine Ruhubelent etrabynyň «Aşyk Aýdyň» daýhan birleşiginiň ekin meýdanynda uly dabaralar bilen badalga berilmegi bu daýhan birleşiginiň pagtaçy daýhanlaryny has-da galkyndyrdy. Şeýlelikde olar şol dabaralaryň yzysüre öz kärende meýdanlarynda gowaça ekişine agzybirlik bilen girişip, şu günlerde bu gaýragoýulmasyz çäräni ýokary depginler bilen  dowam etdirýärler.

5 Aprel 2024

Yhlasyň bar ýerinde...

Ata-babalarymyzyň örän irki döwürlerden bäri dowam etdirip we ösdürip gelýän ýüpekçiligi bu günki günde-de rowaçlyklara eýe. Türkmenabat şäherindäki ýüpek önümçilik birleşiginiň öndürýän önümleri diňe bir ýurdumyzyň içinde däl, eýsem, ol daşarky bazarlarda hem iň bir islegli önümler hasaplanýar. Hatda dürli öwüşginli ýüpek parçalar bilen bilelikde dokalýan ýüpek halylar hem indi hemmeleriň köňül küýsegine öwrüldi. Aýratyn-da, milli öwüşgin berlip dokalýan bu halylary alys ýurtlardan gelýän jahankeşdeler hem iň gowy sowgatlyk hökmünde satyn alýarlar. Şeýdibem, türkmen topragynda öndürilen milli öwüşginli önümler dünýäniň çar künjegine ýaýraýar. Ine, şeýle gadyrly önümiň esasy çig maly bolan piläniň Lebap topragynda her ýylda bir müň tonnadan gowragy öndürilýär. Şu ýylky möwsümde hem welaýatyň zähmetsöýer ýüpekçileri 1010 tonna pile öndürmegi öz öňlerinde belent maksat edip goýdular. Göräýmäge köp ýaly görünmese-de, pile taýýarlamak örän hysyrdyly iş we köp zähmet talap edýär. Mundan ötri tejribeli ýüpekçiler ýüpek gurçuklaryny idetmek işine örän höwesli çemeleşýärler. Olaryň köpüsi möwsümde ýüz kilogramdan hem geçirip pile taýýarlaýarlar. Aprel aýy ýüpek gurçuklaryny idedip, pile alynýan döwür hasaplanylýar. Bu möwsüme ýüpekçiler irgözinden taýýarlyk gördüler. Meýdanlardaky ýaplaryň, atyz-çilleriň gyralaryndaky tutlaryň düýpleri ýumşadylyp, suwarmak işleri geçirildi. Ýüpek gurç

4 Aprel 2024

Yhlas bar ýerinde ynam döreýär

Dänew etrabynyň Ysbaz obasynyň ýaşaýjysy, «Dostluk» daýhan hojalygyny esaslandyryjy Ýaňybaý Rahmankulyýewiň bugdaý ekilen 3,8 gektar meýdanynda ýekeje çile-de gözüň düşmeýär. Ekerançylyk meýdany göwnejaý tekizlenilipdir. Ýeriň tekizligi eliň aýasyndaky ýaly görnüp dur. Daýhan munuň topragyň hasyllylygyny ýokarlandyrmagyň esasy şertleriniň biridigini belleýär. Bereketli bugdaý meýdany ýaşyl begres geýnen ýaly bolup görünýär. Daýhan ekinini eýýäm üç gezek mineral dökünler bilen iýmitlendiripdir, mazaly suwarypdyr. Ýaňybaý aga her ýyl atyzyny ekişe kemsiz-köstsüz taýýarlaýandygyny gürrüň berdi. Ekişden öňki işler, ekine ideg edilýän döwürdäki agrotehniki çäreler talabalaýyk berjaý edilende, ýokary netije berýändigini hem belledi. Aýdanlaryna subutnama hökmünde geçen ýylky gazanan netijesine salgylandy. Baglaşylan şertnama laýyklykda ol bu ýerden 12,4 tonna bugdaý tabşyrmaly eken. Iş ýüzünde onuň tereziden geçiren hasyly 17,86 tonna barabar bolupdyr. Şonda her gektaryň hasyllylygy 47 sentnere ýetipdir. Gök öwsüp duran maýsalar ideginiň ýetirilýändiginden, diýmek, üstümizdäki ýylda hem bol hasyla garaşybermelidiginden habar berýär.

3 Aprel 2024

Ýüpegiň uçly bolsun!

Ýaz paslynyň gelmegi bilen ýüpekçiler üçin möhüm möwsüm başlandy. Welaýatymyzda gündogar etraplaryň ýüpekçileri gurçuklary idetmäge beýleki etraplardan hem 3-4 gün ir girişýärler. Bu ýyl hem ussat ýüpekçilerimiz kümüşsöw çäje senagat üçin gymmatly çig malyň 1010 tonnasyny goşmagy meýilleşdirdiler. Hormatly Prezidentimiziň oba hojalyk önümlerini öndürijileri ykdysady taýdan höweslendirmek baradaky tabşyryklarynyň ýerine ýetirilmegi daýhanlaryň bu önümi öndürmäge bolan gyzyklanmalarynyň artmagyny üpjün edýär. Gadymy taryhçylaryň ýazgylarynda iň gözel we mübärek ýüpek hem-de nah matalaryň türkmen topragynda öndürilýändigi baradaky maglumatlar duş gelýär. Gahryman Arkadagymyzyň «Türkmenistan — Beýik Ýüpek ýolunyň ýüregi» atly kitabynda türkmen parçalarynyň Hytaýda, Hindistanda we dünýäniň beýleki ýurtlarynda islenilýän harytlaryň biri bolandygy, ata-babalarymyzyň iňňän ýokary hilli harytlary taýýarlamagyň ussatlary bolmak bilen birlikde uzak ýerler bilen şol harytlaryň söwdasyny hem işjeň ýola goýandyklary barada taryhy maglumatlar getirilýär. Ýüpekden dokalan halylar bolsa has-da meşhurdyr. Ýüpekçilikde we dokmaçylykda ýüpek önümçiliginiň däpleri bolsa Türkmenistanyň başlangyjy boýunça ÝUNESKO-nyň Adamzadyň maddy däl medeni mirasynyň sanawyna hem girizildi.

3 Aprel 2024

Daýhandan hereket — ýerden bereket

Çärjew etrabynyň babadaýhanlary 1533 gektar meýdanda ýazlyk ýeralma, sogan we beýleki ekinleri ekdiler. Ýazlyk soganyň ekişi bu ýerde fewral aýynyň soňky ongünlüginiň ortalarynda tamamlandy. Ýer eýeleriniň yhlasly zähmeti netijesinde azyklyk önümleriň bolçulygy döredilýär. Etrapda daýhan hojalyklarynyň we önüm öndürijileriň uly topary gök we bakja ekinlerini ýetişdirmek bilen meşgullanýar. Şu günlerde ýazlyk ýeralma ideg edilýär. Ýazlyk ýeralma 480 gektar meýdanda ekilip, şonça meýdandan 6720 tonna hasyl ýygnamak meýilleşdirildi. Ýeralmanyň aglaba bölegi şu ýyl «Tebigy ekin» daýhan hojalygy tarapyndan ekildi. Bu ekini ekip, bol hasyl almakda hususy önüm öndürijileriň hem uly paýy bar.

3 Aprel 2024

Gowaça ekişiniň depgini ýokarlanýar

Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynda welaýatymyzyň zähmetsöýer pagtaçylary Arkadagly Gahryman Serdarymyzyň ýer eýeleri üçin döredip berýän giň mümkinçiliklerinden peýdalanyp, gowaça ekişini gyzgalaňly dowam etdirýärler. Olaryň gowaça ekişini irki möhletde tamamlamak üçin bar yhlaslaryny gaýgyrmaýandyklaryna Saparmyrat Türkmenbaşy etrabynyň daýhan birleşiklerinde bolanymyzda aýdyň göz ýetirdik. Etrabyň «8-nji mart» daýhan birleşiginiň kärendeçileri şu ýyl 1250 gektar ýerde gowaça ekişini amala aşyrmagy maksat edinýärler. «Ir eken utar» diýen pähime eýerýän, birleşigiň Anna Muhammedow tarapyndan ýolbaşçylyk edilýän 10-njy kärendeçiler toparynda alnyp barylýan işleri synlanyňda, daýhanlaryň, mehanizatorlaryň we hünärmenleriň tagallalary netijesinde gowaça ekişiniň barha gyzyşýandygyny görmek bolýar.

3 Aprel 2024

Şu günki yhlas — ertirki üstünlik

«Pähim-paýhas ummany Magtymguly Pyragy» ýylynyň gowaça ekişini, şonuň ýaly-da atyz-meýdanlardaky bugdaýa ideg çärelerini ýokary depginlerde alyp barmak şu günleriň esasy wezipesi bolup durýar. Şundan ugur almak, bilen welaýatymyzyň pagtaçy, gallaçy daýhanlary bu ugurlardaky iş-aladalary giň gerim bilen ýaýbaňlandyrýarlar. Munuň özi bereketli hasylyň kemala getirilmeginiň esasy şertidir. Şeýle jogapkärli döwürde Görogly etrabynyň «Bereket» daýhan birleşiginiň kärendeçi daýhanlarynyň alyp barýan işleriniň mysalynda hem munuň şeýledigine aýdyň göz ýetirmek bolýar. Olaryň agzybirlikli, yhlasly zähmetleriniň netijesinde gazanylýan öňegidişlikler hormatly Prezidentimiziň: «Berkarar döwletiň täze eýýamynyň Galkynyşy döwrüniň her bir gününiň, aýynyň hem-de ýylynyň bagtyýarlyga, rysgal-berekede, rowaçlyklara, beýik ýeňişlere, üstünliklere beslenmegine, ata Watanymyzyň mähriban halkymyzyň abraý-mertebesiniň, şan-şöhratynyň dünýä dolmagyna mynasyp goşant goşmak biziň her birimiz üçin uly mertebedir» diýen sözlerine iş bilen jogap berýändiklerini subut edýär.

3 Aprel 2024

Gowaça ekişi dowam edýär

Ülkämize ajaýyp bahar paslynyň gelmegi bilen ene topragy işläp bejerýän oba adamlarynyň iş-aladasy has-da artýar. Oba hojalyk işgärleri möhüm işe, has takygy, gowaça ekişine guramaçylykly girişdiler. Bu jogapkärli möwsüme Mary etrabynyň «Hakykat» daýhan birleşiginiň zähmetkeşleri hem doly taýýarlykly geldiler. Daýhan birleşiginde kärendeçiler bugdaýdyr pagtadan we beýleki ekinlerden bereketli hasyl almak bilen azyk bolçulygyna goşant goşmak üçin tutanýerli zähmet çekýärler. Geçen ýyly zähmet üstünlikleri bilen jemlän oba hojalyk işgärleri üstümizdäki — «Pähim-paýhas ummany Magtymguly Pyragy» ýylyny hem gowy netijeler bilen jemlemegi maksat edinýärler. Şu nukdaýnazardan hem topragy hemmetaraplaýyn ekişe taýýarlap, jogapkärli işe guramaçylykly girişdiler.

3 Aprel 2024

Ýüpekçilik

Bereket çeşmesi Ýaz paslynyň öz hökümini ýöredip başlamagy bilen oba hojalyk pudagynda zähmet çekýän adamlaryň, maldarlaryň, şol sanda türkmen ýüpekçileriniň hem hysyrdyly iş-aladalary artýar. Irgözinden, ýagny, ýazyň ilkinji günlerinden başlap, gurçuk idediljek ýerlerde taýýarlyk işleri giň gerimde alnyp barylýar.

3 Aprel 2024

Obasenagat toplumyny ösdürmek — döwlet syýasatynyň ileri tutulýan ugry

Türkmenistanda oba hojalyk pudagy milli ykdysadyýetiň möhüm ugurlarynyň biridir. Onuň ösdürilmegine döwlet tarapyndan uly ähmiýet berilýär. 9-njy fewralda geçirilen Ministrler Kabinetiniň giňişleýin mejlisinde hormatly Prezidentimiz Serdar Berdimuhamedowyň gol çeken resminamasy munuň nobatdaky aýdyň güwäsi boldy. Onda ýurdumyzyň oba hojalyk önümlerini öndürijilerini döwlet tarapyndan goldamak boýunça toplumlaýyn çäreler kesgitlenilýär. “Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynda” bellenen wezipeleri üstünlikli durmuşa geçirmek, bugdaýyň we gowaçanyň bol hasylyny ösdürip ýetişdirmek, daýhanlaryň ýere bolan höwesini artdyryp, yhlasly zähmet çekmekleri üçin, oba hojalyk önümlerini öndürijileri ykdysady taýdan höweslendirmek maksady bilen, hormatly Prezidentimiz Serdar Berdimuhamedowyň gol çeken Kararyna laýyklykda, 2024-nji ýylyň hasylyndan başlap, bugdaýyň bir tonnasynyň döwlet satyn alyş bahasy 2 müň manat; nah pagtanyň bir tonnasy üçin döwlet satyn alyş bahalary ýygymyň başlanýan gününden 15-nji oktýabra çenli 5 müň manat, 15-nji oktýabrdan 15-nji noýabra çenli 4 müň 770 manat, 15-nji noýabrdan ýygymyň tamamlanýan gününe çenli 4 müň 550 manat; ýüpek pagtanyň bir tonnasy üçin döwlet satyn alyş bahalary ýygymyň başlanýan gününden 15-nji oktýabra çenli 6 müň 700 manat, 15-nji oktýabrdan 15-nji noýabra çe

3 Aprel 2024

Dowardarlaryň üstünligi

«Pähim-paýhas ummany Magtymguly Pyragy» ýylynda Türkmenistanyň Maldarçylyk we guşçulyk senagaty döwlet birleşiginiň Tagtabazar etrabyndaky «Çemenabat» maldarçylyk hojalygynyň zähmet ussatlary owlak-guzy almak baradaky tabşyryklary üstünlikli berjaý etdiler. Hojalygyň maldarlary 21 müň 307 baş ene goýundan 19 müň 632 sany sagdyn owlak-guzy alyp, ösdürime goýberdiler. Çopanlar bu jogapkärli möwsümi bol otly Täze guýy, Çaý guýy, Hojagär, Gäleçaý ýaly öri meýdanlarynda geçirdiler. Maldarçylyk hojalygynyň birinji bölüminden Arslan Söýünow, Döwletmyrat Ýazjumaýew, ikinji bölüminden Muhammetmyrat Baýmuhammedow, Şöhrat Gylyçmyradow ene goýunlardan owlak-guzy almakda aýratyn tapawutlandylar. Olar ýaşajyk guzulary bol otly öri meýdanlarynda sagdyn ösdürip, seçim döwrüne gurat ýagdaýda eltmegi öňlerinde esasy wezipe edip goýdular.

3 Aprel 2024

Netijeli zähmet

«Pähim-paýhas ummany Magtymguly Pyragy» diýlip yglan edilen 2024-nji ýyl ajaýyp zähmet üstünliklerine beslenýär. Ýylda 40 müň tonna pagtany gaýtadan işleýän Ahal welaýatynyň Tejen etrabynyň «Altyn asyr» Tohumlyk pagtany gaýtadan işleýän pagta arassalaýjy kärhanasynda tohumlyk pagta çigitleri taýýarlanyp, ýazky ekiş möwsümine girişen pagtaçy kärendeçiler doly üpjün edildi. Biziň kärhanamyzda pagta çigidinden başga-da, pagta linti, pagta ulýugy öndürilip, ýurdumyzyň ýag we dokma kärhanalaryna ugradylýar. Kärhananyň agzybir işgärleri Gahryman Arkadagymyzyň, Arkadagly Gahryman Serdarymyzyň döredip berýän giň mümkinçiliklerine jogap edip, arman-ýadaman zähmet çekýärler. Halkymyzy baky bagtyýarlyga ýetiren Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, işleriniň hemişe rowaç bolmagyny arzuw edýäris.

2 Aprel 2024

Ýazky ekinleriň ekişi ýokary depginde

Ilatyň isleg bildirýän harytlarynyň jemlenýän ýeri bolan ak bazarlarymyzy dürli azyk önümleri bilen üpjün etmäge, ýurdumyzy berekediň, bolçulygyň mekanyna öwürmäge mynasyp goşant goşmak maksady bilen, şu günler welaýatymyzda ýeralma we ýazlyk sogan ekmek işleri guramaçylykly alnyp barylýar. Bu babatda Boldumsaz etrabynyň ekerançylary-da netijeli işleri alyp barýarlar. Olar şu ýyl 1 müň 785 gektar ýerde ýeralmanyň, 470 gektarda ýazlyk soganyň, 90 gektarda kelemiň, 170 gektarda pomidoryň, 20 gektarda hyýaryň, 170 gektarda käşiriň, 900 gektar ýerde bolsa beýleki gök we bakja ekinleriniň irki ekişini amala aşyrmagy maksat edinýärler. Ýazky ýeralmanyň ekişine girişen daýhan birleşikleriniň arasyndan «Abadanlyk», «Guýanagyz», «Guwanç Atamedow», «Bereket», «Gökçäge» daýhan birleşikleriniň kärendeçi daýhanlary ýazky ekinleri öz wagtynda we agrotehnikanyň talaplaryna laýyk ekmekde görelde görkezýärler.

2 Aprel 2024

Tokaý hojalygy kärhanalarynda

Daşoguz welaýatynda tokaý hojalygy kärhanalarynyň üçüsi hereket edip, olarda welaýaty bagy-bossanlyga öwürmek boýunça giň möçberli işler alnyp barylýar. Häzirki wagtda welaýatyň tokaý hojalygy kärhanalary tarapyndan 26 gektar meýdanda tokaý zolaklaryna, 30 müň gektar miweli baglara hyzmat edilip, saýaly, pürli, miweli baglaryň nahallary ösdürilip ýetişdirilýär. Bag nahallaryny oturtmagyň häzirki gyzgalaňly möwsüminde bu kärhanalaryň bagbanlary welaýatda hereket edýän edara-kärhanalaryň buýurmalary esasynda hem bag nahallarynyň köp görnüşini ýazky ekişe taýýarladylar. Has takygy, saýaly baglaryň 150 müň düýbi, pürli baglaryň 80 müň düýbi, miweli baglaryň 30 müň düýbi, bezeg baglarynyň bolsa 15 müň düýbi taýýarlandy.

2 Aprel 2024

Tejribe — belent maksatlaryň özeni

Tejen etrabynyň Gowkyzereň obasynda daýhan maşgalasynda dünýä inen Ýusup Bäşimow häzirki wagtda ýaşynyň ýedi onlukdan geçip, segsene ser urandygyna garamazdan, işden çetde durmaýar. Ençeme ýyllaryň tejribeli daýhany saglygyň syryny zähmetden gözleýär. Munuň özüne ýetik sebäbi bar, ol hem Ýusup aganyň kakasynyň-da ömrüne ýer bilen iş salşyp, perzentlerine ýagşy görelde görkezmegidir. Peder ýoluny mynasyp dowam eden daýhan ýaşlygyndan ala meýdanlaryň, miwesi bol bitýän baglaryň, Tejen waharmanynyň, ak bugdaýly pelleriň, «ak altynly» atyzlaryň aşygy bolupdyr. Ýetginjeklik ýyllarynda dörän şol höwes hem ömrüni bu kär bilen aýrylmaz baglanyşdyrýar. Ussat daýhan harby gullugy tamamlap, gidromeliorasiýa ugrundan ýörite orta bilim alýar. Ol bu ugurdan alan hünäriniň ekinleri suwarmakda kän kömek edendigini belledi. Soňra öýli-işikli bolup, 1978-nji ýylda Ak bugdaý etrabyna göçüp gelýär. Bu ýerde hem jany-teni bilen topraga berlip zähmet çekýär, birnäçe ýyl topar ýolbaşçysy bolup işleýär. 1993-nji ýylda bolsa ýer alyp, oňa yhlas siňdirip, pagtadyr bugdaýyň bol hasylyny harmana tabşyryp başlaýar. Şol ýyldan bäri tejribeli daýhanyň alyp barýan işleri özüniň gowy netijesini berýär.

2 Aprel 2024

Owlak-guzy möwsüminiň geçirilişi

Owlak-guzy möwsümi her bir çopandan uly tagallany talap edýär. Ony geçirmek üçin mümkin boldugyça tekiz, çägesöw, şemaldan sowarak, ykyşak ýerler saýlanyp alynýar. Guýular, howdanlar, sardobalar, agyllar, kaşarlar, nowalar gözden geçirilip, arassalanylyp goýulýar. Kaşarlar we agyllar dezinfeksiýa edilýär. Edil şonuň ýaly hem çopan itlerinde degelmintizasiýa (gurçuga garşy göreş) çäresi geçirilýär. Çünki itleriň üsti bilen guzulara senuroz we beýleki keselleriň geçmegi mümkin.

2 Aprel 2024

Topragyň bahar demi

3. Lebapda baglar gülleýär Lebap ýakalaryna baharyň gelşem üýtgeşik welin, şoňa laýyk daýhançylyk edilişem «Hä-ä!» diýdirýär. Şu gezekki iş saparymyzda eşiden bir gürrüňimi ýatlaýyn:

2 Aprel 2024

«Daýhan — mert, ýer — jomart»

Mälim bolşy ýaly, 9-njy fewralda geçirilen Ministrler Kabinetiniň giňişleýin mejlisinde hormatly Prezidentimiziň Karary esasynda ýurdumyzyň oba hojalygyny düýpli özgertmek hem-de dolandyrmagy kämilleşdirmek arkaly pudagyň işiniň netijeliligini has-da ýokarlandyrmak maksady bilen, Türkmenistanyň Oba hojalyk ministrliginden bölünip aýrylmagy arkaly, birnäçe düzümler, şol sanda «Türkmenpagta» döwlet konserni hem döredildi. Şeýle-de döwlet Baştutanymyz ýurdumyzda bugdaýyň we gowaçanyň bol hasylyny ýetişdirmek, daýhanlaryň yhlasly zähmet çekmekleri üçin, oba hojalyk önümlerini öndürijileri ykdysady taýdan höweslendirmek maksady bilen, bugdaýyň we pagtanyň döwlet satyn alyş bahalaryny ýokarlandyrdy. Bu bolsa daýhanlaryň zähmete höwesini has-da artdyrdy. Bäherden etrabynyň Ýarajy obasyndan kärendeçi, indi köp ýyldan bäri şol obanyň ýer bilen iş salyşýan daýhanlaryna ýolbaşçylyk edip gelýän Nurberdi Rejebow bilen gürrüňdeş bolanymyzda, bu hakykata ýene bir ýola aýdyň göz ýetirdik.

2 Aprel 2024

Şähribossanda bolan dabara

Ýurdumyzyň demirgazyk welaýatynyň pagtaçylary hem hormatly Prezidentimiziň ak patasy bilen «Pähim-paýhas ummany Magtymguly Pyragy» ýylynyň pagta hasyly üçin gowaça ekişine girişdiler. Gowaça ekişine girişilmeginiň dabarasy bu gezek ekerançylygyň gadymy mekany hasaplanylýan Şähribossan düzlüginde bolup geçdi. Ruhubelent etrabynyň Aşyk Aýdyň piriň aramgähini etekläp oturan «Aşyk Aýdyň» daýhan birleşiginiň pagtaçy kärendeçisi Nurgözel Sapargeldiýewa geçen çarşenbe güni «Tohumyňyz müňlesin!» diýenler köp boldy. Welaýatyň ähli ýerinden gowaça ekişine girişilmegi mynasybetli dabara gatnaşmak üçin köp sanly pagtaçy kärendeçiler welaýatyň, etraplaryň häkimleri, oba hojalygyna dahylly edara-kärhanalaryň ýolbaşçylary, hünärmenleri, il sylagly ýaşulular, kümüş saçly eneler, welaýatyň sungat ussatlary we beýleki adamlar bu ýere ýygnandylar.

28 Mart 2024

Daşoguzly ekerançylar gowaça ekişine girişdiler

Daşoguz welaýaty, 27-nji mart (TDH). Şu gün hormatly Prezidentimiz Serdar Berdimuhamedowyň 15-nji martda geçirilen Ministrler Kabinetiniň mejlisinde tassyklan tertibine laýyklykda, Daşoguz welaýatynyň ekerançylary gowaça ekişine girişdiler. Bu ýerde toprak-howa şertlerine laýyklykda, gowaça ekişi ýurdumyzyň beýleki sebitlerinden biraz giç başlanýar. Asylly däbe görä, hormatly ýaşulular gowaça ekişine ak pata berdiler. Olar Beýik Biribardan abadançylyk, Watanymyzyň gülläp ösmegini, hormatly Prezidentimiziň döwletli tutumlarynyň rowaç bolmagyny dileg edip, ýörite taýýarlanan meýdanlara gowaça tohumlaryny atdylar. Soňra ýaşulular orunlaryny mehanizatorlara geçirdiler.

28 Mart 2024

‹
1
2
...
26
27
28
29
30
31
32
...
204
205
›