Düýn paýtagtymyzdaky Türkmenistanyň Prezidentiniň ahalteke atçylyk toplumynda baýramçylyk mynasybetli dabaralar ýaýbaňlandyryldy
Şu ýyl ýurdumyzda ilkinji gezek bilelikde bellenilýän Türkmen bedewiniň milli baýramy we Türkmen alabaýynyň baýramy mynasybetli geçirilen dabaralara Ministrler Kabinetiniň Başlygynyň orunbasary, Türkmenistanyň Ýokary gözegçilik edarasynyň başlygy, Halkara ahalteke atçylyk assosiasiýasynyň we Halkara «Türkmen alabaý itleri» assosiasiýasynyň Prezidenti Serdar Berdimuhamedow, Milli Geňeşiň Mejlisiniň Başlygy, Ministrler Kabinetiniň Başlygynyň orunbasarlary, ministrlikleriň we pudaklaýyn dolandyryş edaralarynyň, jemgyýetçilik guramalarynyň, köpçülikleýin habar beriş serişdeleriniň ýolbaşçylary, Aşgabat şäheriniň häkimi gatnaşdylar. Ýurdumyzyň medeniýet we sungat ussatlary aýdym-sazly tansly çykyşlary görkezdiler.