6-njy ap­rel­de Türk­me­nis­ta­nyň Pre­zi­den­ti, ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy, go­şun ge­ne­ra­ly Gurbanguly Berdimuhamedow Döw­let howp­suz­lyk ge­ňe­şi­niň no­bat­da­ky mej­li­si­ni ge­çir­di. On­da har­by we hu­kuk go­raý­jy eda­ra­la­ryň şu ýy­lyň üç aýyn­da ýe­ri­ne ýe­ti­ren iş­le­ri­niň ne­ti­je­le­ri­ne ga­ral­dy. Şeý­le hem Türk­me­nis­tan­da howp­suz­ly­gy we pa­ra­hat­çy­ly­gy üp­jün et­mek, har­by we hu­kuk go­raý­jy eda­ra­la­ryň mad­dy-en­jam­la­ýyn bin­ýa­dy­ny döw­re­bap­laş­dyr­mak, san­ly ul­ga­my or­naş­dyr­ma­gyň ha­sa­by­na ola­ryň işi­ni kä­mil­leş­dir­mek hem-de ma­li­ýe se­riş­de­le­ri­niň mak­sa­da la­ýyk ula­nyl­ma­gy­na gö­zeg­çi­lik et­mek bi­len bag­la­ny­şyk­ly me­se­le­ler ara al­nyp mas­la­hat­la­şyl­dy.

Mil­li Li­de­ri­miz mej­li­siň gün ter­ti­bi­ni yg­lan edip, de­giş­li dü­züm­le­riň ýol­baş­çy­la­ry­na söz ber­di. Olar ýol­baş­çy­lyk ed­ýän dü­züm­le­ri­niň ýan­war — mart aý­la­ryn­da ýe­ri­ne ýe­ti­ren iş­le­ri­niň ne­ti­je­le­ri ba­ra­da ha­sa­bat ber­di­ler. Ha­sa­bat­la­ryň çäk­le­rin­de ça­gy­ryş bo­ýun­ça har­by gul­lu­gy geç­ýän har­by gul­luk­çy­la­ry Türk­me­nis­ta­nyň Ýa­rag­ly Güýç­le­rin­den, beý­le­ki go­şun­la­ryn­dan we har­by eda­ra­la­ryn­dan har­by gul­luk­dan bo­şat­mak hem-de Türk­me­nis­ta­nyň ra­ýat­la­ry­nyň har­by gul­lu­ga no­bat­da­ky ça­gy­ry­ly­şy­ny ta­la­ba­la­ýyk de­re­je­de gu­ra­mak bo­ýun­ça al­nyp ba­ryl­ýan iş­ler, şeý­le hem Wa­ta­ny­my­zyň mu­kad­des Ga­raş­syz­ly­gy­nyň şan­ly 30 ýyl­ly­gy my­na­sy­bet­li ge­çi­ril­jek da­ba­ra­ly har­by ýö­ri­şe taý­ýar­lyk, ýur­du­myz­da jem­gy­ýet­çi­lik ter­ti­bi­ni üp­jün et­mek, ka­nun bo­zul­ma­la­ry­nyň öňü­ni al­mak, ýol he­re­ke­ti­niň hem-de ýan­gyn howp­suz­ly­gy­ny üp­jün et­mek bo­ýun­ça gör­len çä­re­ler, eziz Wa­ta­ny­my­zyň mu­kad­des ser­het­le­ri­ni go­ra­mak, bu dü­zü­miň mad­dy-en­jam­la­ýyn bin­ýa­dy­ny döw­re­bap­laş­dyr­mak bo­ýun­ça gör­len çä­re­ler ba­ra­da, şeý­le hem döw­let em­lä­gi­niň aýaw­ly sak­la­nyl­ma­gy­na, ne­ti­je­li ula­nyl­ma­gy­na we eýe­lik edil­me­gi­ne ge­çi­ri­len bar­lag­lar bo­ýun­ça habar berildi.