Welaýatymyzda Türkmenistanyň diplomatik işgärleriniň güni dabaraly bellenilip geçildi

Hepdäniň penşenbe güni ýurdumyzyň diplomatik işgärleriniň hünär baýramy mynasybetli welaýat häkimliginiň mejlisler zalynda geçirilen dabaraly maslahat toýly günleriň ähmiýetini artdyrdy. Türkmenistanyň Daşary işler ministrliginiň welaýat boýunça wekilhanasynyň, welaýat häkimliginiň, syýasy-jemgyýetçilik guramalaryň bilelikde guramagynda geçirilen maslahatda bu şanly senäniň dünýä derejesinde «Halkara parahatçylyk we ynanyşmak ýyly», milli derejede «Türkmenistan — parahatçylygyň we ynanyşmagyň Watany» atly şygarlara beslenen üstümizdäki ýylyň maksatlaryna sazlaşykly utgaşýandygy bellenildi.