Berkarar döwletiň täze eýýamynyň Galkynyşy döwründe ak mekdeplerde ýaşlara bilim bermek üçin doly mümkinçilikler bar. Mugallymlar sapaklarynda işjeň usullardan, multimedia serişdelerinden, okuw-görkezme esbaplaryndan yzygiderli peýdalanýarlar. Bu bolsa sapagyň hiliniň ýokarlanmagyna, ýaşlaryň bilim derejeleriniň artmagyna, olaryň gözýetimleriniň giňemegine oňyn täsir edýär.

Türkmen halkynyň baý we gadymy edebi mirasy bar. Halkymyzyň geçmişiniň medeni we umumy durmuşy bilen aýrylmaz baglanyşykly bolan bu ruhy baýlygymyz ylmy taýdan öwrenilende, birnäçe gyzykly we täsirli maglumatlaryň, başdan geçirmeleriň üstünden barýarys.