Dünýä Ralli çempionatynyň (WRC) möwsümdäki 5-nji ýaryşy Portugaliýada geçirilip, «Toyota Gazoo» toparynyň fransuz sürüjisi Sebastian Ožie ýeňiş gazandy. Şu möwsümde bassyr 2-nji, karýerasy boýunça-da 60-njy ýeňşini baýram eden Ožie 337,04 kilometr aralygy 3 sagat 41 minut 32,3 sekuntda tamamlady. Ýaryşda «Hyundai Shell Mobis» toparynyň sürüjileri – estoniýaly Ott Tanak 2-nji, belgiýaly Tierri Noýwill 3-nji orna mynasyp boldy.
Bu ýaryşdan soň utugyny 110-a çykaran Noýwill sanawyň başyny çekmegini dowam edýär. 2-nji ýerdäki Elfin Ewansyň 86, 3-nji basgançakdaky Ott Tanagyň 86 utugy bar. Soňky 2 ýaryşyň ýeňijisi Ožie 71 utukly watandaşy Adrien Furmodan 1 utugy az 5-nji orunda barýar.