Sport mekdebimizde türkmen milli göreşi boýunça welaýatyň kubogyny almak ugrunda ýaryşlar guraldy. Ulularyň arasynda geçirilen bu ýaryşda Türkmenabat şäheriniň, Darganata, Saýat we Kerki etraplarynyň pälwanlary agram derejeleriniň 10-sy boýunça güýç synanyşdylar. Ýaryşyň dowamynda etrabymyzyň türgenleri has üstünlikli çykyş etdiler. Biziň sport mekdebimiziň pälwanlary-da baýrakly orunlaryň aglabasyny eýelediler. Olardan Azat Guwanjow 48, Babajan Bäşimow 62, Toýly Annaýew 82, Şöhrat Öwezow 90, Ýakup Kabulow 100 kilograma çenli we Guwanç Hemraýew 100 kilogramdan ýokary agram derejelerinde ýeňiş gazandylar. Türkmenabatly pälwanlardan Atajan Atajanow 52, Ereş Akmyradow 57, Batyr Hemraýew 68 we Gylyç Gylyjow 74 kilogram agram derejelerinde iň ýokary netijeleri görkezdiler.