Etrabymyzdaky 5-nji sport mekdebinde erkin göreş boýunça geçirilen açyk birinjilik halypa pälwan Babamyrat Annadurdyýewiň ýadygärligine bagyşlandy. Ýaryşda ýetginjekleriň 250-den gowragy öz ussatlyklaryny görkezdiler. Agram derejeleriniň 12-si boýunça guralan tutluşyklaryň netijeleri boýunça Türkmenabat şäheriniň topary birinji orny eýeledi. Saýat we Dänew etraplarynyň toparlary bolsa degişlilikde ikinji we üçünji orunlara mynasyp boldular. Biziň sport mekdebimiziň türgenlerinden Ruslan Arslanow, Mukam Gaýipow, Babahan Atahanow, Eldar Bazargeldiýew, Annageldi Gowşudow dagy öz agram derejelerinde baýrakly orunlary eýelediler. Ýeňijiler diplomlar we Türkmenistanyň Magtymguly adyndaky Ýaşlar guramasynyň Saýat etrap geňeşi tarapyndan ýadygärlik sowgatlary bilen sylaglanyldylar.