Gyrgyz Respublikasynyň Bişkek şäherinde Baýaman Erkinbaýewiň ýagty ýadygärligine bagyşlanyp geçirilen halkara ýaryşa 7 döwletden 140-a golaý türgen gatnaşdy. Bu halkara ýaryşa gatnaşan Türkmenistanyň ýygyndy toparynyň düzüminde çykyş eden ahally türgenleriň üstünligi has-da guwandyry boldy.

Gürrüňi edilýän halkara ýaryşda Sarahs etrabynyň türgeni Silapberdi Nuryýew 80 kilogram agram derejesinde, Babadaýhan etrabynyň türgeni Annagurban Allaberdiýew 90 kilogram agram derejesinde, Ak bugdaý etrabynyň türgeni Pälwan Gurbangeldiýew 100 kilogram agram derejesinde, Bäherden etrabynyň türgeni Nurmuhammet Aýdogdyýew 100 kilogramdan ýokary agram derejesinde altyn medallara, Gökdepe etrabynyň türgeni Azymmuhammet Orazmuhammedow 70 kilogram agram derejesinde kümüş medala, Babadaýhan etrabynyň türgeni Mekan Mämmedow 100 kilogram agram derejesinde bürünç medala, şeýle-de Tejen etrabynyň türgeni Zöhre Gurbanmyradowa 65 kilogram agram derejesinde bürünç medala mynasyp boldy. Şeýlelikde Ahal welaýatynyň türgenleri altyn medalyň dördüsini, kümüş medalyň birini, bürünç medalyň ikisini gazandylar.