Ýurdumyzda ylym-bilim ulgamyna aýratyn üns berilýär. Ýaş nesillerimiziň ylymly-bilimli, giň dünýägaraýyşly ösüp ýetişmekleri ugrunda uly işler alnyp barylýar.

Kämillik we ösüş ýolumyzda Gahryman Arkadagymyzyň jöwher paýhasyndan syzylyp çykan ajaýyp eserler biz — mugallymlara ýol-ýörelge bolup, ýaş nesli terbiýelemekde uly gollanma bolýar. Durmuş sapaklaryny açyp görkezýän, dürli döwürleriň içinden eriş-argaç bolup geçýän bu kitaplar ýaşlaryň aňyna siňdirilýär. Bu kitaplar ýaşlaryň diňe bir bilim-terbiýe almagynda däl, eýsem, her bir işe döredijilikli çemeleşmeginde, taryhdan habarly bolmagynda, giň gözýetimli sagdyn ösmeginde ýolgörkeziji şamçyragdyr.