Özbegistanda geçirilen Aziýanyň çempionaty türkmenistanly agyr atletikaçylar üçin şu ýylyň tomsunda Fransiýada geçiriljek Tomusky Olimpiýa oýunlaryna taýýarlygyň möhüm tapgyry boldy. Bu ýaryş, bir tarapdan, ildeşlerimiziň halkara tejribesini artdyrsa, ikinji bir tarapdan, olara Olimpiýa oýunlaryna gatnaşmak üçin zerur bolan utuklary gazanmaga mümkinçilik berdi.

Yklym ýaryşyna ýurdumyzyň iň güýçli agyr atletikaçylary gatnaşdy. Şolardan Gaýgysyz Töräýew we Änamjan Rustamowa medallara mynasyp boldy.