64 öýjükli şaşka boýunça 10, 14, 18 ýaşa çenli oglan-gyzlaryň arasynda Aşgabat şäheriniň bedenterbiýe we sport baradaky Baş müdirliginiň Ýöriteleşdirilen küşt we şaşka mekdebiniň birinjiligi geçirildi. Ýaryşa oglan-gyzlaryň 70-si gatnaşdy.
Netijede, 10 ýaşa çenli oglanlaryň arasynda Alekseý Makarow, gyzlaryň arasynda Maral Ýusubowa öňdäki orunlary eýelediler. 14 ýaşa çenli oglanlaryň arasynda Ahmet Köşüliýew, gyzlaryň arasynda Oguljennet Öweznepesowa ýeňiji bolmagy başardy. 18 ýaşa çenli oglanlaryň arasynda Dawut Köşüliýew tapawutlandy. Şol ýaşda gyzlaryň arasynda geçirilen bäsleşikde Aksoltan Hemraýewa birinji orny eýeledi.