Türkmen türgenleri karateniň kýokşunkaý görnüşi boýunça Aziýanyň açyk çempionatyndan goşa medal bilen dolanyp geldiler. Halkara ýaryş ýakynda Türkiýäniň Antalýa şäherinde geçirildi.

Geçen asyryň 50-nji ýyllarynda Ýaponiýada dörän başa-baş söweş sungatynyň bu görnüşi boýunça geçirilen ýaryşda ýurdumyzyň medal gaznasyna altyn medallaryň ikisi goşuldy. Olary 80 kilograma çenli agram derejesinde çykyş eden Ýazmuhammet Aşyrmyradow bilen 90 kilograma çenli agram derejesinde ýaryşan Myrat Ekäýew gazandy.