Watan goragçylarynyň güni mynasybetli welaýat bedenterbiýe we sport baradaky Baş müdirliginiň guramagynda harby we hukuk goraýjy edaralaryň işgärleriniň  arasynda  woleýbol  boýunça welaýatyň göçme Kubogyny eýelemek ugrunda  ýaryş geçirildi. Gyzykly we çekeleşikli ýagdaýda geçen ýaryşda welaýat Polisiýa müdirliginiň topary ähli garşydaşlaryndan üstün çykmagy başardy we göçme Kubogyň eýesi boldy. Welaýat prokuraturasynyň topary ikinji orny eýeledi.  

Ýaryşda öňdäki orunlary eýelän toparlara welaýat bedenterbiýe we sport baradaky Baş müdirliginiň Hormat hatlary, Türkmenistanyň Magtymguly adyndaky Ýaşlar guramasynyň welaýat geňeşiniň, Türkmenistanyň Kärdeşler arkalaşyklarynyň welaýat birleşmesiniň, Türkmenistanyň Demokratik partiýasynyň welaýat komitetiniň ýadygärlik sowgatlary dabaraly ýagdaýda gowşuryldy
                                                         ***
Welaýat bedenterbiýe we sport baradaky Baş müdirliginiň guramagynda Balkanabat şäherindäki edara-kärhanalaryň işgärleriniň we şäheriň ýaşaýjylarynyň  gatnaşmaklarynda geçirilen küşt ýaryşy gyzykly häsiýete eýe boldy. Ýaryşyň netijesi boýunça welaýat gümrükhanasynyň işgäri Döwlet Sylyýew birinji, telekeçi Mämmedanna Halymow ikinji, «Türkmennebit» döwlet konserniniň gaz toplaýyş we akdyryş müdirliginiň işgäri Wadim Kubrakow üçünji orunlary eýelemekligi başardylar.