Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň taýsyz tagallalary bilen ýurdumyzda sagdyn durmuş ýörelgeleriniň rowaçlanmagy, köpçülikleýin bedenterbiýäniň we sportuň ösmegi ugrunda ähli mümkinçilikler döredilýär. Netijede bedenterbiýe we sport bilen meşgullanýan dürli ýaşdaky we kärdäki adamlaryň sany barha artýar. Welaýatymyzda döredilýän mümkinçiliklerden ýerlikli peýdalanýan ýaşlaryň sany barmak büküp sanardan kän. Köýtendag etrabyndaky 55-nji orta mekdebiň 11-nji synp okuwçysy Bahram Haýdarow hem şolaryň biri.

Ol 2015-nji ýyldan bäri okuwdan boş wagtlary Kerki etrabynyň 1-nji sport mekdebine gatnap, ussat tälimçi Anwarjan Kurbanowyň elinde sportuň adaty karate, taýboks we uşu (MMA) görnüşleri boýunça türgenleşýär. Ol 2016—2020-nji ýyllarda taýboks, uşu we adaty karateniň kumite görnüşi boýunça ýurt derejesinde geçirilýän ýaryşlarda yzygiderli ýeňiş gazanyp geldi.