Biziň zähmet çekýän sport mekdebimizde futbol boýunça okuw-türgenleşikler ýokary depginde alnyp barylýar. Sport mekdebimizde tejribeli tälimçileriň 18-si zähmet çekýär. Olardan R.Waliýewiň, P.Podarowyň, W.Milleriň, Ş.Murhaliýewiň, D.Krohmalyň, R.Muhadowyň, T.Musaibowyň, Y.Öwekowyň, W.Myratjanowyň, S.Garajaýewiň atlaryny agzamak bolar. Futbol boýunça sport mekdebimizde türgenleşýän çagalaryň 370-e golaýy halypa tälimçilerden sportuň bu görnüşiniň inçe tilsimlerini öwrenýärler. Okuw-türgenleşiklerinde toplanylýan tejribeler bolsa dürli ýaryşlarda toparlarymyzyň ýeňiş gazanmagyna ýardam edýär. Geçen 2023-nji ýylda mekdebimiziň «Batly» topary Özbegistan Respublikasynyň Daşkent şäherinde 2010 – 2012-nji ýyllarda doglan çagalaryň arasynda geçirilen halkara ýaryşda baýrakly üçünji orna mynasyp bolmagy başardy.

Gahrymanberdi ÇOŇKAÝEW,