Türkmen halky hormatly Prezidentimiziň ýolbaşçylygynda täze — Türkmenistan — parahatçylygyň we ynanyşmagyň Watany ýylyna uly ynam bilen gadam basdy. Bilşimiz ýaly, Berkarar döwletimiziň bagtyýarlyk döwründe Garaşsyz, Bitarap döwletimizde döwlet ähmiýetli, il-gün bähbitli, giň möçberli işleriň gerimi artýar. Döwrebap kärhanalaryň gurluşygy, il-günümiziň ýaşaýyş-durmuş şertlerini gowulandyrmaga gönükdirilen medeni-durmuş maksatly binalardyr desgalaryň gurlup, ulanylmaga berilmegi bilen utgaşýar. Milli Liderimiziň tabşyryklaryndan ugur alnyp, bina edilýän ymaratlardyr desgalar Türkmenistan döwletimiziň durmuş-ykdysady taýdan durnukly hem-de çalt depginde ösdürilmegine kuwwatly itergi berýär.

Döwlet Baştutanymyzyň öňe sürýän ykdysady strategiýasy köptaraplaýyn we giň möçberli beýik işleri öz içine alýar. Şol beýik işler bolsa, ýurdumyzyň ykdysadyýetiniň durnukly ösüşini ygtybarly üpjün etmäge mümkinçilik berýär. Garaşsyz Watanymyzyň dünýäniň ösen ýurtlarynyň hataryna goşulmagynda iňňän uly ähmiýete eýe bolýar. Türkmenistan döwletimiziň geografiýa taýdan amatly sebitde ýerleşmegi energetika we ulag-kommunikasiýa ulgamlaryny halkara derejesinde ösdürmäge, olaryň üstaşyr ýollaryny has-da işjeňleşdirmäge bähbitli şertleri açýar. Bu ýagdaý diňe bir biziň ýurdumyzda däl, eýsem, sebitiň döwletleriniň ykdysady-durmuş taýdan ösdürilmeginde amatly şertlere giň ýol açýar. Yklymlaryň ykdysady taýdan bähbitli hyzmatdaşlygynyň uly geljeginiň ygtybarly düýbi tutulýar. Şeýlelikde, sebitimizde parahatçylygyň we ösüşiň energetika we ulag-kommunikasiýa köprüleri halkara ykdysady gatnaşyklarynyň ösüşli ertirine giň ýol açýar. Hormatly Prezidentimiziň parahatçylyk söýjülikli, ynanyşmagyň, birek-birege hormat goýmagyň ýörelgelerine esaslanýan oýlanyşykly daşary syýasaty ykdysady-söwda babatda halkara gatnaşyklarynyň hil taýdan belent derejelere çykarylmagyna mümkinçilikleri açýar.