Türkmenistan — Russiýa Federasiýasy: strategik hyzmatdaşlyk berkidilýär

22-nji sentýabrda hormatly Prezidentimiz Serdar Berdimuhamedowyň we Russiýa Federasiýasynyň Prezidenti Wladimir Putiniň arasynda telefon arkaly söhbetdeşlik geçirildi. Russiýanyň Baştutany Türkmenistanyň Prezidentini doglan güni bilen gutlap, tüýs ýürekden berk jan saglyk, abadançylyk, jogapkärli döwlet işinde mundan beýläk-de uly üstünlikleri arzuw etdi. Prezident Wladimir Putin Russiýa Federasiýasynda Türkmenistanyň Prezidenti Serdar Berdimuhamedowyň soňky döwürde hil taýdan täze many-mazmuna eýe bolan oňyn döwletara dialogyň pugtalandyrylmagyna gönükdirilen tagallalaryna ýokary baha berilýändigini aýdyp, türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň netijeli ikitaraplaýyn hyzmatdaşlygyň pugtalandyrylmagyna goşan uly goşandyny belledi hem-de Gahryman Arkadagymyza mähirli salamyny we iň gowy arzuwlaryny beýan etdi.

Türkmenistan — Özbegistan: dostluk, hoşniýetlilik, ynanyşmak

22-nji sentýabrda hormatly Prezidentimiz Serdar Berdimuhamedow bilen Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik boldy. Dostlukly ýurduň Lideri döwlet Baştutanymyzy doglan güni bilen gutlap, berk jan saglyk, bagt, köpugurly hem-de jogapkärli döwlet wezipesinde berkarar Watanymyzyň gülläp ösmeginiň, türkmen halkynyň abadançylygynyň bähbidine alyp barýan işinde uly üstünlikleri arzuw etdi. Özbegistanyň Prezidenti pursatdan peýdalanyp, döwletara gatnaşyklaryň pugtalandyrylmagyna we hemmetaraplaýyn ösdürilmegine ägirt uly şahsy goşant goşýan türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyza özüniň mähirli salamyny ýetirmegi haýyş etdi.

Türkmen-rus gümrük hyzmatdaşlygy ösdürilýär

TÜRK­ME­NIS­TAN — EÝ­RAN: kö­pu­gur­ly yk­dy­sa­dy hyz­mat­daş­ly­gyň stra­te­gik ugur­la­ry

Ata Wa­ta­ny­myz Türk­me­nis­tan dün­ýä döw­let­le­ri, il­kin­ji no­bat­da, goň­şy ýurt­lar bi­len öza­ra bäh­bit­li gat­na­şyk­la­ry ös­dür­ýär. Hä­zir­ki wagt­da şeý­le hyz­mat­daş­lyk gat­na­şyk­la­ryn­da ýa­kyn goň­şy Eý­ran Ys­lam Res­pub­li­ka­sy­na mö­hüm orun de­giş­li­dir. Şu jä­het­den, Türk­me­nis­tan Eý­ran Ys­lam Res­pub­li­ka­sy bi­len kö­pu­gur­ly hä­si­ýe­te eýe bo­lan iki­ta­rap­la­ýyn gat­na­şyk­la­ry has-da ös­dür­mä­ge we pug­ta­lan­dyr­ma­ga uly üns ber­ýär. Iki ýur­duň ara­syn­da sy­ýa­sy-dip­lo­ma­tik, söw­da-yk­dy­sa­dy we me­de­ni-yn­san­per­wer ul­gam­lar­da ne­ti­je­li hyz­mat­daş­lyk edi­lip, ola­ryň hu­kuk bin­ýa­dy yzy­gi­der­li ber­ki­dil­ýär. Mu­ňa iki döw­le­tiň Baş­tu­tan­la­ry­nyň öza­ra sa­par­la­ry we ola­ryň çäk­le­rin­de ge­çi­ril­ýän du­şu­şyk­lar­dyr gep­le­şik­ler hem-de gol çe­ki­len döw­le­ta­ra, hö­kü­me­ta­ra we pu­da­ga­ra res­mi­na­ma­lar aý­dyň şa­ýat­lyk ed­ýär. Soň­ky ýyl­lar­da türk­men-eý­ran gat­na­şyk­la­ry has-da tä­ze­çe ma­ny-maz­mu­na eýe bol­ýar. Mu­ňa köp­ta­rap­la­ýyn gat­na­şyk­lar, hu­su­san-da, söw­da-yk­dy­sa­dy hyz­mat­daş­

Rus­si­ýada «ASIAEXPO 2023» Hal­ka­ra sergisi we maslahaty geçiriler

25 – 27-nji okt­ýab­r ara­ly­gyn­da Rus­si­ýa Fe­de­ra­si­ýa­sy­nyň Kras­no­dar se­bi­tin­de «ASIAEXPO 2023» Hal­ka­ra ser­gi­si we maslahaty ge­çi­ri­ler. Bu hal­ka­ra çä­re dün­ýä­niň oba ho­ja­ly­gy pudagynda ýöriteleşen kompaniýalary bir ýere jemleýän dünýäniň iň uly forumydyr. Dün­ýäniň oba hojalyk ba­za­ry­nyň tä­ze ösüş ugur­la­ry üçin mö­hüm plat­for­ma­nyň 26 müň kwad­rat met­re deň ser­gi meý­dan­ça­syn­da geçiriljek bu halkara çärä Rus­si­ýa­nyň, Azi­ýanyň, Af­ri­kanyň, Ýa­kyn Gün­do­gar­yň hem-de GDA ýurt­la­ry­nyň 200-den gow­rak öň­de­ba­ry­jy se­na­gat kom­pa­ni­ýa­la­ry gatnaşar. «ASIAEXPO» hal­ka­ra mas­la­ha­ty oba ho­ja­ly­gy­nyň ösüşiniň global müm­kin­çi­lik­le­rini ösdürmek, netijeli pi­kir alyş­mak we da­şa­rky ba­za­rda tä­ze hyz­mat­daş­lyk­la­ry aç­mak üçin dün­ýä­niň iň uly plat­for­ma­sy­dyr. Bu çä­re dün­ýä­niň azyk howp­suz­ly­gy­ny üp­jün et­mek hem-de has-da ösdürmek mak­sa­dy bi­len, ag­ro­se­na­gat top­lu­my­nyň äh­li pu­dak­la­ry­nyň wekillerini bir ýe­re jem­leýär.

Halkara hyzmatdaşlygyň asylly ýörelgesi

19-njy sentýabrda Amerikanyň Birleşen Ştatlarynyň Nýu-Ýork şäherinde iş saparynda bolan hormatly Prezidentimiz Serdar Berdimuhamedow BMG-niň Baş Assambleýasynyň 78-nji sessiýasyna gatnaşdy. Bu waka eziz Watanymyzyň döwlet Baştutanymyzyň ýolbaşçylygynda amala aşyrylýan giň halkara hyzmatdaşlyk ýörelgesine ygrarlydygynyň aýdyň subutnamasydyr. Bu konsepsiýada Milletler Bileleşigi bilen strategik gatnaşyklary çuňlaşdyrmak ileri tutulýan ugurlaryň biri bolup durýar. Häzirki döwürde bu hyzmatdaşlyk täze many-mazmuna eýe boldy.

Halkara hyzmatdaşlygy ösdürmegiň tejribesi we geljegi

Halkara awtoulag gatnawlary boýunça türkmen-gazak garyşyk toparynyň nobatdaky mejlisi geçirildi

2023-nji ýylyň 20-21-nji sentýabrynda Türkmenbaşy şäherinde, «Türkmenawtoulaglary» agenliginiň başlygynyň ýolbaşçylygyndaky wekilýet bilen Gazagystan Respublikasynyň Ulag ministrliginiň ulag komitetiniň başlygynyň ýolbaşçylygyndaky wekiliýetiň arasynda Halkara awtoulag gatnawlary boýunça türkmen-gazak garyşyk toparynyň nobatdaky mejlisi geçirildi. Mejlisde iki döwletiň arasynda awtoulag gatnawlarynyň häzirki ýagdaýlaryna seredildi we geljekde halkara awtoulag gatnawlaryny has-da artdyrmak we ösdürmek baradaky meseleler ara alnyp maslahatlaşyldy.

Parahatçylyk we ösüş ýörelgelerine ygrarlylyk

Hormatly Prezidentimiz Serdar Berdimuhamedowyň BMG-niň Baş Assambleýasynyň 78-nji sessiýasyna gatnaşmak üçin Amerikanyň Birleşen Ştatlaryna amala aşyran iş sapary bilen bagly wakalar Bitarap Türkmenistanyň Milletler Bileleşigi bilen deňhukuklylyk, özara hormat goýmak, uzak möhletleýinlik ýörelgelerine esaslanýan köpugurly gatnaşyklary yzygiderli ilerletmäge bolan gyzyklanmalarynyň aýdyň beýanyna öwrüldi. Saparyň maksatnamasyna laýyklykda, 18-19-njy sentýabrda hormatly Prezidentimiz Serdar Berdimuhamedow BMG-niň Nýu-Ýork şäherinde ýerleşýän ştab-kwartirasynda ikitaraplaýyn duşuşyklaryň birnäçesini geçirdi. BMG-niň Baş sekretary Antoniu Guterriş bilen bolan duşuşykda ikitaraplaýyn hyzmatdaşlygyň ileri tutulýan ugurlary barada gyzyklanma bildirilip ara alnyp maslahatlaşyldy. Şunuň bilen baglylykda, 2007-nji ýylda Aşgabatda açylan BMG-niň Merkezi Aziýa üçin öňüni alyş diplomatiýasy boýunça sebit merkezine möhüm orun degişlidir. Merkez işiniň 15 ýyldan gowrak wagtynyň dowamynda özüni häzirki döwrüň täze wehimlerine garşy durmagyň çözgütlerini gözlemekde BMG-niň ulgamyny Merkezi Aziýa ýurtlary bilen baglanyşdyrýan netijeli binýat hökmünde görkezdi. Hormatly Prezidentimiziň Bütindünýä Söwda Guramasynyň (BSG) Baş direktory hanym Ngozi Okonjo-Iweala, Koreýa Respub

Duşenbe sammitleri: umumy maksatlar, bilelikdäki tagallalar

14-15-nji sentýabrda Täjigistanyň paýtagty Duşenbe şäherinde Merkezi Aziýa döwletleriniň Baştutanlarynyň bäşinji konsultatiw duşuşygy we Araly halas etmegiň halkara gaznasyny esaslandyryjy döwletleriň Baştutanlarynyň Geňeşiniň mejlisi üstünlikli geçirildi. Hormatly Prezidentimiz Serdar Berdimuhamedow sammitlere gatnaşmak maksady bilen dostlukly ýurda iş saparyny amala aşyryp, ýokary derejeli duşuşyklarda çuň manyly çykyş etdi we sebit hyzmatdaşlygyny ilerletmäge gönükdirilen anyk başlangyçlary öňe sürdi. Ikitaraplaýyn hyzmatdaşlygyň mümkinçilikleri

Milli Liderimize hormat — milletimize mertebe

14-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Täjigistan Respublikasynyň Prezidenti Emomali Rahmonyň çakylygy boýunça iş sapary bilen Täjigistanda boldy. Şol gün geçirilen sebit ýurtlarynyň Liderleriniň bäşinji konsultatiw duşuşygynyň çäginde Gahryman Arkadagymyza Merkezi Aziýa döwletleriniň Baştutanlarynyň Hormat nyşany gowşuryldy. Munuň özi Milli Liderimiziň ýurdumyzyň çäklerinden daşarda hem ählumumy hormata, belent abraýa mynasyp bolandygyny, bitiren işleriniň giňden ykrar edilýändigini aýdyň görkezen şanly waka öwrüldi. Sylaglamak dabarasynyň geçirilýän ýerinde Täjigistanyň Prezidenti Emomali Rahmon çykyş edip, Merkezi Aziýanyň döwlet Baştutanlarynyň bilelikdäki çözgüdi bilen, sebitiň döwletleriniň arasynda dostlugy, hoşniýetliligi, özara düşünişmegi, hyzmatdaşlygy ösdürmekde, sebitde parahatçylygy we howpsuzlygy berkitmekde, ýurtlaryň syýasy, ykdysady hem-de medeni-ynsanperwer ulgamlarda hyzmatdaşlygyny çuňlaşdyrmakda, bilelikdäki bähbitlerinidir başlangyçlary halkara giňişlikde ösdürmekde ägirt uly hyzmatlary bitiren türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Merkezi Aziýa döwletleriniň Baştutanlarynyň Hormat nyşany bilen sy

Türkmenistanyň Prezidenti Birleşen Milletler Guramasynyň Baş sekretary bilen duşuşdy

Nýu-Ýork, 18-nji sentýabr (TDH). Birleşen Milletler Guramasynyň Baş Assambleýasynyň 78-nji sessiýasyna gatnaşmak üçin Nýu-Ýorkda iş sapary bilen bolýan hormatly Prezidentimiz Serdar Berdimuhamedow şu gün BMG-niň Baş sekretary Antoniu Guterriş bilen duşuşdy. Nýu-Ýork wagty bilen günüň ikinji ýarymynda döwlet Baştutanymyz Birleşen Milletler Guramasynyň Sekretariatynyň binasyna geldi. Bu ýerde belent mertebeli myhmany BMG-niň Baş sekretary mähirli garşylady.

Türkmenistanyň Prezidenti Bütindünýä Söwda Guramasynyň Baş direktory bilen duşuşdy

Nýu-Ýork, 18-nji sentýabr (TDH). Birleşen Milletler Guramasynyň Baş Assambleýasynyň Nýu-Ýorkda geçirilýän 78-nji sessiýasyna gatnaşýan hormatly Prezidentimiz Serdar Berdimuhamedow şu gün Bütindünýä Söwda Guramasynyň (BSG) Baş direktory hanym Ngozi Okonjo-Iweala bilen duşuşdy. Döwlet Baştutanymyz we iri halkara söwda guramasynyň ýolbaşçysy mähirli salamlaşyp, hyzmatdaşlygyň häzirki ýagdaýyny, ony ösdürmegiň geljegini söhbetdeşlikde ara alyp maslahatlaşmak üçin dörän mümkinçilige kanagatlanma bildirdiler. Umumy pikire görä, şu günki duşuşygyň netijeleri hyzmatdaşlygy mundan beýläk-de pugtalandyrmak üçin ygtybarly binýat bolar.

Türkmenistanyň Prezidenti Koreýa Respublikasynyň Prezidenti bilen duşuşdy

Nýu-Ýork, 18-nji sentýabr (TDH). Birleşen Milletler Guramasynyň Baş Assambleýasynyň 78-nji sessiýasyna gatnaşmak üçin Amerikanyň Birleşen Ştatlarynda iş sapary bilen bolýan hormatly Prezidentimiz Serdar Berdimuhamedow şu gün Koreýa Respublikasynyň Prezidenti Ýun Sok Ýol bilen duşuşdy. Hormatly Prezidentimiz Nýu-Ýorkda geçýän duşuşyga örän şatdygyny nygtap, bu gepleşikleriň ikitaraplaýyn gatnaşyklary ösdürmegiň täze ýollaryny kesgitlemäge, ony mundan beýläk-de giňeltmäge kuwwatly itergi berjekdigine ynam bildirdi. Bellenilişi ýaly, deňhukuklylyk, özara bähbitlilik, hormat goýmak we ynanyşmak ýörelgelerine esaslanýan türkmen-koreý gatnaşyklary okgunly ösüşe eýe boldy hem-de ösüşini yzygiderli dowam etdirip, hil taýdan täze many-mazmun bilen baýlaşdyrylýar.

Türkmenistanyň Prezidenti Ýewropa Bileleşiginiň Başlygy bilen duşuşdy

Nýu-Ýork, 18-nji sentýabr (TDH). Birleşen Milletler Guramasynyň Baş Assambleýasynyň 78-nji sessiýasyna gatnaşmak üçin Nýu-Ýorkda iş sapary bilen bolýan hormatly Prezidentimiz Serdar Berdimuhamedow şu gün Ýewropa Bileleşiginiň Başlygy Şarl Mişel bilen duşuşdy. Söhbetdeşler mähirli salamlaşyp, BMG-niň Baş Assambleýasynyň 78-nji sessiýasynyň meýdançalarynda Türkmenistanyň we Ýewropa Bileleşiginiň arasyndaky özara bähbitli gatnaşyklary mundan beýläk-de ösdürmek meselelerini ara alyp maslahatlaşmak üçin dörän mümkinçilige kanagatlanma bildirdiler. Şol gatnaşyklar soňky ýyllarda hil taýdan täze many-mazmun bilen baýlaşdyryldy.

Gazagystan — Türkmenistan — Eýran demir ýoly arkaly hyzmatdaşlygy ösdürmegi maslahatlaşyldy

Gazagystan bilen Eýranyň iki ýurduň arasyndaky ulag we üstaşyr aragatnaşygyny güýçlendirmekde uly mümkinçilikleri bar. Bu barada BMG-niň Baş Assambleýasynyň 78-nji mejlisiniň çäginde Gazagystanyň Prezidenti Kasym-Žomart Tokaýew bilen onuň eýranly kärdeşi Ebrahim Raisiniň arasynda Nýu-Ýorkda geçirilen duşuşykda mälim edildi. Hususan-da, taraplar Gazagystan — Türkmenistan — Eýran demir ýoluny Hazaryň üsti bilen özara söwdany we ulag aragatnaşygyny ösdürmegiň esasy ugry hökmünde ulanmagyň giň mümkinçiliklerini bellediler diýlip, Gazagystanyň Prezidentiniň Metbugat gullugy habar berýär.

Türkmenistanyň Prezidenti Bütindünýä durnukly ulag güni mynasybetli Nýu-Ýorkda ýokary derejeli Maslahaty çagyrmagy teklip etdi

Prezident Serdar Berdimuhamedow Nýu-Ýork şäherinde, Birleşen Milletler Guramasynyň Baş Assambleýasynyň 78-nji mejlisindäki çykyşynyň barşynda Bütindünýä durnukly ulag güni mynasybetli ýokary derejeli Maslahaty çagyrmagy teklip etdi. Döwlet Baştutanynyň belleýşi ýaly, BMG-niň jogapkärçilikli agza döwleti hökmünde Türkmenistan ileri tutulýan ugurlary belläp, öz çemeleşmelerini we hereketlerini anyk beýan edýär hem-de durmuşa geçirýär. Bu ugurlar boýunça Türkmenistanyň goşandy görnükli bolar we umumydünýä maksatlarynyň bähbidine hyzmat eder, olaryň çalt gazanylmagyna ýardam berer.

Sebit hyzmatdaşlygy: täze ösüşlere täze badalga

Şu ýylyň 14-nji sentýabrynda Duşenbe şäherinde geçirilen Merkezi Aziýa döwletleriniň Baştutanlarynyň bäşinji konsultatiw duşuşygy sebitleýin hyzmatdaşlygyň ajaýyp mysaly, parahatçylygy hem durnukly ösüşi berkitmäge taýynlygyny görkezýän taryhy waka boldy. Sammitiň öňüsyrasynda hormatly Prezidentimiziň Täjigistan Respublikasynyň Prezidenti Emomali Rahmon bilen duşuşygynda gadymdan gelýän dostluk, hoşniýetli goňşuçylyk däplerine daýanýan özara gatnaşyklaryň deňhukuklylyk, özara hormat goýmak, ynanyşmak ýörelgelerine esaslanýandygy bellenildi. Merkezi Aziýanyň döwletleriniň Baştutanlarynyň Duşenbe forumyna ilkinji gezek bu sebitde ýerleşmeýän döwletiň — goňşy Azerbaýjanyň Prezidenti, şeýle-de türkmen halkynyň Milli Lideri Gahryman Arkadagymyz hormatly myhman hökmünde gatnaşmaga çagyryldy.

Dost-doganlyk sarpasy

Türkmenistanyň sebitde we dünýäde parahatçylygy pugtalandyrmak, halklaryň eşretli durmuşyny üpjün etmek, ykdysady ösüşi berkitmek ugrunda öňe sürýän başlangyçlary bu gün dünýä jemgyýetçiliginde uly goldaw tapýar. Bu ugurda Gahryman Arkadagymyzyň durmuşa geçiren tutumly işleri, asylly başlangyçlary aýratyn nygtalmaga mynasypdyr. Munuň şeýledigini Milli Liderimiziň Merkezi Aziýa döwletleriniň Döwlet Baştutanlarynyň bäşinji konsultatiw duşuşygynyň geçýän günlerinde Täjigistanyň Prezidenti Emomali Rahmonyň çakylygy boýunça Duşenbe şäherine amala aşyran saparynyň çäklerinde bolup geçen ajaýyp waka hem aýdyň subut edýär. Duşenbe duşuşygy tamamlanandan soňra, oňa gatnaşyjy döwletleriň Prezidentleriniň gatnaşmagynda Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa Merkezi Aziýa döwletleriniň Baştutanlarynyň Hormat nyşanynyň dabaraly ýagdaýda gowşurylmagy halkymyzyň göwün guşuny ganatlandyrdy. Bu sylag, şol bir wagtyň özünde, tutuş halkymyzyň parahatçylyk söýüjilik ýörelgelerine, dostana gatnaşyklaryna hem-de goňşara asudalyga goýýan gadyr-gymmatyny hem şöhlelendirýär. Gahryman Arkadagymyzyň bu ýokary sylaga mynasyp bolmagy Duşenbe sammitiniň özboluşly wakasyna öwrüldi diýsek dogry bolar. Sebäbi Milli Lid

Bagtdan paýlydyr türkmen ykbaly, Ata Watan bütin dünýäň ykrary

Arkadag Serdarly bagtyýar ýaşlar ýylynyň 14–15-nji sentýabrynda hormatly Prezidentimiz Merkezi Aziýa döwletleriniň Baştutanlarynyň bäşinji konsultatiw duşuşygyna hem-de Araly halas etmegiň halkara gaznasyny esaslandyryjy döwletleriň Baştutanlarynyň Geňeşiniň mejlisine gatnaşmak üçin Täjigistan Respublikasyna iş saparyny amala aşyrdy. Merkezi Aziýa döwletleriniň Baştutanlarynyň forumyndaky çykyşynda hormatly Prezidentimiz döwletara söwda-ykdysady gatnaşyklary giňeltmegi we özara haryt dolanyşygynyň möçberini artdyrmagy sebitiň ýurtlarynyň öňünde duran ilkinji nobatdaky wezipeleriň hatarynda kesgitledi. Şunuň bilen baglylykda, söwdany ösdürmekde bilelikdäki ädimleri utgaşdyrmak, Merkezi Aziýa bazarynyň geljekki ykdysady subýektleriniň ählisiniň täjirçilik bähbitlerini üpjün etmek, iri sebit taslamalaryny durmuşa geçirmek üçin maýa goýumlary çekmek maksady bilen, Merkezi Aziýa Söwda edarasyny döretmek meselesine garamak teklip edildi.