Amyderýa döwlet tebigy goraghanasynda ýakynda geçirilen ylmy-tehniki maslahat sazak tohumynyň ekilişiniň agrotehniki kadalaryna bagyşlandy. Ekiş ir baharda fewral-mart aýlarynda we güýzde noýabr-dekabr aýlarynda geçirilýär. Ekişe taýýarlanylan ýerlerde joýa çekilip, tohumlar joýanyň içine 1-2 santimetr çuňlukda ekilýär. Ekilen tohumlar 1,5-2 aýyň dowamynda gögerýär. Gögeren nahallara suw, organiki we mineral dökünler berlip, ideg işinde agrotehnikanyň talaplary berjaý edilýär. Ösdürilip ýetişdirilen 3 ýyllyk nahallar meýdanlara çykarylyp oturdylýar. Goraghana işgärleri ekilen nahallary gözegçilikde saklap, ýangyndan, mal bakylyp zaýalanmagyndan goraýarlar, olaryň endigan ösüp ulalmagy ugrunda alada edýärler.