Türkmen-çeh gatnaşyklaryny işjeňleşdirmegiň ýolunda

Pragada geçirilen Türkmenistanyň we Çehiýanyň daşary syýasat edaralarynyň arasyndaky syýasy geňeşmeleriň barşynda ikitaraplaýyn hyzmatdaşlygyň dürli ugurlary hem-de halkara gün tertibiniň möhüm meseleleri boýunça pikir alyşmalar boldy. Taraplar özara gatnaşyklaryň şertnama-hukuk binýady bilen baglanyşykly meselelere-de garadylar. Duşuşykda türkmen we çeh taraplaryna, degişlilikde, daşary işler ministriniň orunbasarlary A.Gurbanow hem-de I.Kozak ýolbaşçylyk etdi.