22-nji iýunda Arkadag şäherinde badalga alan Medeniýet hepdeliginiň ilkinji gününde Aman Gulmämmedow adyndaky döwlet drama teatrynda «Älem nury» atly täze sahna eseriniň ilkinji görkezilişi boldy. Akyldar şahyrymyz Magtymguly Pyragynyň ömrüne we döredijiligine bagyşlanan bu eser tomaşaçylar tarapyndan uly gyzyklanma bilen garşylandy. Türkmenistanyň halk ýazyjysy Gowşutgeldi Daňatarowyň we Abdylazym Rejepowyň beýik söz ussadymyzyň şygyrlarynyň we halk rowaýatlarynyň esasynda döreden sahna eseri Bagtyýar Abaýewiň režissýorlyk etmeginde tomaşaçylara ýetirildi. Sahna ussatlary Didar Kowusow, Mährigözel Atdaýewa we Muhammet Sommanow sahna eserinde baş rollarda çykyş etdiler.